Morgunblaðið - 30.05.2009, Blaðsíða 22

GÖNGUFÓLK við listaverk/innsetningu sem tréskurð-
armeistari hefur komið fyrir í skógi í grennd við borg-
ina Freiburg í sunnanverðu Þýskalandi. Thomas Rees
heitir listamaðurinn sem bjó til þessar goðsagna-
kenndu verur en gönguleiðin er nefnd Skógar-
mannastígur. Freiburg er við vesturjaðar Svarta-
skógar og skammt frá landamærunum að Frakklandi
og Sviss. Frægur háskóli og dómkirkja eru í borginni.
SKÓGARMENN VIÐ FREIBURG
AP
Eftir Kristján Jónsson
kjon@mbl.is
BARACK Obama Bandaríkjaforseti
er sannfærður um að Ísraelar muni á
endanum samþykkja að það sé í
þágu öryggis þeirra sjálfra að Pal-
estínumenn fái sitt eigið ríki. Obama
ræddi við fréttamenn eftir fund sinn
með Mahmoud Abbas, forseta Pal-
estínumanna, og ítrekaði hvatningar
sínar til Ísraelsstjórnar um að
stækka ekki byggðir landtökumanna
gyðinga á Vesturbakkanum.
Stjórn Benjamins Netanyahus í
Ísrael hefur vísað á bug óskum
Bandaríkjastjórnar um að frysta
frekari byggingaframkvæmdir.
Obama heimsækir Mið-Austurlönd í
næstu viku og er sagður vilja tjá
Netanyahu fyrirfram og afdráttar-
laust hvaða stefnu hann muni fylgja.
Fram kemur í nýrri könnun Int-
ernational Herald Tribune að um
80% aðspurðra í Frakklandi, Þýska-
landi, á Ítalíu og Spáni hafa mikið
álit á Obama, hlutfallið er um 70% í
Bretlandi. Vitað er að meðal araba-
þjóða, sem höfðu illan bifur á George
W. Bush, nýtur Obama verulegs
trausts þótt margir lýsi efasemdum
um heilindi hans.
Sannfærður um
að Ísraelar skipti
um skoðun
Obama telur það auka öryggi Ísraela
að Palestínumenn fái sitt eigið ríki
Reuters
Fundur Obama og Abbas ræðast við
í Hvíta húsinu á fimmtudagskvöld.
22 FréttirERLENT
MORGUNBLAÐIÐ LAUGARDAGUR 30. MAÍ 2009
Skil Greinarnar skal senda í gegnum vefsíðu Morgunblaðsins: mbl.is –
smella á reitinn „Senda inn efni“ veljið „Senda inn minningargrein“ þar sem
fram koma nánari leiðbeiningar.
Skilafrestur Minningargrein sem á að birta á útfarardegi verður að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi). Birting getur dregist þó greinin berist innan skilafrests þar
sem pláss er takmarkað. Sami skilafrestur er á greinum vegna útfarar í kyrr-
þey. Allar greinar birtast jafnframt á vefnum www.mbl.is/minningar
Lengd Hámark 3.000 slög. Engin lengdarmörk eru á greinum sem birtast á
vefnum. Hægt er að senda örstutta kveðju, „Hinstu kveðju“, 5–15 línur.
Formáli Nánustu aðstandendur skulu rita formála og senda inn, skv. leið-
beiningum á mbl.is
Undirskrift Minningargreinahöfundar noti skírnarnöfn sín undir greinunum.
Minningargreinar og skil
Morgunblaðið birtir minningargreinar alla útgáfudagana.
Skoðið leiðbeiningar
á mbl.is
BRESKA dagblaðið The Times
sagði í gær að rannsókn sín hefði
leitt í ljós að yfir 20.000 óbreyttir
borgarar hefðu beðið bana síðustu
vikurnar í átökunum á Srí Lanka,
flestir þeirra hefðu fallið í sprengju-
árásum stjórnarhersins.
Stjórn Srí Lanka sagði að enginn
fótur væri fyrir þessari ásökun
blaðsins. Stjórnarherinn hefur alltaf
neitað því að hann hafi gert
sprengjuárásir á griðasvæði
óbreyttra borgara síðustu vikurnar
áður en því var lýst yfir 19. maí að 26
ára borgarastríði á Srí Lanka væri
lokið.
Embættismenn Sameinuðu þjóð-
anna segjast ekki geta staðfest tölu
látinna í átökunum þar sem þeir hafi
ekki fengið aðgang að átakasvæðinu
og flóttamannabúðum í norðaustan-
verðu landinu þar sem Tamíl-tígr-
arnir svonefndu hafa barist fyrir
sjálfstæðu ríki Tamíla. Embættis-
menn Sameinuðu þjóðanna sögðu í
skýrslu, sem ekki var gerð opinber,
að um 6.500 óbreyttir borgarar
hefðu legið í valnum í lok apríl, hálf-
um mánuði áður en stríðinu lauk.
Franska dagblaðið Le Monde hafði
eftir heimildarmönnum hjá Samein-
uðu þjóðunum í gær að samtökin
hefðu ekki birt áætlaða tölu látinna
til að komast hjá „diplómatísku fár-
viðri“.
Talsmaður Sameinuðu þjóðanna
neitaði því að samtökin hefðu reynt
að hylma yfir blóðsúthellingar.
„Sameinuðu þjóðirnar hafa alltaf
sagt að mannfallið á Srí Lanka síð-
ustu mánuði hafi verið mikið og óvið-
unandi,“ sagði hann. bogi@mbl.is
Segir 20.000 liggja í valnum
 Stjórnvöld á Srí Lanka neita ásökunum um að herinn hafi orðið þúsundum
óbreyttra borgara að bana  Embættismenn SÞ segja mannfallið óviðunandi
Í HNOTSKURN
» The Times birti myndirsem benda til þess að
Tamíl-tígrarnir hafi komið
upp víghreiðrum á griðasvæði
óbreyttra borgara.
» Myndirnar benda til þessað herinn hafi skotið
sprengjum á griðasvæðin til
að eyða víghreiðrunum.
FORSETI Hvíta-Rússlands, Alex-
ander Lúkasénkó, átti fund með
Vladímír Pútín, forsætisráðherra
Rússlands, í fyrradag og er nú orð-
inn mjög ósáttur við granna sína.
Deilur hafa verið milli ríkjanna
vegna skulda Hvít-Rússa við Rússa
og jafnframt er Pútín ósáttur við að
Lúkasénkó skuli hafa viðrað sig
upp við Evrópusambandið.
„Við þurfum ekki að beygja okk-
ur og bugta, þurfum ekki að væla
og skæla,“ sagði Lúkasénkó á fundi
með ríkisstjórn sinni þar sem hann
sagði samstarfið við Rússa ekki
ganga lengur. „Frá þessum degi er
ákveðnu skeiði lokið og nýtt tekur
við.“ kjon@mbl.is
Skammar
Rússa
BARACK Obama, forseti Banda-
ríkjanna, kvaðst í gær ætla að
stofna sérstakt embætti sem ætti að
stjórna aðgerðum til að vernda
tölvukerfi landsins og stemma stigu
við tölvuglæpum.
Obama sagði að það væri eitt af
forgangsverkefnum stjórnarinnar í
þjóðaröryggismálum að vernda
mikilvægustu tölvur landsins.
Bandaríkin væru sérlega háð tölv-
um og þeim stafaði því mikil hætta
af tölvuglæpum. Hann benti á að
hryðjuverkasamtök hafa hótað
tölvuárásum á Bandaríkin.
Nýja embættið á m.a. að tak-
marka aðgang að tölvum stofnana
og vernda mikilvæg tölvukerfi, m.a.
tölvur flugumferðarstjóra, orku-
vera og kauphalla. bogi@mbl.is
Vill vernda
tölvukerfi
ÍRANAR sökuðu í gær Bandaríkja-
menn um að hafa staðið á bak við
mannskætt sprengjutilræði í sjíta-
mosku í Zahedan í héraðinu Sistan-
Balúkistan, sem liggur að Afganist-
an og Pakistan, í gærmorgun.
Tilræðið varð 25 manns að bana.
„Þrír menn sem hafa verið viðriðn-
ir hermdarverk voru handteknir,“
sagði Jalal Sayah, varalandstjóri í
Sistan-Balúkistan. Sagði hann þá
hafa verið leigða til verksins af
Bandaríkjamönnum og Ísraelum.
kjon@mbl.is
Tugir féllu í
tilræði í Íran
VERÐUR hægt að kenna dýrum að
tala mannamál? Fyrir rúmum ára-
tug uppgötvuðu vísindamenn gen,
FOXP2, sem gegnir lykilhlutverki í
mönnum þegar kemur að tali en af-
brigði af geninu, sem er í tveim ein-
tökum í einstaklingnum, finnst einn-
ig í ýmsum dýrum, segir í The New
York Times. Liðsmenn Max Planck-
stofnunarinnar í Leipzig í Þýska-
landi hafa nú beitt erfðatækni til að
framleiða mýs með afbrigðinu sem
er í okkur.
Talið er að mörg gen eigi þátt í því
að tal verður kleift og niðurstaðan
kom því á óvart. Nýja genaafbrigðið
olli því að tístið, sem mýs nota til
samskipta við aðrar mýs, breyttist.
Tíðnin varð aðeins lægri en í öðrum
músum og fleiri frávik mældust.
Þegar fyrsta genabreytta músin
varð til fyrir
nokkrum árum
var þekktur vís-
indamaður, dr.
Svante Paabo,
djarfur í spádóm-
um. „Við munum
geta talað við
músina,“ sagði
hann. En nú velta
menn fyrir sér í alvöru hvort stigið
hafi verið örstutt skref í þessa átt.
Ekki er talið hægt, m.a. af siðferð-
islegum ástæðum, að stunda sams
konar tilraunir með erfðamengi
simpansa sem eru skyldari mönnum
en nokkur önnur dýr. En þessar til-
raunir með mýs gætu varpað ljósi á
það hvað olli ólíkri þróun á gena-
mengi manna og simpansa.
kjon@mbl.is
Lærir litla músin
að tala mannamál?
Mýs með gen úr manni tísta öðruvísi