Nýtt kvennablað - 01.12.1952, Page 10

Minning Bjargar Sigmundsdóttur, Sleðbrjót
VíSar en í siklingssölum
svanna fas er prýSi glœst.
Mörg í vorum djúpu dölum
drottning hefur bónda fœ'Sst.
Þann 26. febrúar s.l. andaðiít húsfreyjan Björg
Sigmundsdóttir, að heimili sínu Sleðbrjót í Jökulsár-
hlíð, eftir að hafa átt við mikla vanheilsu að stríða
meira en eitt ár.
Við lát hennar varð hljótt hjá vinum hennar og
vandamönnum, já, þegar við höfðum fengið vissuna
fyrir því að jarðvist þessarar óvenjulegu ágætiskonu
væri lokið, því allir, sem kynntust henni háru síðar
lotningarfullan hlýhug til hennar og geyma minning-
una um hana sem sólríkan sumardag.
Björg Sigmundsdóttir var fædd að Gunnhildargerði
í Hróarstungu 13. marz 1884. Hún var elzta barn
hjónanna þar, Guðrúnar Sigfúsdóttur og Sigmundar
Jónssonar, en þau eignuðust alls tíu börn. Björg ólst
upp hjá foreldrum sínum í hinum stóra og glaða
systkinahóp, er allur unni henni og virti mikils.
Þann 4. ágúst 1906 giftist Björg Stefáni Sigurðs-
syni, hreppsstjóra, frá Geirastöðum. Reistu þau bú
að Sleðbrjót í Jökulsárhlíð og bjuggu þar mesta mynd-
ar- og rausnarbúi til ársins 1931 að Stefán andaðist.
Var fráfall hans mikið áfall fyrir Björgu, því sam-
búð þeirra var öll hin ástúðlegasta, og voru þau ætíð
samhent, í blíðu og stríðu. Þau hjón eignuðust fjög-
ur mannvænleg börn: Magnhildi húsfreyju í Grófár-
seli, gifta Birni Kristjánssyni, Guðrúnu húsfreyju í
Hofteigi, gifta Karli Gunnarssyni, Sigurð bónda að
Breiðumörk, kvæntan Sigurbjörgu Björnsdóttur og
Geir, sem býr á Sleðbrjót eftir foreldra sína, kvænt-
an Elsu Björgvinsdóttur. Einnig ólu þau upp tvö
fósturbörn, Frímann Jakohsson, bónda í Krossavík,
kvæntan Ingihjörgu Sigmarsdóttur og Ingu Péturs-
dóttur saumakonu á Akranesi.
Fyrstu árin eftir að Björg missti mann sinn, bjó
hún áfram á Sleðbrjót með aðstoð barna sinna, en
eins og lögmál lífsins krefur, skildust leiðirnar, en
börnin héldu öll uppi merki foreldra sinna og „reistu
sér byggðir og bú í blómgvuðu dalanna skauti.“ Eft-
ir nokkur ár lét hún af búskap og tók þá Geir sonur
hennar við og hjá honum átti Björg heimili til ævi-
loka. Þá hafði Sigurður fyrir nokkru byggt nýbýlið,
Breiðumörk, í landi Selðbrjóts.
I þann tíma, sem Björg bjó á Sleðbrjót var þai alU-
af mannmargt heimili því jörðin var stór og umfangs-
mikil. Sumt af vinnuhjúunum dvaldist þar svo ár-
um skipti, og eiunig voru þar margir unglingar og
börn, lengri og skemmri tíma. En þá er þó ótalið eitt
sem kom í hlut heimilis hennar að annast, en það
var hinn mikli gestastraumur, er þar var, því þeir
voru margir, sem áttu erindi við hreppstjórann á þeim
árum, en óvíst er þá livort þeir voru færri, sem þurftu
að finna húsfeyjuna. En það virtist sem J>eim hjón-
um væri það mest ánægja að liðsinna sem flestum á
einn eða annan hátt.
Sleðbrjótur er vel í sveit settur og stendur í þjóð-
braut, þar er þingstaður hreppsins. Ferja var á Jök-
ulsá undan Sleðbrjót og því lá þar um garð leið
flestra þeirra, sem vestur yfir Jökulsá fóru, yzt af
Héraði, en Jieir voru nokkuð margir í Jrá daga. Á bú-
skaparárum þeirra hjóna var reist ný kirkja að Sleð-
brjót og þar byggði ungmennafélag sveitarinnar sér
félagsheimili. Má af þessu marka að oft hlýtur að hafa
verið gestkvæmt á Sleðbrjót, eins og áður er sagt, og
var eins og ferðalöngum þætti sjálfsagt að gista þar,
enda mun það fljótt hafa borist, að þar væri gesta-
herbergið ávallt til reiðu og viðtökur með ágætum
svo sem bezt væri á kosið.
Björg var mjög vel gefin kona bæði til líkama og
sálar, enda var hún vel lesin og fróð um marga hluti.
En Jjað, sem einkenndi hana mest og lyftir henni haist
í endurminningunum er þó hin óviðjafnanlega fram-
koma og hinn mikli og sterki persónuleiki, sem hún
hafði til að bera fram yfir flesta, ef ekki alla aðra,
sem ég hef kynnzt.
Þó Björg væri skapmikil kona, mun fæstum þeim,
er henni kynntust, hafa verið það ljóst, því svo vel
kunni hún með það að fara, en skilningsríkari og
betri félaga var vart að finna, hvort sem var í gleði
NÝTT KVENNABLAÐ
8