Morgunblaðið - 20.06.2009, Blaðsíða 45

Menning 45FÓLK
MORGUNBLAÐIÐ LAUGARDAGUR 20. JÚNÍ 2009
Hljómsveitin Mannakorn ásér drjúgan kafla í söguíslenskrar dægur-tónlistar, kafla sem nær
orðið vel á fjórða áratug og er kafli sá
alsettur smellum og sígildum dæg-
urperlum. Spilarar hafa komið og far-
ið úr bandinu en þeir fóstbræður
Magnús Eiríks-
son og Pálmi
Gunnarsson hafa
frá fyrstu tíð
myndað kjarnann.
Góðkunningja-
kona þeirra
kumpána, Ellen Kristjánsdóttir, tek-
ur hér lagið með þeim og því hljóta
allir aðdáendur Mannakorna að
fagna.
Allir sem heyrt hafa dægurlög
Magnúsar Eiríkssonar (les. nálega
hvert mannsbarn hér á landi) vita
sem er að þau hafa mörg hver auð-
kenndan og eilítið blúsaðan tón og
það er nákvæmlega á þeim nótum
sem nýja platan hefst. Tvö fyrstu lög-
in gætu ekki hafa verið samin af nein-
um nema Magnúsi, með yfirbragð
sem er angurvært og mátulega kæru-
leysislegt í bland. Rennslið á plötunni
þaðan í frá er allt á ljúfu nótunum,
lagasmíðarnar allar hinar hugguleg-
ustu auk þess sem söngraddir þeirra
Magnúsar, Pálma og Ellenar eru
þýðar og viðfelldnar að vanda.
En þar sem kosturinn er fyrir
gamla og gegna hlustendur Manna-
korna liggur um leið gallinn fyrir nýja
áheyrendur. Því um leið og fyrri hóp-
urinn fær hér sendingu að óskum er
ólíklegt að margir nýir aðdáendur
vinnist í þessari atrennu. Lagasmíð-
arnar eru snyrtilega unnar en hér er
fátt um lög sem búast má við að rati í
fyllingu tímans á blað með hinum fjöl-
mörgu sígildu poppperlum sem þessi
félagsskapur hefur sent frá sér í
gegnum tíðina. Engu að síður er plat-
an hin þekkilegasta áheyrnar og
hlustendur af kynslóð flytjendanna
munu án nokkurs vafa sjá til þess að
Von mun seljast grimmt.
Vinir róa
á vísan
Mannakorn – Von
bbbnn
JÓN AGNAR
ÓLASON
TÓNLIST
Góðgerðar-
stefnumót
BRESKI kvikmyndaleikarinn og
hjartaknúsarinn Orlando Bloom
aflaði Great Ormond-spítalanum í
London tæpra tveggja milljóna
þegar stefnumót með honum var
boðið upp í fjáröflunarkvöldverði á
dögunum. Á meðal annarra stór-
stjarna sem léðu krafta sína í fjár-
öfluninni má nefna Formúlu 1 öku-
manninn Lewis Hamilton sem bauð
demantsskreyttan ökuhjálm upp en
alls tókst að safna um 450 þúsund
pundum eða tæpum 100 milljónum
íslenskra króna fyrir sjúkrahúsið.
Fjáröflunargestum var að sjálf-
sögðu boðið upp á dýrindis kvöld-
verð auk þess sem söngkonan Duffy
tróð upp. Bloom er ekki eina stór-
stjarnan sem hefur boðið sjálfan sig
upp því fyrr á árinu bauð ofurfyr-
irsætan Kate Moss einn koss fyrir
um eina milljón króna og Twilight-
leikarinn Robert Pattinson aflaði
hvorki meira né minna en 8,5 millj-
óna króna í skiptum fyrir koss á
Cannes-kvikmyndahátíðinni.
Orlando Bloom Dýr væri Hafliði allur.
SÁ orðrómur er kominn á kreik í
Hollywood að bandaríska leik-
konan Scarlett Johansson muni
leika í endurgerð kvikmyndarinn-
ar Brúður Frankenstein eða The
Bride of Frankenstein. Upp-
haflega myndin var gerð árið
1935 og má fastlega búast við því
að kynþokki brúðarinnar verði
uppfærður líkt og tæknibrellurnar
en upphaflega brúðurin var leikin
af ensku leikkonunni Elsu Lanc-
hester. Söguþráður myndarinnar
er í stuttu máli sá að vísinda-
maðurinn Frankenstein vekur
mann sem hefur verið settur
saman úr mismunandi líkams-
pörtum til lífsins. Þegar hann sér
hversu einmana hinn upprisni
maður er endurtekur hann leikinn
og vekur upp með sömu aðferðum
brúði honum til handa. Hins vegar
flækjast málin þegar brúðurin
neitar að ganga að eiga skrímslið.
Neil Burger sem hefur áður unnið
að myndum á borð við The Ill-
usionist mun bæði leikstýra
myndinni og skrifa handritið. Þess
má svo geta í lokin að mexíkóski
leikstjórinn Guillermo del Toro
hefur lýst yfir áhuga á að gera
nýja útgáfu af upprunalegu sög-
unni um Frankenstein eftir Mary
Shelley.Scarlett Johansson Verður ábyggilega mjög fögur brúður.
Leikur
brúði Fran-
kenstein