Nýtt kvennablað - 01.01.1953, Blaðsíða 3

Nýtt kvennablað - 01.01.1953, Blaðsíða 3
NÝTT KVENNABLAD 14. árgangur. 1. tbls. janúar 1953. »Til eru tvennskonar tegundir blóma — rœktuS blóm °g villt blóm. Ræktuðu blómin eru í húsum og blómst- urgörðum. Þau eru ræktuð af mönnum, sett niður eft- ir föstum reglum og standa í ákveðnum röðum. Villtu blómin vaxa úti á víðavangi, ekki eftir föstum regl- Urn, ekki í ákveðnum röðum, heldur eins og náttúran hýður þeim. Til eru tvennskonar tegundir fugla — tomdir fuglar °g viltir fuglar. Tömdu fuglarnir halda sig fyrir inn- an skorður þær, sem mennirnir hafa sett þeim. Þeim er sumum kennt að tala orð og syngja lög. En þeir syngja ávallt eins og þeim hefur verið kennt að syngja. .Villtu fuglarnir eru óbundnir við form og reglur. Peir fljúga svo hátt og langt sem þeim þóknast. Þeir hvíla sig á þessum kvistinum í dag en á öðrum, í hundrað mílna fjarlægð, á morgun. Og þeir syngja, eins og frjálsar verur, það eitt, er þeim býr í brjósti :— syngja það, sem náttúru þeirra er samkvæmt. Til eru tvennskonar tegundir skálda — íþrótta- skálda og hugvits-skálda. Iþrótta-skáldin eru skáld af viti og lærdómi. Þau hafa lœrt að yrkja. Þau yrkja eftir listarinnar reglum. Hjá þeim er formið allt lög- hundið nákvæmlega. Þau kunna að raða hugsunum s'num niður skipulega og hafa þær sálarfræðislega réttar — þau yrkja af því þau kunna að yrkja. Hug- w'ís-skáldin, aftur á móti, eru skáld af meðfæddri náltúru-gáfu og eðlishvöt. Þau eru stundum lítt „lærð", en þau yrkja af því, að hjartað er fullt af skáldskap." Þannig skrifar Björn B. Jónsson í byrjun greinar- korns um Kristján Jónsson, fjallaskáld. I síðasta hefti Nýs kvennablaðs er talað um tvenns- konar konur. Lengi mætti sjálfsagt þannig halda áfram að bera saman ósnortna náttúruna og spor menning- arinnar. En gaman er aS rifja þetta upp og girnilegt M fróSleiks. Þessar ólíku tegundir skyggja ekkert hver á aðra. NÝT-t KV'ENNABLA© Yndis og gagns njótum viS af tömdu tegundunum og svo einnig af þeim villtu. Og er ekki hjarta þitt fullt af skáldskap? — ViS eigum okkar eigin heim, leift- ursýnir, söng og bjartar vonir. ÞaS stemmir sem skáldiS segir: Þó kuldinn næSi um daladætur, þær dreymir allar um sól og vor. Þunglyndi getur sótt aS okkur ungum, og beyzkja getur reynt aS setjast aS í okkur miSaldra. Oft er ökk- ur vandi á höndum. En verum fullar kærleika, þá er okkur borgiS. Nýlega höfum viS bætt 1 viS gamla ártaliS svo út er komiS 1953. Við höfum sötrað áramótakaffiS og hlýtt á áramótaræðurnar. ÞaS er upplyfting og styrk- ur aS vera augnablik sem einn maSur. SameínuS þjóð í landhelgismálinu móti Bretanum, sem ekki vill kaupa af okkur fiskinn og Danskinum, sem svívirSir okkur í handritamálinu. En svo má búasl viS að hver höndin verði aftur upp á móti annarri fyrr en varir, og þá verður sú kona, sem eflir frið meða) barna sinna og innan heimilisveggjanna sælust kvenna. Þegar í odda skerst í atvinnumálunum fer lítið fyrir konunum, þaS sannaSi verkfalliS fyrir áramót- in. „Ég vil láta konurnar fara í kröfugöngu og heimta mjólkina á markaSinn", stakk ein upp á. En hvernig mátti þaS ske? Börnin drukku vatn í staS mjólkur, og þaS sá á unglingunum í Reykjavík í verkfallslok. Þá fengum við svo blessuð jól og mjólkina aftur, lífslind barn- anna. Hamingjan vitjar eldri og yngri í mörgum myndum. En svo grimm er flokkspólitíkin og svo háð erum við erlendum öflum að ekki er að búast við aS konur sækist eftir stjórnartaumum. í

x

Nýtt kvennablað

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Nýtt kvennablað
https://timarit.is/publication/767

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.