Morgunblaðið - 30.05.2009, Side 17

Fréttir 17INNLENT
MORGUNBLAÐIÐ LAUGARDAGUR 30. MAÍ 2009
HÖND í hönd, styrktarfélag fyrir
hönd Fjölskylduhjálpar Íslands,
stendur fyrir landssöfnun dagana
28. maí-1. júní.
Merki verða seld við 600 af-
greiðslukassa í 277 verslunum um
land allt.
Í fréttatilkynningu segir að engin
pólitísk öfl séu á bak við söfnunina.
Til styrktar Fjöl-
skylduhjálpinni
ÍBÚASAMTÖK Háaleitis hafa sent
borgarfulltrúum áskorun um að
minnka hámarkshraða á Háaleit-
isbraut niður í 30 km. Í áskoruninni
segir að daglega eigi fjöldi skóla-
barna leið yfir götuna í og úr skóla
og tómstundaiðju og að það sé
glæfralegt að hleypa umferð í gegn
á meiri hraða en 30 km.
Hraðatakmörk
RAUÐI kross Íslands í samvinnu
við Öldrunarráð Íslands og fé-
lagsráðgjafadeild Háskóla Íslands
stendur fyrir sumarnámskeiðum
fyrir börn. Námskeiðin ganga út á
að leiðbeinendur á námskeiðinu
verða að mestu gamalt fólk og er
hverjum og einum í sjálfsvald sett
hverju hann vill miðla til ungu kyn-
slóðarinnar.
Námskeiðin eru haldin á Reykja-
víkursvæðinu og á Akranesi. Hvert
námskeið stendur í 5 daga. Kennt
verður virka daga kl. 9-16 og er það
þátttakendum að kostnaðarlausu.
Námskeið fyrir börn
Á MORGUN, sunnudag, er tóbaks-
lausi dagurinn. Alþjóðaheilbrigð-
ismálastofnunin (WHO) ákveður
þema hvers árs og í ár er þemað
helgað myndrænum viðvörunum á
tóbakspökkum. Í vor var einmitt
samþykkt á Alþingi að innleiða á Ís-
landi Evróputilskipun um mynd-
merkingar á tóbaksvörum, en Lýð-
heilsustöð hefur beitt sér fyrir því
að það yrði gert.
Reyklausi dagurinn
haldinn
LÝÐHEILSUSTÖÐ styrkir í sumar
ungt atvinnulaust fólk til að vinna
að verkefnum sem hafa það að
markmiði að stuðla að tóbaksleysi.
Til ráðstöfunar eru 5 milljónir
króna en miðað er við að ein-
staklingar geti fengið 50.000 kr.
styrk til að sinna verkefni sem
stendur yfir í 2 vikur og að hámarki
150.000 fyrir verkefni sem stendur
í 6 vikur. Skilyrði fyrir styrkjunum
er að viðkomandi sé fæddur á ár-
unum 1989-1992 og noti ekki tóbak.
Umsóknarfrestur er til 7. júní.
Andtóbaksáróður
STUTT
Eftir Kristínu Heiðu Kristinsdóttur
khk@mbl.is
„ÞAÐ er sannarlega mjög ánægju-
legt að Nepal skuli leyfa einstæðum
að sækja um að ættleiða barn. En
það hefur engin einstæður sótt um
að ættleiða barn frá því þau góðu
tíðindi bárust fyrr í mánuðinum að
Íslensk ættleiðing hefði fengið lög-
gildingu til að annast milligöngu um
ættleiðingar á börnum frá Nepal,
enda er þetta svo nýtilkomið að
margir vita ekki enn af þessu,“ seg-
ir Hörður Svavarsson formaður
stjórnar Íslenskrar ættleiðingar.
Hörður segist vita til þess að ein-
hverjir einstæðir séu í starthol-
unum. Þeir hafi ekki lagt út í það að
sækja um síðustu tvö árin af því lok-
að var fyrir þann möguleika hjá
Kína 1. maí árið 2007 að einstæðir
gætu ættleitt börn.
Eru enn á biðlista
„Kína var eina landið sem við vor-
um í samstarfi við sem leyfði það.
En þeir einstæðu sem voru komnir
með beiðni inn í kerfið í Kína áður
en reglurnar breyttust, þeir eru enn
á biðlista og munu fá afgreiðslu
samkvæmt reglunum sem þá voru
og munu því fá barn frá Kína. En
því miður hefur hægt mjög á ætt-
leiðingum frá Kína og þar sem þeir
eru svo stórir í þessu samhengi þá
hefur líka hægt á afgreiðslum ann-
arsstaðar í heiminum.“
Hörður segir að Nepal sé nú að
opna aftur fyrir ættleiðingar á börn-
um út úr landinu, eftir að hafa lokað
fyrir þær í tvö ár. „Það er ekki óal-
gengt að lönd geri það til að endur-
skoða reglur og endurskipuleggja
kerfið. Við erum reyndar með
fyrstu löndunum sem náum sam-
starfssamningi við Nepal í þessum
málum og sem betur fer þá miðar
Nepal ekki við höfðatölu, sem er
mjög ánægjulegt fyrir okkur hér í
fámenninu. Við höfum því sömu
möguleika og önnur lönd. Banda-
ríkjamenn fá til dæmis að ættleiða
tíu börn frá Nepal þetta árið og
sama er að segja um Íslendinga.“
Hann segir að þrjú fyrstu börnin
séu nú þegar á leið til Bandaríkj-
anna, þannig að þetta gerist frekar
hratt. „Ég á því von á að afgreiðsla
umsókna héðan gangi líka hratt og
vel fyrir sig. Um leið og við fáum
formlegar umsóknir frá fólki, þá
getum við sagt betur til um það. En
það lítur ekki út fyrir að það séu
neinar sérstakar hindranir í veg-
inum.“ Hörður segir að Íslendingar
séu víðsýnir þegar kemur að ein-
stæðum foreldrum, því sum lönd
hafa ekki leyft þegnum sínum sem
eru einstæðir að sækja um að ætt-
leiða barn annarsstaðar frá.
Einhleypir geta ættleitt
 Íslendingar fá að ættleiða tíu börn frá Nepal  Ísland með fyrstu löndum sem
gera samning  Mjög hefur hægt á ættleiðingum frá Kína að undanförnu
Reuter
Kæling Þessi nepalska stúlka fékk snöggan þvott hjá móður sinni og hefur eflaust verið fegin að fá kælingu.
Nýlega fékk Íslensk ættleiðing
löggildingu til að annast milli-
göngu um ættleiðingu á börnum
frá Nepal, en reglurnar þar gera
einhleypum loks aftur fært að
ættleiða börn.
 Löggilt ættleiðingarfélög hafa
þann megintilgang að hafa milli-
göngu um ættleiðingar á börnum
milli landa og aðstoða væntanlega
kjörforeldra í ættleiðingarferlinu.
 Íslensk ættleiðing hefur heim-
ild íslenskra stjórnvalda til að ann-
ast milligöngu um ættleiðingar á
börnum frá sjö löndum:
 Kína,
 Kólumbíu,
 Indlandi,
 Tékklandi,
 Makedóníu,
 Taílandi
 Nepal.
 Fyrr í þessum mánuði gaf
dóms- og kirkjumálaráðherra út
löggildingu fyrir nýtt ættleiðing-
arfélag hér á landi, Alþjóðlega ætt-
leiðingu, en það annast milligöngu
um ættleiðingar frá Póllandi.
Tvö ættleiðingarfélög á Íslandi
FÆRÐUBRJÓSTSVIÐAEÐA
SÚRT BAKFLÆÐI?...
...Nú færðu Losec Mups* án lyfseðils í næsta apóteki!
Nýtt!
annt um líf og líðan
Notkunarsvið: Losec Mups sýruþolnar töflur innihalda efnið omeprazol sem hemur magasýruframleiðslu. Losec Mups er notað við tilfallandi
brjóstsviða og súru bakflæði. Ekki má nota lyfið ef þú ert með ofnæmi fyrir omeprazoli eða einhverju öðru innihaldsefnanna eða samhliða lyfjum sem innihalda atazanavir. Gæta
skal varúðar ef þú færð einhver af eftirtöldum einkennum: Verulegt þyngdartap, endurtekin uppköst, kyngingarerfiðleika, blóðuppköst eða blóð í hægðum. Þá skal hafa samband
við lækni. Látið lyfjafræðing vita um önnur lyf sem eru notuð eða hafa nýlega verið notuð. Meðganga og brjóstagjöf: Losec Mups má nota á meðgöngu. Konur með barn á brjósti
eiga að leita ráða hjá lækni áður en notkun hefst. Skömmtun: Ein Losec Mups 20 mg tafla ekki oftar en einu sinni á sólarhring. Ef einkennin hafa ekki horfið eftir 14 daga stöðuga
notkun skal hafa samband við lækni. Gleypa á töflurnar heilar með ½ glasi af vökva. Hvorki má tyggja þær né mylja. Töflurnar má leysa upp í vatni eða einhverjum súrum vökva
(t.d. ávaxtasafa) og taka þannig inn. Það skiptir ekki máli hvort Losec Mups er tekið inn með eða án matar. Algengustu aukaverkanir eru: Höfuðverkur, niðurgangur, ógleði/
uppköst, kviðverkir, hægðatregða og aukinn vindgangur. Lesið vandlega allan fylgiseðilinn sem fylgir lyfinu. Geymið þar sem börn hvorki ná til né sjá. Mars 2009.
*Omeprazol