Lesbók Morgunblaðsins - 03.01.2009, Side 12

Stefán Jónsson
Þar sem Ísland verður innan tíðar hluti af Evrópu læt
ég fylgja með nokkrar góðar sem ég sá þar 2008. Lond-
on: Heimkoman e. H. Pinter, leikstj. M. Attenborough,
Trójudætur e. Evrípídes, leikstj. K. Mitchell, Wiesba-
den: The Frankenstein Project, leikstj. K. Mundruczó,
Berlín: Maeterlink höf. og leikstj. C. Marthaler, Augu
Maríu Braun, byggt á Fassbinder, leikstj.T. Ostermeier,
Rotturnar e. G. Hauptmann, leikstj. M. Thalheimer, The
Ruby Town Oracle, höf. og leikstj. S. Sörensen.
Þótt leikhúsið ætti ekkert í dramatískan raunveruleik-
ann, fylgja hér 5 athygliverðar og íslenskar í stafrófsröð:
1
Brák Nýstárleg söguskoðun, vel leikið og smekk-
lega uppsett. Skallagrímur fær steininn aftur í
hausinn.
2
Dauðasyndirnar Yndisleg sýning, mikilvægt efni í
lok góðæris sem fær vængi í oddaflugi Raphaels
erkiengils.
3
Sá ljóti Umbúðalaus og stílhrein heild, fín leik-
stjórn á áhugaverðu verki um að vera eða ekki
vera.
4
Steinar í djúpinu Tímabær köfun, köflótt en metn-
aðarfull. Harpa náði Beckett-hæðum.
5
Vestrið eina Frábær leikaravinna undir styrkri
stjórn. Löðrandi írsk saga um fyrirgefningu, holl
fyrir þá sem kunna ekki að skammast sín.
P.S. No Dice Frumleg og flott sýning Nature Theater
of Oklahoma á Lókal, fyrstu alþjóðlegu leiklistarhátíð-
inni hérlendis.
Leiklist
Höfundur er fagstjóri leikaranáms við Listaháskóla Íslands.
2
1
543
Hulda Stefánsdóttir
1
Tilraunamaraþon Hafnarhússins á Listahátíð var
skemmtilega kaótísk opnun á núningsfleti lista, vísinda og
fræða og hefði sennilega ekki getað verið öðruvísi. Settar
voru fram og skýrðar ýmsar tengingar sem legið hafa í loftinu
um tíma. Óviss niðurstaða og margslungin nálgun var meg-
inkostur verkefnisins og í henni fólst spennandi uppbrot á sýn-
ingarforminu. Það sem virkaði tilgerðarlega var einnig um leið
fallega á skjön við stemningu sem að stórum hluta gekk út á af-
byggingu og hráleika í framsetningu. Af sýningunni sjálfri eru
minnisstæð eldri kvikmyndaverk Errós, textaverk Marinu
Abramovitch, rústir húsa sem aldrei urðu í verkum Katrínar Sig-
urðardóttur, stjörnuþoka Ivönu Franke og skjálftavirkni Heklu
Daggar Jónsdóttur. Enduruppsett innsetning Carlos Cruz Diez,
Litamettun í Reykjavík, var mikilvæg tenging samtímahræringa
við hugmyndir sem ná a.m.k. hálfa öld aftur í tímann.
2
Á sýningunni List mót byggingarlist tókust frábærir lista-
menn á við freklegan arkitektúr Listasafns Íslands. Í völ-
undarhúsi Elínar Hansdóttur féll ég endurtekið fyrir
blekkingum eigin upplifana og eftir situr sterk reynsla.
3
Og Tjarnarsalur Listasafnsins lá í valnum fyrir magnaðri
vídeóinnsetningu Steinu Vasulku. Þetta var ef til vill ár
Steinu Vasulku. Sjónþing Gerðubergs í haust staðfesti
framsækni hennar og áhrif í íslenskri myndlist í dag. Uppsetning
Mörthu Schwhartz, Ég hata náttúruna/Aluminati, á Kjarvals-
stöðum var gott verk á réttum tíma. Virkaði ekki síst á sínum síð-
ustu dögum þegar verkið hafði veðrast allnokkuð og álið var farið
að láta á sjá.
4
Einkasýning Sólveigar Aðalsteinsdóttur í Listasafni ASÍ
var vel unnin og eftirminnileg sýning. Ljóðræn heild ljós-
mynda, teikninga og þrívíðra hluta sem hverfðust um lík-
amlega nánd hluta sem ýmist eru, hafa verið eða hafa aldrei ver-
ið.
5
Yfirborðskennd Baldurs Geirs Bragasonar stendur enn
yfir í Kling og Bang Galleríi og er áhugaverð opnun á frek-
ari möguleika málverksins og samræður þess við hefðina.
Sennilega sú sýning sem kom mér hvað best á óvart á árinu.
Við lok árs ríkir alger óvissa á Íslandi og allt virðist opið. Í því
hljóta að felast tækifæri.
Myndlist
Höfundur er myndlistarmaður og prófessor við Listaháskóla Íslands.
1
2
5
3
4
MORGUNBLAÐIÐ LAUGARDAGUR 3. JANÚAR 2009
12 LesbókÁLITSGJAFAR
Fimm bestu Leitað var til fimm álitsgjafa utanblaðs um að velja fimm bestu bækur,
kvikmyndir, leiksýningar, myndlist-
arsýningar og plötur ársins.Að mati álitsgjafa