Morgunblaðið - 30.05.2009, Blaðsíða 8
8 FréttirINNLENT
MORGUNBLAÐIÐ LAUGARDAGUR 30. MAÍ 2009
FRÉTTASKÝRING
Eftir Bergþóru Njálu
Guðmundsdóttur
ben@mbl.is
Æ FLEIRI virðast nú íhuga að slíta
sambúð eða skilja „á pappírunum“ til
að njóta bóta og afslátta sem ein-
stæðum foreldrum bjóðast. Þórhallur
Heimisson sóknarprestur staðfestir
að hann hafi orðið var við þessa um-
ræðu; bæði sé fólk að velta þessu fyr-
ir sér sjálft auk þess sem fjármálafyr-
irtæki og ráðgjafar virðist benda fólki
á þessa leið.
Sennilega vega ýmsar opinberar
bætur þyngst í slíkum vangaveltum,
en einstæðir foreldrar fá t.a.m. tölu-
vert hærri barna- og vaxtabætur en
foreldrar í sambúð. Eigi parið tvö eða
fleiri börn fær forsjárforeldri að auki
mæðra- eða feðralaun. Þá fá ein-
stæðir foreldrar ungra barna ríflegan
afslátt af dagvistargjöldum.
Þórhallur segir að reikna verði
dæmið til enda. „Ég myndi aldrei ráð-
leggja fólki þetta. Þetta er oft því
miður fyrsta skrefið í átt að því að
fjölskylda, sem er komin á vondan
stað, flosni endanlega upp, jafnvel
þótt fólk hafi ekki hugsað sér að slíta
sambandinu. Oft er það líka að leita
sér aðstoðar út af öðru því allt er orð-
ið svo brothætt.“
Sé litið á tölfræði opinberra stofn-
ana er erfitt að festa hönd á tilhneig-
ingunni enda ber mönnum saman um
að þeir sem grípi til þessa úrræðis
leyni því eftir fremsta megni gagn-
vart þessum stofnunum. Þannig gaf
Hagstofan út í vikunni bráðabirgða-
tölur yfir giftingar, sambúð og skiln-
aði í fyrra. Samkvæmt þeim hefur
skilnaðartíðni lítið breyst undanfarin
ár. „Það er ekkert í þessum tölum
sem bendir til þess að þetta sé að
aukast en eitt af því sem við skoðum
við lögskilnað er hvort fólk búi ennþá
á sama stað,“ segir Guðjón Hauksson
hjá mannfjölda- og manntalsdeild
Hagstofu Íslands. „Það var ekkert
meira um það í fyrra en hefur verið
hingað til. Hins vegar hefur maður
aðeins heyrt af þessari umræðu eftir
bankahrunið en það er svo stuttur
tími síðan að það kæmi þá ekki fram í
tölum hjá okkur fyrr en á næsta ári,
þegar árið 2009 verður tekið saman.“
Hvorki Skúli Eggert Þórðarson
ríkisskattstjóri né Helen Bachmann
hjá Tryggingastofnun ríkisins segjast
hafa orðið vör við tilhneigingu í þessa
átt en leggja áherslu á að koma megi
ábendingum til stofnananna um slíkt.
„Það er örugglega eitthvað um þetta
en menn sjá það ekki í fljótheitum,
heldur þarf einhverjar athuganir til,“
segir Skúli. „Þetta er auðvitað ákveð-
ið form af svikum. Þarna eru menn að
ná út með röngum hætti nauðþurfta-
bótum og það er svipað og fólk sem
fær atvinnuleysisbætur en er ekki at-
vinnulaust.“
Grípa til sýndarskilnaðar
til að bjarga bágum fjárhag
Ákveðin tegund svika fólks á opinberum nauðþurftabótum segir ríkisskattstjóri
Morgunblaðið/Golli
Sambúðarslit Einhverjir virðast horfa til bóta og afslátta sem eingöngu eru ætlaðir einstæðum foreldrum.
Í HNOTSKURN
»Uppsafnað skilnaðarhlut-fall mældist 37,2% í fyrra,
skv. tölum Hagstofunnar.
»Örlítil lækkun varð hinsvegar á giftingartíðni í
fyrra, miðað við árið 2007.
»Lögskilnaðir fara fram ígegnum presta, sýslumenn
og dómstóla. Við sambúðarslit
nægir að skrá lögheimili á nýj-
an stað.
Erfitt er að festa hönd á því í op-
inberum tölum hvort skilnaðir „á
pappírunum“ færist í aukana.
Prestur segir fólk tala um að
grípa til slíks, jafnvel samkvæmt
ráðum fjármálafyrirtækja.
ÖKUMAÐUR jeppa sem lenti í
árekstri við lítinn sendibíl á Grinda-
víkurvegi á miðvikudag hafði verið
sviptur ökuréttindum og hefði því
með réttu alls ekki átt að vera undir
stýri. Þá leikur grunur á að hann
hafi verið ölvaður, að sögn lögregl-
unnar á Suðurnesjum.
Í árekstrinum lést 48 ára karl-
maður sem var ökumaður sendibíls-
ins og lætur hann eftir sig eiginkonu
og þrjú börn.
Tildrög slyssins eru í rannsókn og
Gunnar Schram, yfirlögregluþjónn,
sagði að á þessu stigi málsins væri
ekki hægt að greina nánar frá þeim.
Vitni voru að slysinu.
Gunnar sagði að ávallt þegar svo
alvarlegt slys yrði væri kannað
hvort viðkomandi hefði verið undir
áhrifum. Búast mætti við að nið-
urstöður rannsóknar lægju fyrir
innan tveggja vikna. runarp@mbl.is
Grunur um
ölvun í
banaslysi
Ökumaður jeppans
var réttindalaus
LANDAMÆRA-
EFTIRLIT lög-
reglunnar á höf-
uðborgarsvæðinu
lagði nýlega hald
á þrjú fölsuð
vegabréf í flugvél
sem millilent
hafði á Reykja-
víkurflugvelli.
Upplýsingum í vegabréfunum hafði
verið breytt þegar þau fundust í fór-
um flugmannsins. Þau tilheyrðu
greinilega ekki manninum sjálfum.
Að sögn flugmannsins hafði hann
komið frá Kanada á leið til Skot-
lands. Vegabréfin voru ætluð konu
og börnum hennar, sem hann ætlaði
að auðvelda ferðalag frá Aserbaíd-
sjan.
Lagt hald á
þrjú fölsuð
vegabréf
ÞRÍR karlmenn, sem handteknir
voru í apríl, grunaðir um stórfellt
fíkniefnasmygl, hafa verið úrskurð-
aðir í áframhald-
andi gæslu-
varðhald til 9.
júní og einn til 5.
júní að kröfu lög-
reglunnar á höf-
uðborgarsvæð-
inu. Þrír þeirra
hafa kært úr-
skurðinn til
Hæstaréttar.
Þrír mann-
anna, sem eru á þrítugs- og fimm-
tugsaldri, voru handteknir í apríl
um borð í skútunni Sirtaki djúpt út
af Suðausturlandi. Sá fjórði, sem er
um þrítugt, var handtekinn á Aust-
urlandi en þeir eru allir grunaðir
um að hafa flutt 109 kíló af fíkni-
efnum til landsins.
Tveir karlmenn til viðbótar sitja í
gæsluvarðhaldi í tengslum við
rannsókn málsins.
Skútumenn
áfram í gæslu
Skútan Sirtaki
ÞRIÐJA manninum, sem handtek-
inn var eftir rán á Seltjarnarnesi, var
sleppt að loknum yfirheyrslum. Hin-
ir tveir eru í gæsluvarðhaldi til þriðja
júní. Sá sem handtekinn var síðast
bjó yfir upplýsingum sem nýst gátu
lögreglu. Þegar þær voru fengnar
var manninum sleppt.
Þriðja mann-
inum sleppt