Nýtt kvennablað - 01.01.1953, Qupperneq 12
geyma þau í vel lokuðum flöskum og þær svo aftur
á góðum stað svo að börn nái ekki til þeirra. Föt má
aldrei lireinsa í eldhúsi eða þar sem hætta er á að
einhver eldhætta sé. — Blettirnir eru mjög mismun-
andi eins og gefur að skilja og því mismunandi að-
ferðir notaðar til að ná þeim úr. Fara nokkur ráð
hér á eftir:
\
Blekblettir:
Blekbletturinn er fyrst þveginn úr volgu vatni, síð-
an má reyna að ná honum úr með sítrónusýru, súr-
mjólk eða smátt skornum rabarbara. Ef súrmjólkin er
notuð verður oft að bítta um mjólk, eftir því sem hún
litast, en ef notuð er sítrónusýra þarf að hella sjóð-
andi vatni á blettinn annað slagið. Þessi efni notum
við aðallega á mislitt tau.
En til þess að ná blekblettum úr hvítu taui er bezt
að nota kaliumpermangarrat (K Mn 04). Þetta efni
fæst í apótekum sem rauðir kristallar og þarf því að
Ieysa þá upp.
1/2 matskeið kaliumpermanganat er leyst upp í l/(>
1. af sjóðandi vatni. Þetta sett á flösku og geymist
lengi, því að aðeins eru notaðir nokkrir dropar á
hvern blett.
Flíkin sem bletturinn er i á að vera hrein og vot.
Bletturinn lagður yfir disk eða skál, nokkrir dropar
af þessu efni settir á blettinn, eða þar til hann er
alveg orðin rauður. Iátið híða í 5—10 mín. Þvegið úr
volgu vatni og verður þá brúnn bletturinn eftir sem
er riðblettur.
I
Riðblettir:
Riðbletti er hægt að taka úr þvotti með sýrusalti.
Sýrusalt fæst í apótekum sem hvítir kristallar og
leysist upp í heitu vatni fyrir notkun. 3 matsk. sýru-
salt og 1 1. sjóðandi vatn. Flíkin skal vera blaut og
hrein. Séu fleiri en einn riðblettur eru þeir teknir sam-
an í totur, þeim síðan difið ofaní upplausnina sem
er alveg við suðu, en má ekki sjóða. Bezt er að hafa
blettina á stöðugri hreyfingu í upplausninni þá losna
þeir fyrr. Þegar riðbletturinn er farinn er flíkin skol-
uð vel úr hreinu vatni. Riðblettum úr ekta mislitu
taui er náð úr á sama liátt og úr hvítu taui, en á
óekta mislít skal nota volga sýrusaltupplausn.
f
Ávaxtablettir:
Til þess að ná úr nýjum ávaxtablettum er bezt að
nota sjóðandi vatn. Flíkin er strengd yfir fat eða fötu,
sjóðandi vatni hellt yfir, þannig að há buna myndast.
Við þetta hverfur bletturinn oftastnær, en ef eitthvað
er eftir hverfur það við þvott. Þetta er bezt að gera
áður en fh'kin er soðin. Á sama hátt má ná kaffi og
teblettum. Gamlír ávaxtabltttir eru teknir eins og blek-
blettir með (K. Mn. 04) kalíumpermanganat og sýru-
salti, séu þeir fáir, annars er flíkin bara lögð í blæ-
vatn.
Fitublettir.
Til þess að ná fitublettum úr flíkum notum við
benzín, einnig má nota kartöflumjöl. Flíkin sem
hreinsuð er verður að vera þurr. Mjúkt stykki haft
undir blettinum og mjúkur klútur hafður til að nudda
benzíninu yfir blettinn, nuddið vel útlínur blettsins
og nuddið þar til benzínið er allt gufað upp, ef þetta
er ekki gert er hætt við að far komi í flíkina eftir
benzínið. Á ljós efni má nota kartöflumjöl. Því er
stráð yfir blettinn í þykkt lag, látið liggja dálítinn
tíma, þá á að dusta mjölið af og ef eitthvert far er
eftir þá að strjúka yfir það með benzíni.
Málningablettir:
Nýja málningu úr ullartaui er bezt að taka úr með
benzíni, en það tau sem þolir þvott er smurt með
grænsápu, látið bíða í 1 sólarhring og síðan þvegið
og soðið á venjulegan hátt. — Þannig er t. d. bezt
að fara með stafi sem ná þarf úr pokum. Líka má
leggja þá í steinolíu yfir nóttina, þvo þá síðan og
sjóða. Ef um gamla málningabletti er að ræða, skal
fyrst bleyta blettinn í terpentínu, láta bíða um stund
og taka síðan blettinn með benzíni, þoli efnið þvott er
það þvegið.
Rjóma og mjólkurblettir:
Fyrst er farið með blettinn eins og ef um fitublett
væri að ræða, en fari hann ekki með því móti, er
hann nuddaður með volgu, soðnu vatni og strokinn
þar til hann er þurr.
jH' :- •
V axblettir:
Vaxið er skafið af efninu með volgum hníf, síðan
er þerripappír lagður undir og yfir blettinn og
straujað yfir með heitu járni. Þerripappírinn færður
til eftir því sem hlettir koma á hann, svona er haldið
áfram þar til vaxið er horfið og enginn blettur kem-
ur á þerriblaðið. Sé einhver fitublettur eftir er hann
tekinn með benzíni eða þvptti.
Myglublettir:
Þeir eru teknir eins og gamlir ávaxtablettir með
K.Mn04 og sýrusalti eða með blævatni. Einnig má
bleykja þá í sól. Er þá tauið breitt út á völl og látið
liggja þanuig dálítinn tíma sé gott sólskin.
S.Á.
10
NÝTT KVENNABLAÐ