Faxi - 01.12.1975, Blaðsíða 40

MINNING
Olafur Ríkharð Guðmundsson
F. 3. MAÍ 1917 — D. 3. ÁGÚST 1975
Ferð mannsins í gegnum þennan heim
er í vissum skilningi áþekk dagleiðum
ferðamannsins. Áfangar eru mislangir
og atburðir ferðarinnar sundurleitir.
Enginn áfangi er tíðindalaus, en til þess
eru atvikin að af þeim sé unmið. Veg-
amestinu hafa engir ráðið, en gæfan
til þess að nema af áföngum ferðarinnar
skilur á milli, er skoðuð eru spor veg-
farandans héma megin tjaldsins.
Ólafur Ríkharð Guðmundsson hét
hann fullu nafni og lézt í Sjúkrahúsinu
í Keflavík þann 13. ágúst s.l. eftir erfiða
sjúkralegu. Hann fæddist í Grindavík
þann 3. maí 1917, sonur hjónanna Val-
gerðar Bjarnadóttur og Guðmundar
Elíssonar fiskmatsmanns. Hann fluttist
með foreldrum sínum á unga aldri tíl
Reykjavikur, en 15 ára gamall flyzt
hann ásamt foreldrum sínum hingað til
Keflavikur og átti heima hér æ síðan.
Ólafur stundaði fyrst framan af alla
algenga vinnu, sem tíðkaðist í sjávar-
plássum á þeim tíma, en um 1939 stofn-
aði hann ásamt fleirum Vörubílastöð
Keflavíkur og fékkst síðan við vörubif-
reiðaakstur fram til ársins 1946. Þá hef-
ur hann störf hjá Olíufélaginu hf. á
Keflavíkurflugvelli og er þar verkstjóri
þar til fyrir rúmum tveimur árum, ei
hann kenndi veikinda þeirra, er urðu
honum að aldurtila; hann var þar þó
af og til þótt sjúkur væri. Hér hefut
i fáum orðum verið rakin starfssaga
ólafs. Hann var trúr og traustur maðui
í starfi og einkar vinsæll af sínum sam-
starfsmönnum. Um það vitna orð eins
vinnufélaga hans: ,,Hann mátti i engu
vita að störfum hans og sinna manna
væri áfátt“.
Ég vil nú geta annarra starfa Ólafs
sem ef til vill munu öðru frekar halda
minningu hans á lofti um ókomin ár.
Þegar saga tónlistar í Keflavík verður
skráð verður nafn Ólafs óefað ofarlega
á blaði. Hann hafði mikið dálæti á tón-
list, var söngmaður góður og lék sjálfur
á hljóðfæri. Segja má að tónlistin hafi
verið Ólafs hálfa líf.
Hann hafði um 40 ára skeið afskipti
af söngmálum og tónmennt almennt í
Keflavík. I Karlakómum Ægi byrjar
hann 16 ára gamall, syngur í Kirkjukór
Keflavíkurkirkju um 25 ára skeið. Einn
af stofnendum Karlakórs Keflavíkur 1.
desmeber 1953 og ein af driffjöðrum
kórsins ávallt síðan. Ásamt þremur fé-
lögum sínum úr kórum stofnaði hann
Keflavíkurkvartettinn 1963, sem víða
hefur komið fram á landinu og í fjöl-
miðlum við mjög miklar vinsældir. Einn-
ig var hann í sextett, sem mikið söng við
kirkjulegar athafnir. Einn af frumkvöðl-
um Lúðrasveitar Keflavíkur og formar-
ur henna um tíma. Ólafur stofnaði
fyrstu danshljómsveitina í Keflavík og
jafnframt á Suðumesjum ásamt þremur
félögum sínum árið 1937. Þetta þótti
mikill viðburður á þeim árum, því áður
hafði harmónikkan ein verið látin duga.
Meginhluti starfa Ólafs að tónlistarmál-
um voru lítt eða ekki launuð störf. Á-
nægjan og gleðin ein af því að vera þátt-
takandi sat í fyrirrúmi. Hann leit á það
sem heilaga skyldu sína að hlýða hverju
kalli. Er til marks um það, að iðulega
er hann var um helgar og í fríum í
sumarbústað sínum við Meðalfellsvatn,
en þar undi hann hag sínum, fór hann
gagngert til Keflavíkur til þess að
syngja við jarðarfarir og vera viðstadd-
ur aðrar þær athafnir, er skyldan bauð.
Þann 1.. nóvember 1939 gekk Ólafur
að eiga eftirlifandi konu sína, Dagmar
Pálsdóttur frá Keflavík, dóttur hjónanna
Guðrúnar Jónsdóttur og Páls Pálssonar
útvegsbónda. Hjónaband þeirra var afar
farsælt, enda Dagmar mikil ágætis og
dugnaðarkona, sem stóð við hlið manns
síns í erfiðri raun þar til yfir lauk. Þau
eignuðust 5 börn; 4 syni og eina dóttur.
Elztur er Páll, þá Guðmundur og Ró-
bert, sem kvæntur eu Báru Sigurðardótt-
ur. Elín Guðbjörg, gift Júlíusi Bess og
yngstur er Ingólfur. Þau Dagmar og Ól-
afur bjuggu öll sín búskaparár í Kefla-
vík, fyrst að Kirkjuvegi 17 til 1953 og
síðan á sínu vistlega heimili að Faxa-
braut 26.
Ólafur var vel meðalmaður á vöxt, vel
á sig kominn og hærður vel. Svipurinn
var hreinn og allur bauð hann af sér
góðan þokka. Hann var maður greið-
vikinn og vinsæll, enda vinmargur, sem
sýndi sig í heimsóknum fjölmargra
starfsfélaga og annarra þar til yfir lauk.
Ólafs R. Guðmundssonar er gott að
minnast, spor hans hérna á meðal okk-
ar skilja eftir minningar um góðan
dreng og prúðmenni. Blessuð sé minning
góðs vinar.
Ég og fjölskylda mín vottum Dagmar,
börnum hennar og barnabörnum og öðr-
um venzlamönnum samúð okkar. Megi
minningin um mætan mann verða þeim
huggun harmi gegn.
Páll Axelsson
Gleðileg jól!
Farsælt komandi ór!
Þökkum viðskiptin ó liðna árinu.
Hjólbarðaþjónustan,
Aðalstöðinni
Gleðileg jól!
Farsælt komandi ár!
Þökkum viðskiptin á uðna árinu.
Landshöfn Keflavík - Njarðvík
Gleðileg jól!
Farsælt komandi ár!
Þökkum viðskiptin á liðna árinu.
Rafveita Grindavíkur
148 — FAXI