Morgunblaðið - 20.06.2009, Blaðsíða 22

22 FréttirERLENT
MORGUNBLAÐIÐ LAUGARDAGUR 20. JÚNÍ 2009
Eftir Kristján Jónsson
kjon@mbl.is
MIKIL hætta er nú talin á aukinni
hörku og jafnvel blóðbaði í deilunum
í Íran. Æðsti valdamaður Írans, aja-
tollah Ali Khamenei, flutti ræðu er
hann stýrði morgunbænum í Teher-
an í gær og varaði við því að mót-
mælum vegna kosninganna yrði
haldið áfram. Mátti skilja orð hans
svo að gripið yrði til valdbeitingar til
að stöðva þau. Lögreglan hefur að
mestu látið fjöldamótmælin í Teher-
an afskiptalaus þótt þau hafi farið
fram í leyfisleysi.
Khamenei sagði að pólitískir leið-
togar þeirra sem mótmæla endur-
kjöri Mahmouds Ahmadinejads for-
seta yrðu „ábyrgir fyrir blóðsút-
hellingum og ringulreið“ ef þeir
kæmu ekki í veg fyrir frekari mót-
mæli. Allt að 10 manns hafa þegar
fallið í átökunum og liðsmenn trúar-
bragðalögreglunnar Basij hafa ráð-
ist inn á heimavistir stúdenta við há-
skóla, brotið þar allt og bramlað og
misþyrmt fólki. Einnig hafa þekktir
umbótasinnar verið handteknir.
Íranski lögfræðingurinn Shirin
Ebadi, handhafi friðarverðlauna
Nóbels og baráttukona fyrir réttind-
um kvenna í Íran, hvatti í gær al-
þjóðasamfélagið til að skakka leik-
inn. „Ég vænti þess að það hindri
[stjórnina] í að láta skjóta á almenn-
ing,“ sagði Ebadi eftir að hafa átt
fund með mannréttindafulltrúa
Sameinuðu þjóðanna, Navi Pillay, í
Genf. Ebadi sagði að halda bæri
kosningar í landinu undir eftirliti SÞ.
Ajatollah Khamenei sagði að nið-
urstaða kosninganna yrði að ráðast í
kjörklefunum, ekki á götum úti.
Æðstiklerkurinn ítrekaði stuðning
sinn við forseta landsins, Mahmoud
Ahmadinejad, og sagði skoðanir
hans í utanríkismálum og félagsmál-
um mjög líkar sínum.
Reuters
Harka Ajatollah Ali Khamenei, helsti valdamaður í Íran, flytur ræðu sína við föstudagsbænir í Teheran-háskóla.
Khamenei boðar
aukna hörku
Krefst þess að Mousavi tryggi að fjöldamótmælunum ljúki
Í HNOTSKURN
»Khamenei sagði Breta„verstu og brögðóttustu
óvini“ Írana. Skýringin er m.a.
sögð vera að mikið sé hlustað
á BBC í Íran og líki honum
það illa. Einnig voru Bretar í
tíð heimsveldisins mjög af-
skiptasamir um mál Írana.
»Tortryggni í garð Breta erþví landlæg, sagt hefur
verið að Íranar séu eina þjóð
heims sem líti á Bandaríkja-
menn sem kjölturakka Breta.
BRETINN Henry Allingham, sem
varð 113 ára fyrir nokkrum dögum,
er nú talinn vera elstur allra karl-
manna í heiminum en Japaninn To-
moji Tanabe lést aðfaranótt föstu-
dags, 113 ára að aldri. Allingham
var í breska hernum í heimsstyrj-
öldinni fyrri, var vélamaður á sjó-
flugvél og tók þátt í sjóorrustunni
miklu við Jótland.
Gertrude Baines, sem býr í Los
Angeles, er 115 ára og sögð elsta
kona heims. Allingham segir að
langlífið stafi af því að hann hafa
notað „sígarettur og viskí og þekkt
villtar, mjög villtar konur“ en bætir
við að kímnigáfa hafi líka hjálpað
sér.
Fyrri heimsstyrjöld geisaði á ár-
unum 1914 til 1918 og mörg hundr-
uð þúsund Bretar féllu í átökunum.
Allingham býr nú á heimili fyrir
blinda uppgjafahermenn, það nefn-
ist St Dunstan og er skammt frá
borginni Brighton í suðurhluta
Englands. Þar hefur hann dvalist
síðan hann gafst upp á að búa í
íbúð sinni í Eastbourne fyrir þrem
árum.
„Þetta er stórkostlegt,“ segir
vinur hans, Denis Goodwin, sem
hefur tekið þátt í fjölmörgum
minningarathöfnum og hátíðum þar
sem uppgjafahermenn skipa heið-
urssess. „Hann mun taka þessu
með jafnaðargeði eins og hann ger-
ir ávallt.“
Áðurnefndur Tanabe fæddist 18.
september 1895. Þegar hann varð
113 ára í fyrra sagði hann að
leyndardómurinn væri góð mat-
arlyst og holl fæða. Hann hefði
aldrei neytt áfengra drykkja, tób-
aks eða skyndibita. kjon@mbl.is
Uppgjafahermaður
elstur allra karla
Segir sígarettur, viskí og kynni af „villt-
um konum“ hafa stuðlað að langlífinu
Reuters
Brattur Henry Allingham barðist í
fyrri heimsstyrjöldinni.
FLEST bendir til þess að búið sé að
leysa deilurnar um sérkröfur Íra
varðandi Lissabonsáttmála Evrópu-
sambandsins um breytingar á skipu-
lagi og starfsreglum sambandsins. Er
því talið nær öruggt að hann verði
samþykktur í þjóðaratkvæðagreiðslu
í haust. Írar vilja að hernaðarlegt
hlutleysi þeirra verði tryggt, þeir hafi
áfram full yfirráð í eigin skattamálum
og fóstureyðingar verði sem fyrr
ólöglegar í landinu.
Andstæðingar sáttmálans á Írlandi
og víðar segja að í reynd sé hann ekki
annað en stjórnarskráin, sem felld
var á sínum tíma, í nýjum umbúðum.
Markmiðið með honum sé að auka yf-
irþjóðlegt vald ESB á kostnað þjóð-
ríkjanna. Leiðtogar ESB eru nú sagð-
ir hafa komið sér saman um að
samþykkja sérstakan viðauka fyrir
Írland er ekki breyti sáttmálanum
sem slíkum en ætti að duga til að róa
írska kjósendur sem felldu sáttmál-
ann í þjóðaratkvæði í fyrra.
Öll aðildarríkin 27 verða að full-
gilda sáttmálann eigi hann að taka
gildi. Auk Íra eiga einungis Tékkar og
Pólverjar eftir að fullgilda hann, er
það vegna andstöðu forseta landanna
tveggja en málaferli standa auk þess
yfir í Þýskalandi vegna hans.
Íhaldsmenn í Bretlandi hafa heitið
því að komist þeir til valda muni þeir
láta fara fram þjóðaratkvæðagreiðslu
um Lissabonsáttmálann. Þykir því
mörgum leiðtoganna brýnt að leysa
málið áður en íhaldsmenn komist til
valda. kjon@mbl.is
Komið til móts
við sérkröfur Íra
Fá viðauka við Lissabonsáttmálann
Í HNOTSKURN
»Forsetar Póllands og Tékk-lands neita að fullgilda sátt-
málann fyrr en Írar hafi sam-
þykkt hann.
» Írland er eina ríkið þar semlög kveða á um að sáttmálar
ESB skuli fara í þjóðaratkvæði,
hin láta þingin um málið.
STJÓRNVÖLD í Kína aftengdu leit-
armöguleika á vef Google í landinu í
gær og sögðu vefinn of oft vera
tengdan við klám og ruddalegt efni,
að sögn The New York Times. Emb-
ættismenn áttu fund með fulltrúum
Google á fimmtudag og tjáðu þeim
að ef ekki yrði hreinsað burt særandi
efni af vefsíðunni myndi verða beitt
refsingum.
Kínverskur hópur sem nýtur
stuðnings stjórnvalda og fylgist með
efni á netinu segir að Google hafi
tvisvar fengið viðvörun, fyrst í jan-
úar og síðan í apríl, vegna efnis sem
nálgast mætti á síðunni. Google
sagðist í yfirlýsingu vera að reyna að
hreinsa síðuna af umræddu efni.
Vestræn netfyrirtæki hafa sum
samþykkt að settar séu upp síur til
að ritskoða efni á vefnum í Kína. En
netverjar hafa reynst afar snjallir í
að fara fram hjá þessum hindrunum.
Hafa þeir stundum sammælst um að
koma sér upp eigin orðaforða, látið
sakleysislegt orð eins og stól fá nýja
merkingu, t.d. Tien An Men. Þannig
hafa þeir getað rætt viðkvæm mál
eins og fjöldamorðin 1989 án þess að
auðvelt hafi verið að stöðva sam-
skiptin. kjon@mbl.is
Þjarmað
að Google
Ráðamenn í Peking
ráðast gegn netklámi
Skógarhlíð 18 • sími 595 1000 • www.heimsferdir.is
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Costa del Sol
frá kr. 69.990 – 2 vikur
– með eða án fæðis
Heimsferðir bjóða frábær tilboð á allra síðustu sætunum til Costa del Sol
þann 30. júní og 14. júlí í 2 vikur. Í boði er stökktu tilboð, með eða án
fæðis, þar sem þú bókar sæti (og fæðisvalkost) og 4 dögum fyrir brottför
færðu að vita hvar þú gistir.
Bjóðum einnig frábært sértilboð, með eða án fæðis, á Aguamarina
íbúðahótelinu, einum af okkar allra vinsælustu gististaðnum á Costa del
Sol. Ath. aðeins örfáar íbúðir í boði.
Gríptu þetta frábæra tækifæri og njóttu lífsins í sumarfríinu á vinsælasta
sumarleyfisstað Íslendinga á
ótrúlegum kjörum.
Verð kr. 69.990
– 2 vikur
Netverð á mann, m.v. 2 fullorðna og 2
börn, 2-11 ára, í íbúð í 2 vikur. Stökktu
tilboð 30. júní og 14. júlí. Aukalega fyrir
hálft fæði í viku kr. 44.000 fyrir fullorðna
og kr. 22.000 fyrir börn.
Ótrúlegt sértilboð -
Aparthotel
Aguamarina ***
Verð kr. 79.990
Netverð á mann, m.v. 2 fullorðna og 2
börn, 2-11 ára, í íbúð í 2 vikur.
Sértilboð tilboð 30. júní og 14. júlí.
Aukalega fyrir hálft fæði í viku kr. 44.000
fyrir fullorðna og kr. 22.000 fyrir börn.
30. júní og 14. júlí
Aðeins örfá sæti og íbúðir á þessu kjörum!