Morgunblaðið - 08.07.2009, Side 25

Hversvegna er leiknum lokið?
Ég leita en finn ekki svar.
Ég finn hjá mér þörf til að þakka
þetta sem eitt sinn var.
(Starri í Garði.)
Þinn tengdasonur
Jóhann Helgi
Sofðu vinur vært og rótt
verndi þig Drottinn góður.
Dreymi þig vel á dimmri nótt
dýrð þíns Jesú bróður.
(Þorkell G. Sigurbjörnsson.)
Þinn tengdasonur
Davíð Fannar.
Elsku Heimir afi, í dag
kveðjum við þig með miklum
söknuði.
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
Hafðu gát á hjarta mínu
halt mér fast í spori þínu,
að ég fari aldrei frá þér,
alltaf, Jesús, vertu hjá mér.
Um þig alltaf sál mín syngi
sérhvern dag, þó eitthvað þyngi.
Gef ég verði góða barnið,
geisli þinn á kalda hjarnið.
(Ásmundur Eiríksson.)
Þín barnabörn
Guðný Hildur, Kristinn
Helgi og Tanya Rán.
HINSTA KVEÐJA
✝ Hjalti Heimir Pét-ursson fæddist í
Reykjavík 21. ágúst
1956. Hann lést á
Heilbrigðisstofnun
Suðurnesja 28. júní
2009. Foreldrar hans
eru Kristín Gunn-
laugsdóttir, fyrrv.
símstöðvarstjóri, f.
21.4. 1928 og Pétur
Friðrik Pétursson
ökukennari, f. 16.8.
1928. Bræður Hjalta
Heimis eru Gunn-
laugur Hauksson, f.
31.3. 1951, kvæntur Ólafíu Lúð-
víksdóttur, f. 13.1. 1954, sonur
þeirra er Davíð Axel, f. 9.1. 1974,
sambýliskona Berglind Goldstein,
þau eiga 5 börn, og Ómar Þröstur
Hjaltason, f. 6.12. 1960, d. 15.1.
1983.
Hinn 25.7. 1981 kvæntist Hjalti
Heimir Guðnýju Adolfsdóttur, f.
7.1. 1958. Börn þeirra eru: 1) Hulda
Klara R., f. 2.2. 1978, gift Jóhanni
Helga Eiðssyni, f. 14.6. 1973. Börn
þeirra eru Pétur Heimir R., f. 26.5.
1999, Guðný Hildur R., f. 16.12.
2004, og Kristinn Helgi R., f. 7.2.
2002. 2) Þóra Kristín,
f. 18.5. 1981, maki
Davíð Fannar Berg-
þórsson, f. 5.10. 1984.
3) Áshildur Margrét,
f. 17.8. 1983, maki
Carmen Lena Ribas,
f. 7.11. 1978, dóttir
hennar Tanya Rán
Pálsdóttir, f. 31.9.
2004. 4) Ómar Þröst-
ur, f. 7.11. 1990, maki
Katrín Arndís Magn-
eudóttir, f. 4.10. 1992.
Hjalti Heimir ólst
upp í Sandgerði og
gekk þar í grunnskóla. Eftor það
var hann tvö ár í Reykholti. Hinn
25 júní 1999 lauk Hjalti Heimir
sveinsprófi sem vélsmiður. Hann
vann við ýmis verkamannastörf.
1988 hóf hann störf hjá Eldsneytis-
afgreiðslunni á Keflavíkurflugvelli
og vann hann þar þangað til hann
veiktist í október 2008.
Hjalti Heimir verður jarðsunginn
frá Ytri Njarðvíkurkirkju í dag, 8.
júlí og hefst athöfnin kl. 13.
Jarðsett verður í Hvalsnes-
kirkjugarði.
mbl.is/minningar
Ég sit hér inni í stofu hjá ykkur
mömmu og er að reyna að skrifa
minningarorð um þig, elsku pabbi
minn, en það gengur erfiðlega þar
sem ég er engan veginn tilbúin til
þess þar sem þú varst tekinn allt of
fljótt frá okkur. Ég átti aldrei von á
því þegar þú veiktist í október 2008
að þú yrðir tekinn svona fljótt frá
okkur. Ég var alltaf viss um að þú
myndir sigrast á þessu. En þú gafst
aldrei upp, elsku pabbi, og er ég þér
svo þakklát fyrir að þú beiðst þangað
til Jói kom til okkar frá Noregi og
hann fékk að kveðja þig.
Aldrei kvartaðir þú undan neinu,
sama hvað gekk á. Ég og Þóra systir
vorum hjá þér og mömmu síðustu
nóttina þína uppi á spítala, það fannst
mér gott þó að það hafi verið erfitt að
horfa á þig þjást svona en allt var
gert til að þú þjáðist sem minnst. Ég
veit að þér líður vel núna og það voru
margir sem tóku vel á móti þér og þá
sérstaklega hann Ómar Þröstur
bróðir þinn sem beið eftir þér með
okkur uppi á spítala.
Minningarnar um þig hrannast
upp núna og gæti ég skrifað heila bók
um þær og ætla ég að geyma þær vel
í hjarta mínu. Þú varst alveg einstak-
ur, elsku pabbi, það var alltaf hægt
að leita til þín með allt og þú varst
alltaf boðum búinn. Þú kenndir mér
svo margt um daginn og veginn.
Börnin mín höfðu mjög gaman af því
að koma í heimsókn til ömmu og afa,
Pétur Heimir nafni þinn og afastrák-
urinn þinn saknar þín mjög mikið, þið
voruð alltaf að bralla eitthvað saman.
Guðný Hildur skilur þetta ekki alveg
og það fyrsta sem Kristinn Helgi
gerði þegar hann kom heim til ykkar
var að fara inn í hjónaherbergið ykk-
ar og leita að afa sínum. Þau sakna
afa síns mikið og við höldum minn-
ingunni um yndislegan afa lifandi
fyrir þau. Við munum hugsa um
mömmu fyrir þig. Þú varst og ert
bestur og takk fyrir allt sem þú hefur
gert fyrir mig og mína.
Ég mun ætíð elska þig, elsku
pabbi.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Góði Guð, viltu styrkja okkur öll til
að komast í gegnum sorgina.
Þín
Hulda Klara.
Núna ertu farinn frá okkur eftir
ekki svo langa baráttu. Samt fannst
manni þetta hafa verið heil eilífð, en
þú stóðst þig eins og hetja og ég er
svo stolt af þér að hafa ekki gefist
upp svo auðveldlega, þú ert hetjan
mín. Ég sakna þín rosalega mikið, þú
gerðir svo mikið fyrir mig og varst
alltaf tilbúinn að gera allt fyrir alla.
Þú settir alltaf aðra í sæti númer eitt
og svo sjálfan þig fyrir aftan og ef að
þú náðir ekki að laga hlutina þá var
hreinlega ekki hægt að laga þá. Þú
varst alveg snillingur í að laga hluti,
hvort sem það voru bílar eða annað.
Þú varst alveg frábær hlustandi og
rosalega gott að tala við þig. Þú varst
sko vinur vina þinna og hægt að
treysta þér fyrir hverju sem var. Þú
varst ekkert að dæma fólk. Svo varst
þú svo yndislegur við krakkana
hennar Huldu og Pétri fannst svo
gaman að fara með þér út að hjóla.
Ég gleymi aldrei brosinu á þér þegar
þú náðir loksins að sannfæra mömmu
um að leyfa þér að kaupa þér mót-
orhjól. Þú brostir allan hringinn og
varst svo ánægður með að geta loks-
ins farið út að hjóla og voru þær ferð-
ir nú ófáar. Ég og Davíð ætlum að
vera dugleg að taka hann fyrir þig og
þú verður með okkur í anda. Svo þeg-
ar þið fluttuð á Hringbrautina, hvað
þú varst ánægður að fá loksins bíl-
skúr, búinn að dreyma um það í mjög
mörg ár. Og það sem að þú gast
dundað þér þar alveg tímunum sam-
an, hvort sem það var að laga bíla eða
bara lappa upp á skúrinn, hann var
orðinn ekkert smá flottur hjá þér, bú-
inn að klæða hann, setja í hann raf-
magn og hurðaropnara, rosalega
flott hjá þér og þú varst rosalega
ánægður með frammistöðu þína,
enda máttirðu alveg vera stoltur af
því. Það var rosalega gott að hafa
fengið að fylgja þér alla leið, pabbi
minn, ég veit að þér líður betur núna
og ert hættur að kveljast og loksins
getur þú hitt Ómar bróður þinn eftir
langa fjarveru hvor frá öðrum, ég
veit að þið passið hvor annan.
Ég kveð þig að sinni, búin að skrifa
allt til þín í bréfinu sem þú fékkst frá
mér. Mundu að ég mun alltaf elska
þig, pabbi minn og halda uppi minn-
ingu þinni um ókomna tíð.
Kristur minn, ég kalla á þig,
komdu að rúmi mínu.
Gakktu hér inn og geymdu mig,
Guð í faðmi þínum.
.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer,
sitji Guðs englar yfir mér.
(Hallgrímur Pétursson)
Þótt ég sé látinn, harmið mig ekki
með tárum, hugsið ekki um dauðann
með harmi og ótta. Ég er svo nærri,
að hvert eitt ykkar tár snertir mig og
kvelur, en þegar þið hlæið og syngið
með glöðum hug lyftist sál mín upp í
móti til ljóssins. Verið glöð og þakk-
lát fyrir allt sem lífið gefur, og ég tek
þátt í gleði ykkar. (Kalhil Gibran)
Sofðu rótt, elsku pabbi minn.
Þín
Þóra Kristín Hjaltadóttir.
Í dag kveð ég Heimi afa minn sem
fór alltof snemma frá mér. Við áttum
eftir að gera svo mikið saman svo
sem ganga á Esjuna og Keili.
Mamma og pabbi ætla að gera það
með mér í staðinn. Það var alltaf svo
gaman hjá okkur við vorum alltaf að
bralla eitthvað saman. Við gátum
dundað okkur tímunum saman í bíl-
skúrnum þínum. Við fórum oft að
veiða saman og á mótorhjólið þitt.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(Matthías Jochumsson.)
Góði Guð, viltu styrkja okkur öll til
að komast í gegnum sorgina.
Þitt barnabarn og nafni,
Pétur Heimir.
Hann frændi okkar Hjalti Heimir
hefur nú látið í minni pokann eftir
hetjulega baráttu við illvígan sjúk-
dóm. Á tímamótum sem þessum þeg-
ar einhver nákominn fellur frá er oft
hugsað til baka! Okkar líf og Heimis
frænda var svo samtvinnað okkar
fyrstu árin að ekki eru margar minn-
ingar þar sem hann er ekki! Ein fjöl-
skylda tvö heimili og tvö sett af for-
eldrum! Af mörgu er að taka í
minningasjóðnum okkar. Ferðalög
vestur til afa og ömmu, þar sem
skipst var á að sitja í bílum oftast
þannig að yngri bræðurnir í einum og
eldri í hinum. Aðrir á skellitíkum og
hinir á hjólum á eftir! Heimir var
mjög handlaginn og kom það fljótt í
ljós, við viðgerðir á skellitíkunum og
hjólunum og bóngóður var hann. Ef
einhver þurfti hjálp í fjölskyldunni
við eitthvað var hann mættur, hvort
það var mamma eða við bræðurnir.
Með þrautseigju og útsjónarsemi
náði hann oft að gera við bílana hjá
okkur þegar við stóðum á gati yfir
hvað var að og/eða varahlutakostn-
aðurinn var of hár! Alltaf var gaman
að hitta Heimi frænda því stutt var í
brosið og smitaði það vel út frá sér
hvar sem hann var. Að lokum fékk
hann verkefni sem var erfiðara en
nokkurt annað sem hann hafði tekist
á við og þar sem seiglan og þraut-
seigja dugði ekki til!
Við kveðjum góðan dreng sem við
komum til með að sakna mikið.
Þegar kallað er í þig yfir,
þá ekkert breytir því,
en minningin mín, hún lifir
mínu hjarta ávallt í.
(Höf. ók.)
Hvíl í friði og megi guð blessa fjöl-
skyldu þína
Hjalti og Margeir.
Drottinn er minn hirðir, mig mun
ekkert bresta.
Á grænum grundum lætur hann mig
hvílast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um rétta vegu
fyrir sakir nafns síns.
Jafnvel þótt ég fari um dimman dal,
óttast ég ekkert illt,
því að þú ert hjá mér,
sproti þinn og stafur hugga mig.
Þú býr mér borð
frammi fyrir fjendum mínum,
þú smyr höfuð mitt með olíu,
bikar minn er barmafullur.
Já, gæfa og náð fylgja mér
alla ævidaga mína,
og í húsi Drottins bý ég
langa ævi.
(23. Davíðssálmur.)
Ómar Þröstur Hjaltason og
Ásthildur Margrét Hjaltadóttir.
Látinn er náinn samstarfsmaður
minn í 17 ár í Eldsneytisafgreiðslu
Olíufélaganna á Keflavíkurflugvelli.
Við hófum báðir störf þar í apríl 1987
þegar Flugstöð Leifs Eiríkssonar
var tekin í notkun. Vart er hægt að
hugsa sér betri starfsmann en hann,
því honum var strax falið að vera í
forsvari fyrir viðgerðum og viðhaldi
allra þeirra tóla, tækja og bíla sem
tilheyra þeirri starfsemi. Fljótlega
komu í ljós hæfileikar hans til að lag-
færa og gera við allt mögulegt sem
upp í hendur hans kom, þó hann væri
að mestu sjálfmenntaður. En seinna
meir jók hann menntun sína og rétt-
indi samfara fullu starfi. Vinnustaður
okkar mótaðist mjög af þeim góða
hópi starfsmanna er þar hófu störf og
starfa þar margir enn 22 árum
seinna. Við vorum nánast eins og stór
fjölskylda og allir vissu allt um alla og
deildum gleði og sorgum. Ég ætla að
leyfa mér að segja að Heimir var
perlan í þessum flokki, einstök geð-
prýði hans og hjálpsemi í garð okkar
verður aldrei fullþökkuð. Mér er
mjög minnistætt orðatiltæki sem
Heimir notaði oft, jafnvel þegar mað-
ur vænti annars svars: „Það er allt í
lagi“. Ég kveð með þínum orðum, það
verður allt í lagi, Guðný og fjölskyld-
an þín munu standa saman nú sem
fyrr. Blessun fylgi ykkur öllum, þess
óskum við hjónin Edda Karen og ég.
Baldur Gunnarsson.
Kæri vinur minn. Þá er komið að
kveðjustund að þessu sinni. Þú barð-
ist eins og hetja við leiðindasjúkdóm
sem vann, því miður. Þegar ég hugsa
til baka þá er margs að minnast og
margt að þakka fyrir. Þú varst góður
maður sem lést gott af þér leiða í líf-
inu. Ég var svo heppinn að dóttir mín
hún Katrín fór að vera með syni þín-
um fyrir nokkrum árum, þannig
kynntist ég ykkur. Þú varst fljótur að
breytast úr tengdapabba yfir í pabba
fyrir hana, þú varst sú fyrirmynd
sem hún hafði alla daga, fyrir það er
ég þér ómetanlega þakklát.
Þegar hugsað er til baka man ég
eftir þér brosandi og/eða að hjálpa
einhverjum og það voru ófá skiptin
sem þú hjálpaðir minni fjölskyldu.
Aldrei mátti þakka þér fyrir, því þér
fannst þetta sjálfsagt. Það er ósann-
gjarnt þegar góður maður á besta
aldri er tekinn frá okkur, en líklegast
hefur vantað góðan bifvélavirkja hin-
um megin. Fjölskyldu þinni, Guð-
nýju, Ómari, Huldu, Þóru, Ástu,
Pétri og Stínu ásamt öllum votta ég
mína innilegustu samúð. Þín verður
saknað og minnst.
Magnea Rán.
Hjalti Heimir
Pétursson
Minningar 25
MORGUNBLAÐIÐ MIÐVIKUDAGUR 8. JÚLÍ 2009
         
 
   

    
 
    
     
     


 

✝
Ástkær faðir okkar, tengdafaðir, afi og langafi,
MAGNÚS ÞÓRARINSSON
frá Hjaltabakka,
Bergstaðastræti 11,
Reykjavík,
lést á heimili sínu sunnudaginn 5. júlí.
Útförin fer fram frá Grafarvogskirkju þriðjudaginn
14. júlí kl. 15.00.
Þórarinn Sigvaldi Magnússon, Anna Magnea Ólafsdóttir,
Guðbergur Magnússon, Guðný Ragnarsdóttir,
Þórir Skafti Magnússon, Matthildur Guðmannsdóttir,
Stefán Magnússon, Ása Andersen,
Jóhannes Magnússon, Elsa Björnsdóttir,
Helgi Magnússon, Sigríður G. Pálsdóttir,
Svanhildur Magnúsdóttir,
barnabörn og barnabarnabörn.
✝
Elskulegur faðir okkar, tengdafaðir, afi og langafi,
JÓN BJÖRNSSON
fyrrv. frystihússtjóri,
Kirkjubæjarklaustri,
andaðist á Hjúkrunar- og dvalarheimilinu Klaustur-
hólum mánudaginn 6. júlí.
Útförin fer fram frá Prestsbakkakirkju á Síðu
laugardaginn 11. júlí kl. 14.00.
Þeim sem vilja minnast hans er bent á Velunnarasjóð Klausturhóla,
reikningsnr. 0317-13-771176, kt. 700399-2739.
Björn Vignir Jónsson, Þóra Sen,
Ásgeir Jónsson, Drífa Ingimundardóttir,
Birgir Jónsson, Bryndís Guðgeirsdóttir,
Gunnar Þór Jónsson, Sveinbjörg Pálsdóttir
og fjölskyldur.