Morgunblaðið - 30.12.2008, Blaðsíða 15
Daglegt líf 15
MORGUNBLAÐIÐ ÞRIÐJUDAGUR 30. DESEMBER 2008
Mikið var um að vera í Borgarnesi á
þriðja degi jóla, en þá var fluttur
gleðleikur um fæðingu Jesú Krists
eftir Kjartan Ragnarsson og Unni
Halldórsdóttur. Byrjað var á bæna-
stund í Borgarneskirkju og gengið
þaðan með blys að Tónlistarskólanum
þar sem þrír tenórar sungu á svölum
skólans. Þaðan var gengið að
Menntaskóla Borgarfjarðar þar sem
Gleðileikurinn var fluttur í nýja
menningarsalnum. Hann hófst á kór-
söng, en hér í sveit höfum við kamm-
erkór, Freyjukór og barnakór, sem
allir skiluðu sínu hlutverki vel. Um
500 manns mættu í áhorfendasalinn,
en alls léku 13 leikarar í sýningunni
sem var öll í bundnu máli, en senni-
lega hafa á annað hundrað manns
komið að verkinu með einum eða öðr-
um hætti og gáfu allir vinnuna sína.
Þess má geta að vitringana þrjá léku
tveir rektorar og einn skólameistari,
þeir Ágúst Einarsson, Bifröst, Ágúst
Sigurðsson á Hvanneyri og Ársæll
Guðmundsson, Menntaskóla Borg-
firðinga. Og ekki má gleyma frétta-
manninum fallega, honum Gísla Ein-
arssyni sem lék Heródes af snilld.
Sveitarstjóri Borgarbyggðar hvetur
íbúa til „að grípa tækifærið“ í pistli
sem hann ritar í Fréttabréfi sveitar-
félagsins og var dreift á heimilin fyrir
jól. Þar segir hann fjárveitingar til fé-
lagsþjónustu munu aukast og að
reynt verði að standa vörð um
fræðslumálin. En inntakið er eftir
sem áður að við íbúar treystum á
samstöðuna og leitum nýrra tæki-
færa. Þetta hefur fengið bygging-
arverktaka til þess að vona að nú
verði loksins farið að byggja við dval-
arheimilið og í því liggi bæði tækifæri
og störf fyrir atvinnuleitendur.
Ef ekki, þá geta íbúar Borgarbyggðar
sótt sér vinnu á höfuðborgarsvæðinu
eða jafnvel alla leið austur á Selfoss,
því strætó mun aka frá og með ára-
mótum úr Borgarnesi. Þetta fyr-
irkomulag mun auðvelda almennings-
samgöngur, en reiknað er með 8
ferðum á virkum dögum. Stakur miði
mun kosta 1120 kr., en hægt verður
að kaupa ýmiss konar afsláttarkort
og ná verði allt niður í 300 kr. fyrir
ferðina. Fyrir þá sem munu nýta sér
strætó að jafnaði er ljóst að þetta get-
ur orðið þó nokkur kjarabót og verð-
ur spennandi að sjá hvernig nýtingin
verður á leiðinni Hyrnan – Hlemmur.
Veðurblíðan var með eindæmum góð
um jólin og lítið varð úr jóladagshret-
inu. Mátti sjá Borgnesinga í útivist
víðsvegar um bæinn ýmist gangandi,
skokkandi eða hjólandi. Flestum hef-
ur víst ekki veitt af súrefni og hreyf-
ingu eftir steikurnar og jólaísinn, eru
rauð jól ljómandi góð fyrir þá sem
vilja skella sér út án þess að þurfa að
dúða sig fyrir frosti og kuldabola. Að
venju kepptust húseigendur við að
skreyta hús sín fyrir jólin með alls
kyns ljósum og prjáli. Kveldúlfsgatan
hefur löngum verið rómuð fyrir mikl-
ar og fallegar skreytingar og svo er
einnig í ár. Fréttaritari er ekki mikill
jólasnúður og skeytir í lágmarki.
Hann uppgötvaði ennfremur nú fyrir
jólin hversu vel það getur komið sér
að „gleyma“ að taka niður allt skraut-
ið frá ári til árs, það er þá á vísum
stað. Bestu nýárskveðjur úr Borg-
arbyggð.
BORGARNES
Guðrún Vala Elísdóttir fréttaritari
Morgunblaðið/Brynjar Gauti
Hátíð Það hefur verið nóg að gera
hjá Kjartani Ragnarssyni um jólin.
Jólakortavísur eru gamalgróinhefð meðal hagyrðinga. Og
vert að gera nokkrum skil hér í
þættinum. Hreiðar Karlsson orti:
Þó að tapi þjóðin fé,
þó að margur blankur sé,
bera jólin birtu og yl
börnunum, sem hlakka til.
Þá Jón Gissurarson:
Þó að krenki þjóðarhag
þá er best að taka slag,
einnig gott að gera brag
um gæfuríkan jóladag.
Loks Hallmundur Kristinsson:
Með hugann í tygjum við hækkandi sól
og heiminn vonandi betri,
sendi ég óskir um sælurík jól
og sumar að liðnum vetri.
Hreiðar Karlsson skrifar þætt-
inum: „Agnes hefur lengi verið
fremur ódæll blaðamaður og farið
eigin leiðir. Nú jafnvel efast hún
um fullkomnun manna, sem þó
hafa til margra ára gengið með
geislabaug upp á hvern dag. Enda
er hún farin að leita til æðri mátt-
arvalda.
Agnes er fremur örðugt vitni,
ósvífin færir hún margt í letur.
Kallar nú bæði á Guð og Glitni,
gaman að sjá, hvor dugar betur.
Dálítið þversum virðist vera,
vill ekki trúa frægðarsögum
manna sem geislabauginn bera
bæði á virkum og helgum dögum.“
Og hann klykkir út með: „Húrra
fyrir Agnesi!“
VÍSNAHORN pebl@mbl.is
Af vísum í
jólakortum
Eftir Einar Fal Ingólfsson
efi@mbl.is
ÞEGAR íbúar í Eirhömrum, íbúðum aldraðra í Mos-
fellsbæ, sýndu handavinnu sína á aðventunni dáðust
margir að prjónaskap hagleikskonunnar Sigurlínar
Pétursdóttur, sem býr þar ásamt eiginmanni sínum,
Eyvindi S. Péturssyni. Hún sýndi prjónaðar dúkkur
sem hún hafði nýlokið við; sviðsetningu á fæðingu
Jesú í fjárhúsinu.
Dúkkurnar eru átta, María og Jósef með Jes-
úbarnið, vitringarnir og fjárhirðar, auk vingjarn-
legra kinda. Stærstu dúkkurnar eru um 30 cm háar.
„Mig hefur lengi langað til að prjóna þetta og lét
nú loks verða af því,“ segir Sigurlína sem sá fyrst
mynd af dúkkunum í bresku prjónablaði. Hún hefur
prjónað mikið af fígúrum og dúkkum, segir voðalega
gaman að prjóna fólk.
„Ég held að þetta sé ættgengt. Mamma var alltaf
að gera dúkkur og dýr segir hún,“ og sýnir ljósmynd-
aranum Öskubusku sem hún hefur prjónað og bendir
á stóran trúð uppi á hillu.
Hún segist hafa fundið garnið í fjárhúsdúkk-
urnar hér og þar í verslunum, eitthvað átti hún í af-
göngum og annað gáfu vinir henni. „Mér líður ekki
vel ef ég er ekki að gera eitthvað í höndunum,“ segir
Sigurlína, en þau hjónin fluttu frá Akureyri árið
1999 og hafa búið í Eirhömrum í tæpt ár. „Ég er
ekki byrjuð á neinu nýju ennþá, en það kemur að
því. Fyrir jólin heklaði ég fimm trefla – þeir eru
svo vinsælir. Ég hef svo mikið að gera eftir að
ég hætti að vinna að maður sér ekki út úr því,“
segir hún og hlær.
Morgunblaðið/Einar Falur
Fæðing Jesú „Mig hefur lengi langað að prjóna þetta,“ segir Sigurlína um dúkkurnar. Henni líður ekki vel nema hún sé að gera eitthvað í höndunum.
Hannyrðakonan Sigurlína Pétursdóttir prjónaði senu frá fæðingu Jesú, með Jósef, Maríu, vitringum og fjárhirðum
„Ég held að þetta sé ættgengt“
Prjónakonan Sigurlína er ekki
byrjuð á nýjum dúkkum ennþá.
Fáðu úrslitin
send í símann
þinn