Morgunblaðið - 23.07.2009, Blaðsíða 37
Menning 37FÓLK
MORGUNBLAÐIÐ FIMMTUDAGUR 23. JÚLÍ 2009
Fólk
„ÉG var staddur á bakpokaferðalagi í Chicago
þegar hrunið varð og hafði hvorki efni á banana-
samloku né sokkapari. Ég seldi gítarinn minn til
að kaupa mér tösku. En að lokum var ég svo lán-
samur að kynnast kúbverska listamanninum
Nacho sem gaf mér nýjan gítar. Með honum
snapaði ég svo far á skipi til Kúbu. Þar tókst
mikið vinfengi með okkur og saman sömdum við
fjölmörg lög sem við fluttum hér og þar ásamt
eiginkonuna Nachosar, Maríu, sem leikur á eins
konar blikkdollu, og syngur að auki eins og eng-
ill.“ Svo lýsir Sverrir Norland, ljóðskáld og tón-
listarmaður, tilurð lagsins „Þótt þú trúir ekki“
sem er kreppubálkur.
Reyndar er Sverrir að skrökva þessu, lagið
samdi hann eftir leikhúsferð á Söngvaseið og tók
upp í Stúdíó Sýrlandi. Í texta lagsins segir m.a:
„Hvað gerist næst verður hver að eiga við sig /
Þótt þú trúir ekki á djöfulinn þá trúir hann samt
á þig.“
Sverrir hefur verið iðinn við laga- og texta-
smíðar allt frá því hann gaf út plötuna Sverrir
Norland um síðustu jól, segist eiga efni í 2-3 plöt-
ur og sendi jafnvel frá sér eitt stykki á næstunni.
Góðærislistamenn þurfa kreppu
„Það er dálítið spes,“ svarar Sverrir, spurður
að því hvernig hinn hamingjuþrungni Söngva-
seiður hafi orðið honum innblástur að kreppu-
bálki. Sverrir segist hafa fagnað kreppunni sem
listamaður, listamenn þurfi að lenda í öðru en
góðæri. Þeir sem vilja kynna sér list Sverris geta
kíkt á Facebook-síðuna hans eða á myspace.com-
/sverrirnorlandband. helgisnaer@mbl.is
„Þótt þú trúir ekki á djöfulinn þá trúir hann samt á þig“
Sverrir Ógnar saklausum gróðrinum með gítar.
Enn halda Agent Fresco áfram að
skora rokkstig. Í nýjasta hefti
breska rokktímaritsins Kerrrang
fær þröngskífa þeirra Lightbulb
Universe fjórar stjörnur (eða fjögur
K) af fimm mögulegum.
Í stuttum dómnum er talað um af-
bragðs tónleika sveitarinnar á síð-
ustu Iceland Airwaves-hátíð og er
sveitinni líkt við Faith no More og
System of a Down.
Sérstaklega er talað um söngv-
arann Arnór Dan Arnarson sem
leynivopn sveitarinnar. Þar er eig-
inleika hans að hoppa frá raul-söng
yfir í hávaðasöm öskur sérstaklega
hampað.
Platan er gefin út á vegum Kima
Records í Evrópu og er talað um það
í dómnum að nú þegar hafi skapast
töluverður áhugi fyrir plötunni.
Agent Fresco fagnaði nýverið eins
árs starfsafmæli sínu en sveitin var
sett sérstaklega saman fyrir Mús-
íktilraunir í fyrra sem hún svo sigr-
aði örugglega.
Nú er bara spurning um hvort til-
raunakennt djassrokk sveitarinnar
höfðar jafn vel til rokkunnenda Evr-
ópu. En miðað við þá staðreynd að
hingað til hefur allt sem sveitin hef-
ur snert orðið að gulli er víst að
margir fylgjast með gangi mála.
Agent Fresco fær
fjögur K í Kerrrang!
Tónlistarhátíðin Bræðslan hefur
smám saman verið að festa sig í
sessi sem fastur liður í fjölbreyttri
sumardagskrá á landsbyggðinni.
Hátíðin fer fram á Borgarfirði
eystri að vanda, nú um helgina.
Miðasala mun vera komin vel á veg
og voru einungis um 200 aðgöngu-
miðar óseldir í gær. Þursaflokk-
urinn, Páll Óskar og Monika, B. Sig
og Jónas Sig og Bróðir Svartúlfs
koma fram á hátíðinni í ár.
Að sögn skipuleggjenda hátíð-
arinnar sækja að jafnaði um þúsund
manns Borgafjörðinn heim þessa
helgi, sem hlýtur að teljast talsverð
viðbót við 150 manna samfélagið
sem annars er þar.
Bræðslan á Borgarfirði
eystri um helgina
Eftir Birtu Björnsdóttur
birta@mbl.is
HÚN segist alsæl yfir því að vera
komin aftur til Íslands og ætlar að
eyða dvölinni að mestu hjá ömmu
sinni og afa á Flúðum og í sundlaug-
unum, þar sem hún hyggst æfa sig
fyrir næsta hlutverk sitt á hvíta
tjaldinu.
Leikkonan Noomi Rapace kom þó
fyrst og fremst hingað til lands til að
vera viðstödd forsýningu mynd-
arinnar Karlar sem hata konur, en
hún fer þar með hlutverk Lisbet Sal-
ander. Noomi segist þó ekki ætla að
horfa á myndina.
„Ég hef séð hana tvisvar og það er
alveg nóg. Mér finnst mjög óþægi-
legt að horfa á sjálfa mig leika,“ seg-
ir leikkonan.
Hrædd um að vera of stelpuleg
Noomi hafði, líkt og flestir Svíar,
lesið bækur Stiegs Larssons og
þekkti vel til Lisbet Salander þegar
umboðsmaður hennar boðaði hana í
viðtal hjá þeim sem völdu í hlutverk
myndarinnar.
„Ég var hrædd um að þeim þætti
ég of stelpuleg og því ekki passa í
hlutverkið. Þegar ég hitti leikstjór-
ann fyrst sagði ég við hann að ég
skyldi leggja á mig hvaða breytingar
sem er fengi ég hlutverkið.“
Og það gerði hún sannarlega. Um
hálfu ári áður en tökur hófust byrj-
aði Noomi að stunda sparkbox og
aðrar bardagaíþróttir, auk þess að
tileinka sér sérstakt mataræði, til að
verða jafn tággrönn og strákaleg í
vexti og Salander. „Ég lét líka klippa
og lita á mér hárið og gata á mér
andlit og eyru,“ segir Noomi en bæt-
ir við að húðflúrið hafi ekki verið
ekta.
En gervið virkaði vel og Noomi
hefur hlotið mikið lof fyrir frammi-
stöðu sína í fyrstu myndinni. Alls
verða þær þrjár talsins og þær voru
allar teknar í einum rykk. Noomi
segist ekki eiga eftir að sakna Lis-
betar, eftir að hafa eytt rúmu ári ævi
sinnar í hennar gervi.
Noomi segist viss um að Lisbet
Salander eigi stóran þátt í vinsæld-
um bóka Stiegs Larssons, sem og
myndarinnar.
„Hlutverk kvenna í kvikmyndum
og bókum eru oft svo stöðluð, en Lis-
bet er allt öðruvísi. Hún er flottur
femínisti, sem þrátt fyrir mikið mót-
læti neitar að gefast upp.“
Spennandi tímar framundan
Og hana langar til að leika í ís-
lenskum kvikmyndum.
„Ég held að fjármálahrunið eigi
eftir að hafa góð áhrif á kvikmyndir
og aðrar listir, það eiga eftir að
spretta upp spennandi verkefni úr
þessu öllu saman og það væri gaman
að taka þátt í því,“ segir Noomi á
næstum lýtalausri íslensku og bætir
við að hún fylgist grannt með ís-
lenskum kvikmyndagerðarmönnum
og verkum þeirra.
Lisbet er flottur femínisti
Noomi Rapace fer með hlutverk Lisbet Salander í Karlar sem hata konur
Fékk leiklistarbakteríuna á Íslandi og langar að leika hér í framtíðinni
Morgunblaðið/Eggert
Leikkonan Noomi tók ástfóstri við Ísland þegar hún bjó hér sem barn og
reiddist foreldrum sínum þegar þau fluttu með hana aftur til Svíþjóðar.
Eftir Birgi Örn Steinarsson
biggi@mbl.is
Á STARFSTÍÐ sinni hefur Q-bar
nánast orðið að menningarmiðstöð
fyrir samkynhneigða. Staðurinn hef-
ur þó aldrei einskorðað sig við sam-
kynhneigð heldur verið auglýstur
sem hliðhollur henni (oft kallað
Straight-friendly) og lagt áherslu á
að hommar, lesbíur og allir þeir sem
mjöðmum geta hnykkt dansi saman í
einni einingu við lífsglaða tóna. Nú
stefnir allt í að síðasta helgi Q-bars
verði komandi helgi því að sögn Arn-
ars Þórs Gíslasonar, eiganda stað-
arins, eru áform uppi um að loka
staðnum eftir helgi og opna í hús-
næðinu danska krá.
„Ástæðan fyrir því að við erum að
breyta þessu er sú að nýta alla daga
vikunnar. Til þess að fá meiri rekst-
ur inn í húsið á þeim tíma sem hefur
kannski ekki verið líf,“ útskýrir Arn-
ar Þór en tekur ekki fyrir að Q-bar
verði opnaður í nýju húsnæði seinna.
„Í stað þess að halda áfram að gera
nákvæmlega það sama viljum við
hafa sérstöðu. Þá sérstöðu sem Q-
bar var með hafa allir staðir í dag.“
Arnar Þór segir að allt verði gert
til þess að fanga afslappaða og „lige-
glad“ stemningu á dönsku kránni
sem frændur okkar eru þekktir fyr-
ir. Staðurinn sé opnaður fyrr á dag-
inn og honum lokað að öllum lík-
indum fyrr á kvöldin um helgar.
Danskri tónlist verði gert hátt undir
höfði og karókíkvöld verði haldin.
„Húmorinn á að ráða ríkjum þarna.
Það verður jafnvel eitthvert brauð-
meti. Franskbrauð með hrúgu af
majonesi og einni rækju kannski. Ef
efnahagsástandið fer að lagast fjölg-
um við rækjunum.“
Skemmtistaðurinn Q-bar
víkur fyrir danskri krá
Morgunblaðið/Kristinn
Menning á Q-bar Það hefur verið litrík starfsemi í kringum Q-bar.
„Menningarmiðstöð“ samkynhneigðra söltuð um sinn
Noomi Rapace fluttist hingað til
lands með móður sinni og ís-
lenskum stjúpföður þegar hún
var fimm ára gömul.
„Ég elskaði Ísland strax og
langaði að verða Íslendingur. Ég
varð öskuvond út í foreldra
mína þegar við fluttum aftur til
Svíþjóðar nokkrum árum síðar,“
segir leikkonan á ótrúlega góðri
íslensku.
Segja má að grunnurinn að
leiklistarferli Noomi hafi verið
lagður hér á landi þegar hún fór
með lítið hlutverk í Í skugga
hrafnsins í leikstjórn Hrafns
Gunnlaugssonar.
„Eftir þessa reynslu vissi ég
að ég vildi verða leikkona. Það
varð ekki aftur snúið,“ segir
Noomi.
Noomi okkar