Morgunblaðið - 30.05.2009, Blaðsíða 21
Fréttir 21VIÐSKIPTI | ATVINNUMÁL
MORGUNBLAÐIÐ LAUGARDAGUR 30. MAÍ 2009
Þegar tíminn skiptir máli
Eimskip býður hagkvæma, trausta og hraðvirka
flugfraktþjónustu í samvinnu við DB Schenker.
EIMSKIP FLUGFRAKT
P
IP
A
R
•
S
ÍA
•
9
0
2
9
6
Frekari upplýsingar veita viðskiptastjórar í síma 525-7260 og viðskiptaþjónusta í síma 525-7800, eða sendið fyrirspurnir á flugfrakt@eimskip.is
FRÉTTASKÝRING
Eftir Bjarna Ólafsson
bjarni@mbl.is
ENDURFJÁRMÖGNUN bank-
anna hefur dregist mjög á langinn,
en hún er eitt þeirra atriða, sem Al-
þjóðagjaldeyrissjóðurinn (IMF) tel-
ur mikilvægust fyrir endurreisn ís-
lenska hagkerfisins. Hefur þessi
dráttur, ásamt öðru, valdið því að
lánagreiðslur, sem Ísland hefði átt
að fá í febrúar og maí, hafa ekki enn
verið afgreiddar.
Í skýrslu IMF frá því á að-
fangadag 2008 segir að endur-
fjármögnunin sé langt á veg komin
og að hægt ætti að vera að ljúka
henni í febrúar eða mars. Þessari
vinnu er hins vegar ekki enn lokið
og samkvæmt heimildum Morg-
unblaðsins er sjóðurinn orðinn óþol-
inmóður í garð íslenskra stjórn-
valda.
Á fréttamannafundi í gær sagði
Mark Flanagan, fulltrúi IMF,
reyndar að tafirnar, sem orðið hafa
á endurfjármögnuninni, væru að
einhverju leyti skiljanlegar afleið-
ingar þess að kosningar voru á
árinu. „Tafirnar hafa að einhverju
leyti verið óumflýjanlegar, enda
voru kosningar á tímabilinu. Þá tef-
ur það einnig ferlið, þegar haft er
samráð við hagsmunaaðila, eins og
íslensk stjórnvöld hafa gert.“ Á bak
við tjöldin munu fulltrúar sjóðsins
hins vegar hafa verið harðorðari í
garð stjórnvalda.
Í upphaflegu samkomulagi Ís-
lands og IMF var gert ráð fyrir því
að 830 milljóna greiðsla kæmi sam-
stundis frá IMF inn á reikning ís-
lenskra stjórnvalda. Afgangurinn af
upphaflegu 2.100 milljóna dala lán-
inu ætti að greiðast ársfjórðungs-
lega inn á reikninginn. Ættu því
tvær greiðslur upp á 150 milljónir
dala hvor að vera komnar, en eru
ekki.
Fulltrúar sjóðsins voru hér á
landi í vikunni til að ræða við stjórn-
völd og aðra hagsmunaaðila, en
fyrstu endurskoðun lánasamnings-
ins við IMF er nú nær lokið. Átti
henni upphaflega að ljúka í febrúar.
Samfélagsleg sátt
Annað mikilvægt málefni, sem
rætt var á fundum IMF og stjórn-
valda, var staða ríkissjóðs. Flanagan
segir að halli á ríkissjóði sé nú mjög
mikill og hafi það áhrif til mildunar á
áhrifum kreppunnar. Ekki sé þó
hægt að viðhalda svo mikilum halla-
rekstri til lengri tíma og mikilvægt
sé að jafna rekstur ríkissjóðs. Mik-
ilvægt sé að samfélagsleg sátt náist
um hvernig þessu markmiði verði
náð. Segir hann að skuldabyrði hins
opinbera sé vissulega mikil, en segir
þó að mat sjóðsins sé að Ísland geti
staðið undir skuldunum.
Telur IMF að þróun efnahags-
mála hér á landi sé í grófum drátt-
um í takt við spá sjóðsins. Botninum
ætti að vera náð á seinni hluta þessa
árs og batinn ætti að hefjast árið
2010.
Aðspurður sagði Franek Roswa-
dowsky, fastafulltrúi IMF á Íslandi,
að aðild að ESB yrði engin töfra-
lausn á vanda Íslendinga. „Það er
engin töfralausn til fyrir land, sem
hefur gengið í gegnum þær hremm-
ingar sem Ísland hefur gert. Ísland
þarf að ganga í gegnum harkalega
aðlögun,“ sagði hann.
IMF orðinn óþolinmóður
Morgunblaðið/Eggert
Gengi Franek Rozwadowski og Mark Flanagan frá Alþjóðagjaldeyrissjóðnum segja að hugsanlega verði hægt að
slaka á gjaldeyrishöftum síðar á þessu ári. Það verði þó að gerast smám saman til að koma í veg fyrir hrun á krónu.
Endurfjármögnun bankanna átti að vera frágengin í mars, en er ekki enn lokið
Tafir skýrast að hluta vegna kosninga, en IMF er orðinn langþreyttur á biðinni
Greiðslur frá Alþjóðagjaldeyr-
issjóðnum hafa dregist í tvígang
vegna seinagangs hérlendis.
Bæði hefur endurfjármögnun
bankanna dregist sem og áætlun
um jöfnun á halla ríkissjóðs.
HORFA þarf vandlega á stöðu
krónunnar og horfur í efnahags-
málum áður en tekin er ákvörðun
um lækkun stýrivaxta. Segir Mark
Flanagan, fulltrúi Alþjóðagjaldeyr-
issjóðsins, að við núverandi að-
stæður, þegar gengi krónunnar er
nærri sögulegu lágmarki, geti ver-
ið varhugavert að lækka stýrivexti
í júní. Segir hann þó, að ákvörðun
um hugsanlega vaxtalækkun sé al-
farið í höndum Seðlabankans.
Er sjóðurinn enn á þeirri skoðun
að gjaldeyrishöft séu nauðsynleg
enn um sinn, en hugsanlega sé
hægt að létta á þeim á seinni hluta
þessa árs. Það verði hins vegar að
gerast smám saman. Krónan sé
ennþá viðkvæm og því sé þörf á
styrkri peningastjórn.
Varar við lækkun stýrivaxta í júní
STYRMIR Þór Bragason, sem er að
láta af starfi sem forstjóri MP
banka, segist ekki geta neitað því
að hafa fengið starfstilboð eftir að
upplýst var um ráðningu Gunnars
Karls Guðmundssonar, fyrrverandi
forstjóra Skeljungs, í hans stað í
gær. Hann hefur þó ekki tekið
ákvörðun um hvað hann ætlar að
taka sér fyrir hendur.
„Ég hef hugleitt það frá falli
bankanna í haust að gera breyt-
ingar á mínu starfi,“ segir Styrmir
Þór, „og tók ákvörðun um að segja
upp í ljósi þess að maður getur skil-
ið við bankann jafn sterkan og raun
ber vitni.“
Styrmir Þór tók við stjórnar-
taumum fyrirtækisins fyrir þremur
árum. Frá þeim tíma hefur fyr-
irtækið vaxið í 75 starfsmenn úr 25
og breyst úr fjárfestingabanka í
viðskiptabanka. Í ljósi breytinga á
starfseminni var ágætt að söðla um,
að hans sögn.
Gunnar Karl, sem tekur við for-
stjórastóli MP banka, hefur ekki
reynslu af bankastarfsemi. Styrmir
Þór bendir á að hann hafi þó
reynslu af því að reka stór fyr-
irtæki.
Styrmi Þór sýnast miklar breyt-
ingar vera framundan í atvinnulíf-
inu. „Ég ætla bara að sjá hvað
framtíðin ber í skauti sér,“ segir
hann um framhaldið.
Gunnar Karl er stjórnarmaður í
Samtökum atvinnulífsins og Sam-
tökum verslunar og þjónustu.
helgivifill@mbl.is
Fékk strax
starfstilboð
Miklar breytingar fram-
undan í atvinnulífinu
Morgunblaðið/Sverrir
Nýtt starf Styrmir Þór Bragason.