Faxi - 01.12.1975, Blaðsíða 42
1 tilefni 40 ára afmælis Reynis, var haldið
samsæti í Félagsheimilinu í Sandgerði þann
14. október.
Voru þarna samankomnir á annað hundrað
félaga og gesta, þar á meðal Trausti Jónsson,
fyrsti formaður félagsins og aðalhvatamaður
að stofnun þess.Kristinn Magnússon, sem var
einn stofnenda og stjórnarmaður fyrstu ár-
in. Ellert Schram, formaður KSÍ, sem flutti
ávarp og þakkaði Reynismönnum gömul og
ný kynni. Magnús Þórðarson, einn ötulasti
félagi Reynis allt frá stofnun til þessa dags,
var heiðursgestur. Jón Júlíusson hlaut silfur-
merki KSl fyrir störf sín í þágu knattspyrn-
unnar í Sandgerði og veitti Ellert honum
merkið.
Ómar Ragnarsson skemmti gestum með
gamanmálum. Veislustjóri var Ólafur Gu'nn—
laugsson. Guðjón Valgeirsson sá um veit-
ingar.
Þá var 3. flokkur heiðraður fyrir góða
frammistöðu í Islandsmótinu.
Að lokum var dansað fram eftir nóttu.
Félaginu bárust ýmsar gjafir, m.a. 100 þús.
krónur frá Miðneshreppi, innrammaður
oddafáni frá Viði, 10 þús. krónur frá Friðrik
Bjarnasyni. Einnig barst þeim gjöf Voga
Boldfélag í Færeyjum, 1000 krónur fær-
eyskar.
Á hátíðinni flutti Jón Júlíusson ágrip af
sögu félagsins og fer það í heild hér á eftir.
Fyrsta stjórn Reynis.
Frá vinstri Páll Ó.
Pálsson ritari, Trausti
Jónsson form. Mapnús
Þórðarson gjaidkeri.
Mynd þessi er tekin
á 20 ára afmæli félags-
ins árið 1955.
r
Sigurður Þ. Jóhannsson, núverandi formaður
Heiðruðu gestir — góðir Reynisfélagar!
Við erum hér saman komin í kvöld til
að halda hátíðlegt 40 ára afmæli Knatt-
spyrnufélagsins .Reynis. .Félagið .var
formlega stofnað fyrir rúmlega 40 árum,
eða hinn 15. sept. 1935.
Forsaga félagsstofnunarinnar var sú,
að hér hafði verið ungmennafélag um
áraraðir, en heldur hafði starfsemi þess
verið dauf með köflum, að margra dómi,
og hafði hún legið alveg niðri um nokk-
urt skeið er hér var komið.
Voru því vangaveltur í mönnum, ann-
að hvort að endurreisa ungmennafélagið
eða stofna nýtt félag og þá íþróttafélag.
Niðurstaðan varð svo stofnun nýs fé-
lags. Aðal hvatamenn að stofnun þess
munu hafa verið 5. Þrír bræður, Trausti
og Karl Jónssynir og Stefán Franklín,
Magnús Þórðarson og Páll Ó. Pálsson.
Á stofnfundinum voru mættir um 20
manns og var fundurinn haldinn í fisk-
húsi sem Haraldur Böðvarsson átti, en
er nú í eigu h.f. Miðnes og gengur í dag-
legu tali undir nafninu Langahús.
Ekki var mikið um þægindi í húsi
þessu, og sat meirihluti fundarmanna á
saltfiskpökkum, sem staflað var á gólf-
ið.
Þessum fyrsta fundi stýrði Stefán
Franklín, þar var félaginu m.a. gefið það
nafn sem það ber enn ,og einnig var
kosin fyrsta stjórn þess, en hana skip-
uðu: Trausti Jónsson formaður, Magnús
Þórðarson gjaldkeri og Páll Ó. Pálsson
ritari. Framhaldsstofnfundur var síðan
haldinn daginn eftir í Barnaskólanum.
Fljótlega kom í ljós hvert hugur fé-
laganna stefndi í íþróttum, en það var
að knattspyrnunni fyrst og fremst, og
hefur svo haldist enn. Ekki var neitt um
skipulögð mót eða leiki að ræða hér á
fyrstu árum félagsins, og var þá helst
um að efnt væri til kappleikja á sjó-
mannadögum, eða öðrum slíkum tylli-
dögum.
Þá, eins og nú, var sjórinn einn erfið-
asti keppinautur flokkaíþrótta í sjávar-
plássum, því flestir voru þetta sjómenn,
150 — FAXI