Morgunblaðið - 30.05.2009, Blaðsíða 2
2 FréttirINNLENT
MORGUNBLAÐIÐ LAUGARDAGUR 30. MAÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FRÉTTASKÝRING
Eftir Önund Pál Ragnarsson
onundur@mbl.is
HÁIR styrkir fyrirtækja til Sam-
fylkingarinnar á árinu 2006 námu
alls 73,2 milljónum króna. Áður hef-
ur verið sagt frá 36 milljóna styrkj-
um til aðalskrifstofu Samfylking-
arinnar, en í gær greindi Magnús M.
Norðdahl, gjaldkeri Samfylking-
arinnar, einnig frá styrkjum til að-
ildarfélaga hennar og kjördæmis- og
sveitarstjórnarráða.
Tugmilljónir frá bönkunum
Stærsti styrkveitandinn var
Kaupþing sem gaf samanlagt tíu
milljónir. Því næst Landsbankinn og
FL Group sem gáfu átta milljónir
hvort. Glitnir og Actavis gáfu 5,5
milljónir hvort, Dagsbrún og Baug-
ur fimm milljónir hvort, Exista og
Ker þrjár milljónir hvort og Eykt
gaf tvær og hálfa milljón.
Minni styrkir einstaklinga og fyr-
irtækja til aðildarfélaga og kjör-
dæmisráða námu 30.124.000 krónum
svo alls hefur verið upplýst um ríf-
lega 103 milljóna króna framlög til
flokksins á árinu 2006.
Í bréfi Magnúsar sem sent var í
gær segir að Samfylkingin skori á
aðra stjórnmálaflokka að birta upp-
lýsingar um fjáröflun sína með sama
hætti. Samfylkingin hefur einnig
upplýst um styrki til sín á árunum
2007 og 2008.
Tengjast athafnamönnum
Segja má að félög sem veittu sam-
anlagða styrki upp á 25 milljónir
króna til Samfylkingarinnar árið
2006 tengist Jóni Ásgeiri Jóhann-
essyni sterkum böndum. Þá veittu
félög tengd Björgólfsfeðgum um 16
milljóna styrki, félög tengd Ólafi
Ólafssyni 14 milljóna styrki og félög
tengd Ágústi og Lýði Guðmunds-
sonum sömuleiðis 14 milljóna styrki,
en Kaupþing, stærsti styrkveitand-
inn, tengist bæði Ólafi og þeim
bræðrum.
Árið 2006 styrkti Kaupþing Samfylkinguna um tíu milljónir króna og Landsbankinn um átta milljónir
Félög tengd Jóni Ásgeiri Jóhannessyni veittu 25 milljónir króna til Samfylkingarinnar það árið
73 milljónir frá stórfyrirtækjum
Fyrir kosningar yfirtók styrkja-
málið svokallaða alla pólitíska
umræðu um hríð. Nú, mánuði eft-
ir kosningar, birtir Samfylkingin
frekari upplýsingar um styrki
stórfyrirtækja árið 2006.
JARÐSKJÁLFTINN sem skók
jörð á Suðurnesjum í gærkvöldi
reyndist vera 4,7 stig á Richter og
fannst hann greinilega í Reykjavík
og víðar. Samkvæmt fyrstu mæl-
ingum var hann 3,9 stig en að sögn
Gunnars Guðmundssonar, jarð-
skjálftafræðings á Veðurstofunni,
var þar um vanmat að ræða og
reyndist hann í raun vera töluvert
stærri.
Skjálftinn, sem varð klukkan
21:33, átti upptök sín um 8 km norð-
austur af Grindavík og fundu bæj-
arbúar þar hann sterkast allra. Að
sögn lögreglunnar á Suðurnesjum
svignuðu þar rúður í húsum og
hurðir fóru á fleygiferð en engar til-
kynningar bárust í gærkvöldi um
tjón eða meiðsli vegna skjálftans.
Ár frá Suðurlandsskjálftanum
Samkvæmt lögreglunni tóku Suð-
urnesjamenn skjálftunum raunar af
mestu ró og spekt og það þrátt fyrir
að þeir hafi riðið yfir nákvæmlega
ári eftir að Suðurlandsskjálftinn olli
miklu tjóni þann 29. maí í fyrra.
Að sögn Gunnars Guðmunds-
sonar hafði verið titringur í jörðu yf-
ir daginn og voru forskjálftar byrj-
aðir nokkru fyrir stóra skjálftann.
Fjöldi minni skjálfta fylgdi einnig í
kjölfarið og urðu smærri eftir því
sem frá leið. „Það er alls ekki ólík-
legt að það haldi áfram að hristast
eitthvað fram eftir nóttu,“ sagði
Gunnar en skjálftahrinur sem þess-
ar eru algengar á Suðurnesjum þótt
nokkuð sé liðið síðan svo stór
skjálfti mældist þar. una@mbl.is
Snarpur
skjálfti á
afmælinu
Reykjanes
Kl. 21.33:46
4,7 á Richter
Kl. 21.33:48
4,7 á Richter Kl. 21.33:47
4,7 á Richter
Mældist 4,7 stig
MIKIL örtröð
var í vínbúðum
um allt land í gær
eftir að samþykkt
var á Alþingi 15%
hækkun á gjöld-
um á áfengi og
tóbaki. Að sögn
Sigrúnar Óskar
Sigurðardóttur,
aðstoðarforstjóra ÁTVR, er greini-
legt að fylgni var á milli hækkunar-
innar og aukinnar sölu. „Þetta nær
líklega ekki föstudegi fyrir versl-
unarmannahelgi og þessum stóru
dögum, en þetta er samt mjög stór
dagur miðað við árstíma.“
Að sögn Sigrúnar afgreiddu
starfsmenn vínbúðanna alls 29.000
viðskiptavini á sambærilegum föstu-
degi á sama tíma í fyrra, en í gær
voru þeir 37.300. Viðskiptavinir gær-
dagsins voru því um 30% fleiri en á
venjulegum föstudegi.
„Það var mjög mikið að gera, en
til samanburðar er í minnum hafður
31. október í fyrra,“ segir Sigrún, en
þau mánaðamót hækkaði áfengi að
meðaltali um 5,25%. „Þá afgreiddum
við 44 þúsund viðskiptavini á einum
degi, það var eiginlega metdagur.“
Verðhækkunin nú hefur ekki tekið
gildi ennþá en gerir það líklega eftir
helgi að sögn Sigrúnar. una@mbl.is
Mikil
áfengis-
sala í gær
30% fleiri keyptu vín
en á venjulegum degi
SÓLVEIG Thoroddsen varð dúx
Menntaskólans í Reykjavík að þessu
sinni, en skólinn brautskráði stúd-
enta í gær. Sólveig, sem nam við
fornmáladeild, hlaut 9,78 í með-
aleinkunn, sem er með því hæsta
sem þekkst hefur. Tungumál eru
áhugamál hennar, einkum forn-
málin.
Sólveig hefur jafnframt námi ver-
ið á fullu í tónlistinni. Hún hefur spil-
að á hörpu í 9 ár og næst liggur leið-
in til Wales, þar sem hún hyggst
stunda nám í hörpuleik næstu fjögur
árin. | 26
Dúxinn var
með 9,78 í
einkunn
Eftir Kristínu Heiðu Kristinsdóttur
khk@mbl.is
„ÉG er eiginlega búin að ljúga að henni í tvo mánuði,
á meðan á undirbúningi brúðkaupsins stóð, hennar
eigin brúðkaups sem hún vissi ekkert um fyrr en
skömmu áður en athöfnin fór fram,“ segir Bylgja
Hauksdóttir sem gerði sér lítið fyrir og bað kær-
ustuna sína, Söru Dögg Jónsdóttur, að giftast sér þar
sem þær voru staddar í hávaðaroki á Álftanesvegi í
gær.
ja henni að við værum að fara voða fínt út að borða
í hádeginu með sjávarútvegsráðherra, en ég vinn í
fiskibransanum og sagði að við hefðum verið að fá
verðlaun og veislan væri í tilefni þess. Ég sagði henni
að þetta væri rosalega fínt boð og hún yrði því að vera
flott klædd. Ég sagði að við þyrftum fyrst að sækja
vinafólk mitt út á Álftanes sem ætlaði að fá far með
okkur. Á miðjum Álftanesveginum keyrði ég svo út í
kant og stoppaði bílinn hjá blöðru sem vinkona okkar
hafði komið fyrir á staur. Ég sagði henni að ég ætlaði
að sýna henni svolítið og þegar við komum út úr bíln-
um sýndi ég henni hvað stóð á blöðrunni: 100 metrar í
hjartastuðtæki, sem átti þá að grípa til ef Sara fengi
áfall, 50 metrar í sprengitöflur og 5 metrar í rotara,
ef hún tæki nú upp á því að segja nei. Síðan sagði ég
bara: Ástin mín, ég er búin að ljúga að þér í tvo mán-
uði, við erum ekki að fara út að borða með sjáv-
arútvegsráðherra, viltu giftast mér? Hún fór bara að
gráta og sagði já, ég vil giftast þér, en ertu eitthvað
skrýtin? Síðan keyrðum við beint upp að kirkju þar
sem okkar nánasta fjölskylda beið en mamma hennar
Söru var svaramaðurinn og þetta var látlaus og falleg
athöfn. Þetta var mjög skemmtilegt, alveg æðislegt.“
Gott að presti seinkaði
Eftir athöfn héldu allir heim til þeirra Bylgju og
Söru þar sem skálað var í kampavíni og snittur
snæddar. „Við fórum svo út að borða og þar voru
mættir vinir hennar Söru sem hún vissi ekkert um og
fiðluleikarinn Hjörleifur Valsson kom og spilaði fyrir
okkur í klukkutíma,“ segir Bylgja sem hélt því áfram
að koma sinni heittelskuðu á óvart.
Sara var hin kátasta þegar blaðamaður heyrði í
henni skömmu eftir athöfnina.
„Þetta kom mér gjörsamlega á óvart, mig grunaði
ekki neitt. Vissulega voru pínulítið blendnar tilfinn-
ingar þegar ég komst að því að hún væri búin að
plana þetta allt og græja og gera allan pakkann án
þess að ég hefði hugmynd um það. Hún reif mig út í
rokið og bar upp bónorðið, það var nett áfall. Móðir
eins nemanda míns í skólanum þar sem ég er skóla-
stjóri hafði farið klukkan sex í morgun með blöðr-
urnar og fest þær á staurinn, þannig að það var mikið
fyrir þessu haft. Sem betur fer seinkaði prestinum að-
eins og ég hafði smátíma til að jafna mig og komast
niður á jörðina. Þetta var hálf-óraunverulegt en alveg
yndislegt. Hún Bylgja er alveg ótrúleg kona.“
Hafði ekki minnstu hug-
mynd um brúðkaupið sitt
Morgunblaðið/Ásdís Ásgeirsdóttir
Gleðidagur Það ríkti mikil gleði þegar þær Bylgja Hauksdóttir og Sara Dögg Jónsdóttir komu út á tröppur Bessa-
staðakirkju að athöfninni lokinni. Þeim var fagnað innilega af vinum og vandamönnum.
Kaupþing 5.000.000
Dagsbrún 5.000.000
FL Group 5.000.000
Landsbankinn 4.000.000
Actavis 2.500.000
Atlantsolía 2.000.000
Glitnir 2.000.000
Baugur 2.000.000
Eykt hf. 1.500.000
Atafl hf. 1.000.000
Brimborg ehf. 1.000.000
Samskip hf. 1.000.000
Olíufélagið 1.000.000
Olís 1.000.000
Nýsir hf. 1.000.000
Vís 1.000.000
Eik fasteignafélag hf. 600.000
SPRON 600.000
Til félaga og ráða Til aðalskrifstofu
Kaupþing 5.000.000
Landsbankinn 4.000.000
Glitnir 3.500.000
FL Group 3.000.000
Exista 3.000.000
Baugur Group 3.000.000
Actavis 3.000.000
Ker hf. 3.000.000
Milestone 1.500.000
Straumur Burðarás 1.500.000
Teymi ehf. 1.500.000
Eykt ehf. 1.000.000
Eimskip 1.000.000
SPRON 1.000.000
Eignarhaldsfélag Sam-
vinnutrygginga 1.000.000