Morgunblaðið - 23.07.2009, Blaðsíða 14

14
MORGUNBLAÐIÐ FIMMTUDAGUR 23. JÚLÍ 2009
Eftir Halldór Armand Ásgeirsson
haa@mbl.is
Þ
ví fylgir nokkuð ein-
kennileg tilfinning að
spóka sig í íslenskum
sumarhita í nýju hverf-
unum á höfuðborgar-
svæðinu. Lítið virðist hafa breyst
frá því blaðamaður heimsótti Úlf-
arsfellshverfið í Reykjavík og Leir-
vogstungu í Mosfellsbæ fyrir um
ári. Það er ró og spekt yfir öllu.
Hálfkláruð hús eru á víð og dreif,
opnir grunnar blasa við og upp úr
þeim standa ógnvænlegir kopar-
vírar. Það er lítið sem ekkert líf en
í fjarska heyrist suð í háþrýstidælu
og ef vel er að gáð má sjá nokkra
menn bera poka sem virðast fullir
af einhvers konar byggingarefni
inn í nýlegan og ómálaðan bílskúr.
Andrúmsloftið er svipað í mörgum
öðrum nýjum hverfum.
Það er þó augljóslega búið í fá-
einum húsum í fyrrnefndum hverf-
um. Fyrir utan reisulegt og ómálað
einbýlishús hékk þvottur á snúru í
veðurblíðunni. Það voru hins vegar
engar rúður á efri hæð hússins
heldur voru gluggarnir einungis
varðir með plasti.
Í Þingahverfinu í Kópavogi er
útlitið öllu skárra. Þar eru mörg
falleg og fullkláruð hús í bland við
önnur grá og hálfkláruð steypu- og
víravirki. Blaðamaður og ljós-
myndari Morgunblaðsins furðuðu
sig á því hversu illa hálfkláruð hús
og grunnar voru varin, ekki síst
með tilliti til að í grenndinni voru
börn að leik. Lítið mál er fyrir fólk
að komast inn í húsin sem eru
sannkallaðar slysagildrur.
Ábyrgðin byggingastjóra
Að sögn Gísla Norðdahl, bygg-
ingafulltrúa í Kópavogi, er það á
ábyrgð byggingastjóra og eigenda
húsa að sjá til þess að nægilega vel
sé gengið frá framkvæmdum.
„Við fylgjumst með þessu eins
og við getum og hingað til hefur
fólk verið samstarfsfúst og farið
eftir beiðnum okkar. Í þeim til-
vikum sem fólk hefur svo skilað
aftur inn lóðum til bæjarins þá höf-
um við reynt að sýna gott fordæmi
og fylla í grunna og verja járn og
slíkt. Það er hættuástandið og ör-
yggið sem við horfum fyrst og
fremst til.“
Í 56. grein byggingareglugerðar
segir að ef byggingavinnustaður
liggur við götu eða svo nálægt götu
að hætta geti stafað af fyrir veg-
farendur skuli girða hann af. Girð-
ingar skuli þó ekki hindra umferð
fótgangandi um götuna eða aðra
umferð utan lóðar.
Þá segir í 65. grein sömu reglu-
gerðar að lóðarhöfum beri skylda
til að hyggja að slysahættu barna
þar sem séð er fyrir að börn verði
að leik. Ljóst er að þessar skyldur
eru vanræktar að einhverju leyti í
nýju hverfunum í Reykjavík.
„Við höfum verið í átaki og ýtt
sérstaklega á eftir fólki frá því síð-
asta haust þegar hægja fór á öllu.
Við höfum farið reglulega í hverfin
og sendum út bréf og hringjum í
fólk svo það gangi frá fram-
kvæmdum og fjarlægja laust rusl
og hættuleg efni,“ segir Kristinn
Aðalbjörnsson, verkefnastjóri hjá
byggingadeild Mosfellsbæjar.
Hann segir mjög misjafnt hversu
lengi fólk sé að bregðast við til-
mælum frá bænum. „Við höfum
miðað við að gefa fólki svona tvær
vikur til að bregðast við.“
Bankar nýir eigendur
Í einhverjum tilvikum hafa
bankar leyst til sín hálfkláraðar
eignir frá fólki sem ekki hefur get-
að staðið í skilum. Gísli segir að
samskipti við þá sem sjá um slíkar
eignir fyrir hönd banka hafi gengið
vel. „Það hefur eiginlega gengið
ótrúlega vel og þeir hafa sinnt
skyldum sínum mjög vel.“
Hvað varðar ásýnd Kópavogs-
bæjar segir Gísli að höfuðáherslan
sé á öryggisatriðin. „Þetta er auð-
vitað hörmungarástand og við vilj-
um að ásýnd bæjarins sé góð. Hins
vegar eru það helst öryggismálin
sem við erum upptekin af þessa
dagana, þau skipta öllu máli.“
Hálfkláruð og hættuleg
 Mikið er um að hálfkláruð hús og steyptir grunnar standi opin í nýju hverfunum á höfuðborgarsvæðinu
 Byggingafulltrúar þrýsta á fólk að ganga frá framkvæmdum enda börn oft að leik í nágrenninu
Morgunblaðið/Heiddi
Hús Algeng sjón í Þingahverfinu í Kópavogi eru hálfkláruð og opin steypuflykki við hlið fallegra einbýlishúsa. Afar auðvelt er að komast inn í húsin.
Vírar Leiðin að leikvellinum í Leirvogstungu er þyrnum stráð.
Nýbyggð hverfi á höfuðborgarsvæðinu
„Þetta hverfi er slysagildra
fyrir börnin – það er alveg
ljóst,“ segir Halla Ólafs-
dóttir. Hún var upptekin við
að ferja hluti inn í nýtt hús
sitt í Leirvogstungu í Mos-
fellsbæ þegar blaðamaður
tók hana tali. „Við erum
svona að flytja dótið okkar
hingað núna og stefnum á að
vera flutt inn að fullu áður
en skólinn hefst í sept-
ember.“
Á hennar heimili eru fimm
börn á aldrinum 2-16 ára.
Hún bendir á að í ná-
grenni við hús hennar sé lít-
ill leikvöllur sem krakkar
hafi gaman af skemmta sér
á. Til þess að komast þangað
þurfi krakkarnir hins vegar
að leggja leið sína um fram-
kvæmdasvæði sem lítur væg-
ast sagt ekki gæfulega út.
„Börnin sækja mikið í að
leika sér á leikvellinum enda
geta þau prílað í kastala
þarna og svona. Ég hef hins
vegar áhyggjur af því að þau
þurfa að fara hér yfir grýtta
slóð til að komast þangað.“ Í
næsta nágrenni við hús
hennar er jafnframt mikið
um hálfkláruð hús sem
standa opin aukinheldur sem
víða má sjá steypta grunna
þar sem vírar eru óvarðir.
„Leirvogstunga er slysagildra fyr-
ir börn eins og staðan er núna“
Mæðgin Halla Ómarsdóttir og sonur hennar Ómar Andri Pét-
ursson í Leirvogstunguhverfinu. Skammt frá er leikvöllur.
„Hér er alveg hreint ynd-
islegt að búa þótt auðvitað
séu hér ókláruð hús. Hér er
enn allt í uppbyggingu og
þetta er ákveðin sveit í borg,“
segir Jóna Björg Jónsdóttir,
sem býr í Dalaþingi í Kópa-
vogi.
Hún býr í stóru og fallegu
tvíbýlishúsi við merkilegar
aðstæður. Í annarri íbúðinni
býr sonur Jónu og manns
hennar ásamt sinni fjölskyldu
og í hinni búa þau hjónin
ásamt fjölskyldu dóttur
þeirra. Milli íbúðanna er sam-
eiginleg stór borðstofa þar
sem stórfjölskyldan borðar
saman hvert kvöld. „Hér á
heimilinu eru 10 börn og við
erum yfirleitt fimmtán í mat
hér á kvöldin,“ segir Jóna
hlæjandi. Börnin eru frá ný-
fæddu og upp í 13 ára.
Í nágrenni hússins er mikið
um malarvegi, hæðir og hóla.
Einnig eru hálfkláruð og opin
hús nálægt. „Það var ákveðið
vandamál hérna fyrst að það
voru mörg holræsi sem stóðu
opin og sáust illa í myrkri. Við
hringdum mikið út af þessu
og loks var lokað fyrir þau
sem betur fer.
Við brýnum fyrir börn-
unum að fara ekki að hús-
unum hérna í kring.“
Brýna fyrir börnunum að hætta
sér ekki nálægt opnum húsum
Morgunblaðið/Heiddi
Steypa Í nágrenni við hús Jónu eru hálfkláruð og opin hús.
1.150
Tala íbúða sem vinna er
hafin við að einhverju leyti
í Reykjavík.
500
Tala íbúða sem vinna er
hafin við að einhverju
leyti í Kópavogi.
400
Tala íbúða sem vinna er
hafin við að einhverju
leyti í Mosfellsbæ.
Úr skýrslu VSÓ Ráðgjafar um framboð
húsnæðis í byggingu á höfuðborgarsvæð-
inu. Skýrslan var gefin út í júní sl.