Morgunblaðið - 01.07.2009, Blaðsíða 37

MORGUNBLAÐIÐ MIÐVIKUDAGUR 1. JÚLÍ 2009
568 8000 – borgarleikhus.is – midasala@borgarleikhus.is
Söngvaseiður (Stóra sviðið)
Sannleikurinn (Stóra sviðið)
Söngvaseiður, vertu með í haust, tryggðu þér miða
Við borgum ekki (Nýja sviðið)
Uppsetning Nýja Íslands.
Söngvaseiður. Sala hafin á sýningar í haust.
Munið afslátt fyrir viðskiptavini Vodafone!
Fös 3/7 kl. 19:00 Ö Lau 11/7 kl. 19:00
Fim 2/7 kl. 20:00 Ö
Fös 3/7 kl. 20:00 Ö
Fim 9/7 kl. 20:00
Fös 10/7 kl. 20:00
Fim 16/7 kl. 20:00
Fös 17/7 kl. 20:00
Fös 4/9 kl. 19:00 U
Lau 5/9 kl. 19:00 Ö
Sun 6/9 kl. 19:00 Ö
Mið 9/9 kl. 19:00 U
Fim 10/9 kl. 19:00 Ö
Fös 11/9 kl. 19:00
Fös 18/9 kl. 19:00 Ö
Lau 19/9 kl. 19:00 U
Sun 20/9 kl. 14:00 Ö
Lau 26/9 kl. 14:00 Ö
Eftir Jóhann Bjarna Kolbeinsson
jbk@mbl.is
„ÉG fór nú ekki alla hnattferðina,
heldur sigldi ég frá Bergen til
Reykjavíkur,“ segir rithöfundurinn
Andri Snær Magnason sem flutti
fimm fyrirlestra um borð í japanska
hnattferðarskipinu Peace Boat dag-
ana 12. til 18. júní. „Þeir tóku mikinn
krók, sigldu norður með Noregi, upp
að heimsskautsbaugi og svo þaðan til
Íslands,“ segir Andri Snær.
Skemmtiferða- og skólaskip
Það eru japönsk friðarsamtök sem
gera skipið út, en það hefur siglt um
heimsins höf í rúman aldarfjórðung.
„Þetta eru samtök sem voru stofn-
uð í Japan upp úr síðari heimsstyrj-
öld og er ætlað að standa vörð um ní-
undu grein japönsku stjórnarskrár-
innar sem bannar þeim að byggja
upp her eða lýsa yfir stríði á hendur
annarri þjóð,“ segir Andri Snær.
„Í kringum 1980 voru kennslu-
bækur í Japan kolrangar hvað varð-
ar þátttöku Japana í stríðinu, og það
var talað um að þeir hefðu frelsað
Kínverja þegar raunin var sú að þar
fóru fram einhver rosalegustu
fjöldamorð mannkynssögunnar.
Þannig að þessi samtök gerðu sína
eigin kennslubók og keyptu svo skip
sem þeir sigldu á til Kína til þeirra
svæða sem höfðu orðið illa úti í stríði
við Japani á sínum tíma,“ segir
Andri Snær, en ævintýrið vatt upp á
sig og frá árinu 1983 hefur skipið
verið á nánast stöðugri siglingu.
„Þeir eru þrjá mánuði í kringum
hnöttinn og það eru yfirleitt á bilinu
500 til 1.000 manns um borð. Þannig
að þetta er í rauninni mjög stórt
skemmtiferðaskip, sem hefur verið
breytt í hálfgert skólaskip. Og flestir
um borð eru annaðhvort ellilífeyr-
isþegar eða fólk undir þrítugu. Þar
af eru svona 99% Japanir.“
Engin sjóveiki
Aðspurður segir Andri Snær að
sigling í kringum hnöttinn kosti
tvær til þrjár milljónir króna og
samtökin séu rekin fyrir það fé.
„Svo eru stöðugir fyrirlestrar um
borð, þeir bjóða nefnilega fyrirlesara
frá hverju landi og sigla með hann
ákveðinn legg,“ segir rithöfundurinn
sem sjálfur flutti fimm fyrirlestra.
„Blái hnötturinn er kominn út á
japönsku og eitt kvöldið las ég upp
úr honum fyrir svona 300 manns.
Svo er Draumalandið líka að fara að
koma út á japönsku, þannig að ég las
upp úr henni. Svo flutti ég líka fyr-
irlestur um vatn ásamt japönskum
fræðimanni, auk fyrirlesturs um Ís-
land, sögu landsins og menninguna.“
Hvað sjóveiki varðar segist Andri
Snær ekkert hafa orðið var við hana.
„Ég fór reyndar í fyrra líka og þá
var fyrsti fyrirlesturinn í brjálaðu
veðri. Þá var hálfur salurinn dofinn
af sjóveikipillum, og ég sjálfur með
sæmilega velgju í maganum. En
núna gekk þetta miklu betur og
þetta var bara mjög gaman, enda er
þetta bara eins og fljótandi Japan –
það er allt japanskt um borð, menn-
ingin og maturinn.“
Skipið var í Reykjavíkurhöfn í
einn dag og að sögn Andra Snæs
fóru flestir hinna 1.000 farþega í
land og kynntu sér land og þjóð.
Messaði yfir Japönum
 Andri Snær Magnason flutti fyrirlestra um borð í japönsku hnattferðarskipi
 Blái hnötturinn er kominn út á japönsku og Draumalandið er á leiðinni
Á sjó Andri Snær, sonur hans Hlynur Snær og fjórir Japanir um borð í Peace Boat.
Eftir Jóhann Bjarna Kolbeinsson
jbk@mbl.is
„ÉG er náttúrlega búinn að fá nóg,
þetta eru orðin þrjú ár og 250 sýn-
ingar. Minn helsti ótti núna er sá að
Hilmir verði betri en ég, hann er
náttúrlega líklegur til þess,“ segir
Benedikt Erlingsson, leikari og höf-
undur einleiksins Mr. Skalla-
grímsson sem sýndur hefur verið í
Landnámssetrinu í Borgarnesi við
miklar vinsældir. Þegar verkið verð-
ur tekið upp að nýju í haust tekur
nýr leikari við af Benedikt – sjálfur
Hilmir Snær Guðnason. „Þetta svo-
kallaða frásagnarleikhús, sem kem-
ur frá Dario Fo og evrópskum
sagnamannakúltúr, ég varð eig-
inlega fyrst vitni að því í leiklist-
arskólanum þegar Hilmir var á
þriðja ári og lék sögu eftir föður
sinn, þar sem hann lék marga kar-
aktera og sagði okkur sögur. Það
varð mér innblástur að bæði Orms-
tungu og Mr. Skallagrímsson. Þann-
ig að við erum eiginlega að loka
hringnum með því að fá Hilmi í
þetta. Hann er meira að segja eig-
inlega of réttur, það er ekkert sem
hræðir leikara meira en að einhver
verði betri en hann – og að hann
gleymist,“ segir Benedikt og hlær.
Aðspurður segist Benedikt óttast
að þessar mannabreytingar verði til
þess að auka aðsókn ungra kvenna
að sýningunni. „Já, það verða önnur
sárindin í mínu hjarta, þegar ungar
konur streyma þarna upp eftir.
Þannig að það er margt sem ég þarf
að þola í þessu sambandi.“
En nú hefur Hilmir verið fastráð-
inn í Borgarleikhúsið – hefur hann
tíma fyrir þetta? „Já já, Himmi gerir
þetta með annarri hendi.“
Óttast að konur streymi í
Borgarnes til að sjá Hilmi Snæ
Morgunblaðið/G.Rúnar
Þjóðlegir Hilmir Snær Guðnason og Benedikt Erlingsson á góðri stund.
Hilmir Snær Guðnason er hinn nýi Mr. Skallagrímsson
Þegar Andri Snær er spurður út
í sín næstu verkefni vill hann
fremur lítið gefa upp.
„Ég er reyndar að koma nýju
verki af stað en ég get eiginlega
ekkert sagt frá því eins og er,
þótt það sé komið nokkuð vel á
veg. En Draumalands-myndin
tók töluvert meiri tíma en ég
bjóst við þannig að núna er ég
bara að reyna að setja kraft í
nýtt verk. Þar fyrir utan er ég nú
bara í sumarfríi,“ segir hann.
Verk í bígerð  Það hefur farið víða mynd-
skeiðið af Hermanni Hreiðarssyni
þar sem hann stendur eins og illa
gerður hlutur á sviði Nasa og reyn-
ir af veikum mætti að syngja lag
með Hjaltalín. Birtustig og hljóm-
gæði myndbandsins eru að vísu
með lakasta móti en þó sést í lokin
þegar Hermann kastar sér út í sal-
inn og lendir að því er virðist kylli-
flatur á gólfinu. Minnti þetta marga
á Árna Ben. um árið þegar hann
stökk fram af sviðinu á Melarokks-
tónleikunum 1982 í miðju setti
Purrksins. Mun Árni, eins og Her-
mann, hafa komið við ökklann á sér
eftir harða lendinguna.
Hann kom við
ökklann á sér
Fólk
MENNTAMÁLARÁÐUNEYTIÐ úthlutaði á
dögunum styrkjum úr Tónlistarsjóði fyrir
seinni árshelming 2009. Samkvæmt heima-
síðu ráðuneytisins barst 101 umsókn frá 93
aðilum en heildarfjárhæð umsókna nam
tæplega 77 milljónum króna. Veittir voru
styrkir til 68 verkefna að heildarupphæð
12.550 þúsunda króna. Hæsta styrkinn hlaut
Íslensk tónverkamiðstöð vegna yfirfærslu
tónverkasafns Íslensku tónverkamið-
stöðvarinnar til handritadeildar
Landsbókarsafns Íslands að upphæð
1,5 milljóna króna. Næsthæsta styrk-
inn hlaut Þjóðlagahátíð á Siglufirði
 Anna Mjöll Ólafsdóttir er ein
þeirra fáu Íslendinga sem náði að
hitta Michael Jackson meðan hann
lifði.
Hún sagði frá heimsókn sinni til
Neverland um árið hér í Morgun-
blaðinu um helgina og sagði Jack-
son hafa verið afar elskulegan en
mjög einmana.
Og líkt og fleiri ætlar Anna Mjöll
að heiðra minningu Jacksons með
sínum hætti. Hún vinnur nú að
nýrri plötu þar sem djasstónlist
verður í aðalhlutverki. Áætlað er
að platan komi út fyrir næstu jól og
verður eitt laganna tileinkað Mich-
ael Jackson. Billie Jean, Thriller,
Bad? Það kemur víst allt í ljós.
Anna Mjöll minnist
Michaels Jackson
www.peaceboat.org
Sin Fang Bous Sindri Már Sigfús-
son fékk styrk til tónleikaferðalags.
sem hefst innan skamms og þriðja hæsta
styrkinn hlaut Polarfonica classics ehf.
vegna tónleikahalds tónlistarfélagsins Frón í
samstarfi við ýmis sveitarfélög. Popptónlist-
armenn voru þó ekki skildir út undan því
Afkimi ehf. hlaut 400 þúsund kr. fyrir
markaðssetningu á erlendri útgáfu og Sing
Fang Bous og Sudden Weather
Change hlutu 250 þúsund krónur
hvor, svo dæmi sé tekið.
12,5 milljónir til tónlistarverkefna