Faxi - 01.12.1975, Blaðsíða 14
Leikendur og hvislarar: Sitjandi frá vinstri: ValgerOur Þorláksdóttir, FriObjörn Gunn-
laugsson, Þóra Júliusdóttir. Standandi frá vinstri: Alexander EOvarösson, Eester Gisla-
dóttir, Jóna Ingvadóttir, Gunnar Tómasson, Birna Bjarnadóttir.
JÓN TÓMASSON:
LEIKFÉLAG GRINDAVÍKUR — FESTI
Karólína snýr sér að
Höfundur Haraldur Á. Sigurðsson
Leikstjóri Kristján Jónsson
Endurvakið Leikfélag Grindavíkur
frumsýndj fyrsta verkefni sitt 28. nóv.
s.l., en það var Karólína snýr sér að
leiklistinni eftir Harald Á. Sigurðsson.
Leikritið er í þremur þáttum — tvær
sviðsmyndir — stofur hjá vinkonunum
Karólínu og Geraldínu.
Leikurinn fór fram á hljómsveitar-
pallinum í Festi og að nokkru framan
við hann. Aðstaða til sviðsetningar er
því í alerfiðasta lagi — enda eftir að
byggja þann hluta samkomuhússins,
sem ætlaður er til leikstarfa, kvik-
myndasýninga og svipaðra þarfa — að-
eins til í teikningum.
Það skal þó sagt Grindvíkingum til
verðugs hróss, að það, sem þegar hefur
verið gert af samkomuhúsi þeirra er til
hreinnar fyrirmyndar og þess vænzt, að
eins vel takizt til um síðari áfangann
og að hann megi verða fullger hið fyrsta.
Nú — en þegar litið er á þá aðstöðu,
sem fyrir hendi er, skoðast það sem
afrek að hafa ráðist í að koma á svið og
sýna tveggja klukkustunda verk, sem
krefst jafn mikils í sviðsgerð og sviðs-
búnaði, og að hafa komizt vel frá þeim
vanda. Hvers mætti ekki vænta af þessu
fólki við boðleg skilyrði?
Eins og vænta mátti af höfundinum,
húmoristanum Haraldi Á. Sigurðssyni,
sem sennilega hefur fengið íslendinga
til að hlæja meira en nokkur annar
maður með leik sínum — þá er efni
leiksins og öll gerð hans ætlað að kalla
fram glaðværð og græskul^ust gaman,
— ætlað að laða hugann frá erfiði og
önn strangra skammdegisdaga — og
ætlað nú í Grindavík að fá útgerðar-
menn, sjómenn, fjölskyldur þeirra og
alla þá er eiga allt sitt undir fiskveiðum
til að gleyma því um stund, að það er
ekki lengur hægt að treysta því að enn
leynist fiskur undir steini.
Leikfélagi Grindavíkur tókst vel að
leysa þennan vanda á frumsýningu
Karólínu. Húsið var fullsetið og hlátur-
inn var almennur og einlægur. Mér er
nær að halda, að aldrei hafi verið hlegið
jafn mikið í Grindavík á einu kvöldi —
nema ef vera kynni þegar Haraldur Á.
Sigurðsson lék þar í Karlinum á kass-
anum forðum. Það var sagt, að þá hafi
komið sprungur í gamla góða Kvenfé-
lagshúsið.
Efni leiksins ristir ekki djúpt, en er
þó fléttað nokkrum þáttum mannlegra
samskipta, frekar af spaugilegra tagi,
s.s. vinkonuglettur frúnna, framtaks-
semi við að koma á leynifundum, yfir-
borðsmennsku, fláttskapar, afbrýðisemi
og fórnum á altarj Bakkusar (uppgjör
þeirra Narfa og Högna).
Titilhlutverkið, Karólínu, leikur Val-
gerður Þorvaldsdóttir. Hún sannaði hið
fornkveðna, að sjaldan fellur eplið langt
frá eikinni, en bæði faðir hennar, Þor-
valdur, og Klemens, faðir hans, voru vel
þekktir á sviðinu í Grindavík — Klem-
ens mun hafa verið meðal þeirra fyrstu
er léku þar, nálægt aldamótunum. Einn-
ig lék Stefanía Tómasdóttir, móðir Val-
gerðar, og bræður beggja foreldra henn-
ar. Eitthvað kann hún að hafa leikið í
skóla eða innanfélags, en ekki veit ég
til að hún hafi látið ljós sitt skína opin-
berlega fyrr, og var þetta því mikill
leiksigur, sem lengi mun í minnum
hafður. Kemur þar margt til, leikgleðin
var einsæ, gerfið gott og það sem mestu
skipti var að skilningur á hlutverkinu
og túlkunarhæfileiki komust vel til skila.
Það er augljóst að Grindvíkingar hafa
eignast góðan gamanleikara með Val-
gerði — en, hafi mér ekki missýnst á
hún líka að geta glætt lífi alvarlegri og
rismeiri hlutverk.
Friðbjöm Gunnlaugsson lék Narfa,
mann Geraldínu. Það er eins og öll sam-
búðarár hans og Geraldínu hafi verið
konuár, svo niðurbeygður er Narfi í
heimahúsum. En það kann að vera, að
hann hafi einhvern tíma á yngri árum
lagt í ofninn hjá Karólínu og glóðir
verið lífseigar. Karólína hefur a.m.k.
gott lag á að rétta hans bogna bak og
örva neistann sem í karli býr, — þarf
kannske hlýjunnar, semþað veitir, því
karl hennar, Högni húsgagnasmiður,
leikinn af Gunnari Tómassyni (bróður
Valgerðar) er dæmigerður þumbari úr
köldum vinnustað, sem tekur hlýju
bokkunnar fram yfir heitan barm konu
sinnar. Hlutverk Högna er fremur lítið
en Gunnar gefur því mjög trúverðugan
iðnaðarmannssvip. Narfi er hins vegar
annað aðalhlutverk leiksins og sé það
122 — FAXI