Morgunblaðið - 27.07.2009, Blaðsíða 2
2 FréttirINNLENT
MORGUNBLAÐIÐ MÁNUDAGUR 27. JÚLÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Utanríkisráðherrarnir funda
Í samningaferlinu við ESB er gert ráð fyrir víðtæku samráði við íslenska hagsmunaaðila jafnóðum
„Lýðræðisstofa“ framkvæmi þjóðaratkvæðagreiðsluna og geti ógilt ef verulegir ágallar eru á henni
Eftir Önund Pál Ragnarsson
onundur@mbl.is
FUNDUR utanríkisráðherra ESB-ríkja fer
fram í Brussel í dag, en sá fundur er álitinn
eini vettvangurinn sem getur í upphafi fjallað
um aðildarumsókn Íslands.
Hefur verið beðið eftir niðurstöðu fundarins
síðustu daga og frekari vinna að umsóknarferl-
inu ekki hreyfst mikið, samkvæmt heimildum.
Ekki er því enn farið að skipa í samninganefnd
Íslands gagnvart ESB, né heldur í þá níu til
tólf samningahópa sem starfa eiga undir
samninganefndinni.
Samninganefndin verður reyndar enn um-
fangsmeiri. Samkvæmt áliti meirihluta utan-
ríkismálanefndar Alþingis um umsóknina mun
stór samráðshópur einnig starfa með henni,
skipaður fulltrúum allra stjórnmálaflokka og
hagsmunaaðilum. Þá verður sérstakur hópur
um upplýsingamiðlun og fjölmiðlatengsl og
enn annar sem starfar með nefndinni og samn-
ingahópunum, skipaður lögfræðingum, hag-
fræðingum og sérfræðingum í alþjóða-
samskiptum.
Þarf fólk með trúverðugleika
Gert er ráð fyrir því að helstu hagsmuna-
aðilar taki virkan þátt í samningagerðinni.
Utanríkismálanefnd nefnir þar sérstaklega
sjávarútveginn, landbúnaðinn og sveitar-
félögin. Aðspurðir segja Friðrik J. Arngríms-
son, framkvæmdastjóri LÍÚ, og Haraldur
Benediktsson, formaður Bændasamtakanna,
að ekki hafi verið rætt við samtökin um form-
lega aðkomu enn sem komið er.
„Það hlýtur að vera nauðsynlegt að hafa fólk
með trúverðugleika í þessu og það fæst ekki,
hvað sjávarútvegsmálin varðar, ef þar er eng-
inn sem tengist sjávarútvegi,“ segir Friðrik.
LÍÚ sé reiðubúið að taka þátt í vinnunni eins
og eftir verði óskað, en undarlegt verði ef
samningahópar verði skipaðir Evrópufræð-
ingum með aðild á óskalistanum.
„Við í landbúnaðinum bíðum nú fyrst af öllu
viðbragða landbúnaðarráðherrans, um það
hvernig hann hyggst ná fram þeim mark-
miðum sem koma þarna fram um landbún-
aðarmálin,“ segir Haraldur um álit meirihluta
utanríkismálanefndar. Bændasamtökin verði
tilbúin til álitsgjafar hverju sinni. „Mér sýnist
á öllu að það þurfi virkilega að halda í höndina
á þeim um hin einföldustu lögmál landbúnað-
arins. Þeim veitir ekki af allri sérfræðiaðstoð
okkar í þessu öllu saman,“ bætir hann við.
Engin skýr svör fáist hins vegar í ráðuneytinu
um hvernig eigi að haga þessum málum.
MEÐ því að samþykkja Icesave-
samninginn myndi Alþingi leysa
tryggingasjóð innstæðueigenda í
Bretlandi (FSCS) undan lögformlegri
ábyrgð á einhliða ákvörðunum sínum.
Kemur þetta fram í umsögn, sem
Gunnar Tómasson hagfræðingur hef-
ur sent þingmönnum.
Í henni segir að þetta kunni að út-
skýra af hverju breskum stjórnvöld-
um sé svo umhugað um að Íslending-
ar samþykki samninginn án
breytinga eða marktækra fyrirvara.
Telur Gunnar að af orðalagi samn-
ingsins megi ráða að bresk stjórnvöld
telji að íslenski tryggingasjóðurinn
hafi borið aðalábyrgð á greiðslum til
innstæðueigenda í
Icesave. Þar af
leiði að einhliða
ákvarðanir FSCS
varðandi meðferð,
mat og greiðslu
krafna innstæðu-
eigenda án sam-
þykkis íslenska
sjóðsins séu alfarið
teknar á ábyrgð þess breska.
Í þeirri grein laga um innstæðu-
tryggingar, sem vísað sé til í samn-
ingnum, segir Gunnar að engin
ákvæði sé að finna um hvenær ís-
lenska tryggingasjóðnum beri að inna
af hendi greiðslur til innstæðueig-
enda. Í samningnum sé hins vegar
vísað í minnisblað (Memorandum of
Understanding) frá árinu 2006, milli
breska og íslenska sjóðsins, og sagt
að íslenski sjóðurinn hafi ekki brugð-
ist við í samræmi við það. Því hafi
breski sjóðurinn hafist handa, ein-
hliða, við mat og greiðslu krafna til
innstæðueigenda.
Að lokum sé í samningnum ákvæði,
sem feli það í sér að íslenski sjóðurinn
ábyrgist greiðslur sem FSCS hafi
þegar innt af hendi. Greiðslur, sem
Gunnar telur að hafi verið alfarið á
ábyrgð breska sjóðsins og ekki lög-
formlega bindandi fyrir þann ís-
lenska. bjarni@mbl.is
Breski tryggingasjóðurinn
leystur undan ábyrgð
Gunnar Tómasson
„AUÐVITAÐ
verður enginn
frestur eða töf á
því, enda hefur
Alþingi talað,“
segir Björgvin G.
Sigurðsson, for-
maður þingflokks
Samfylkingar,
um þá skoðun
Jóns Bjarnason-
ar, sjávarútvegs-
og landbúnaðarráðherra, að fresta
beri aðildarviðræðum við ESB þar
til betur stendur á og Íslendingar
eru ekki beittir hótunum. „Að sjálf-
sögðu höldum við áfram með um-
sóknina eins og Alþingi hefur lagt á
okkur að gera,“ segir Björgvin.
Að vera í sátt við meirihlutann
Aðspurður hvort hann sé sammála
flokkssystur sinni, þingmanninum
Sigríði Ingibjörgu Ingadóttur, um
að Jóni Bjarnasyni beri að segja af
sér vilji hann ekki framfylgja sam-
þykktum Alþingis, segir Björgvin:
„Burtséð frá skoðunum einstakra
þingmanna og ráðherra þá ber ríkis-
stjórninni að framfylgja nýsam-
þykktri þingsályktun um umsókn.
Þingmenn og ráðherrar mega hafa
þær skoðanir sem þeir vilja á málum
svo lengi sem þeir eru sáttir við
þann meirihluta sem þeir starfa í.“
Auðvitað
ekki frest-
un á ESB
Björgvin G.
Sigurðsson
Alþingi hefur talað
SOJASÓSUR úr þara og jurtate unnið úr birki,
ætihvönn og fjallagrösum var meðal þess sem
bauðst á útimarkaði Mosskóga í Mosfellsdal um
helgina. Markaðurinn er nú haldinn tíunda sum-
arið í röð. Gestir markaðarins gera grænmetinu
jafnan góð skil; til að mynda rófum, rabarbara
og radísum en sömuleiðis nýjum sem reyktum
Þingvallasilungi. „Markaðurinn á laugardag
tókst afar vel og fólk lét hellidembu á miðjum
degi ekkert á sig fá,“ segir Birta Jóhannesdóttir
sem stjórnar markaðnum sem haldinn verður
hvern laugardag fram á haustið. sbs@mbl.is
Útimarkaður í Mosfellsbæ haldinn tíunda sumarið í röð
Rófur, rabarbari og radísur
Morgunblaðið/Árni Sæberg
Þegar kemur að þjóðaratkvæðagreiðslu
er gert ráð fyrir nýrri Lýðræðisstofu, á
vegum umboðsmanns Alþingis. Hún
mun annast framkvæmdina, upplýs-
ingagjöf og kynningu.
Hún mun einnig ákveða orðalag
spurningarinnar á kjörseðlinum, kjör-
daginn og síðast en ekki síst taka við
kærum. Hún mun geta ákveðið að eigin
frumkvæði að rannsaka lögmæti at-
kvæðagreiðslunnar og ógilda hana ef
verulegur ágalli á framkvæmd hefur
haft áhrif á niðurstöður. Þá mun hún
geta ákveðið að hún fari aftur fram.
Ákveður kjördaginn
EINAR Vilhjálmsson og
Ómar Ragnarsson óku
hringveginn á bíl knúnum
metani um helgina. Aldrei
fyrr hefur hringvegurinn
verið ekinn á bíl knúnum
alíslensku eldsneyti.
Tilgangurinn var að
vekja athygli á mögu-
leikum metansins, sem er
innlend framleiðsla og þarf
því ekki að eyða dýrmætum
gjaldeyri í. Metanbílar eru
undanþegnir vörugjöldum
og unnið er að því að bjóða
almenningi að breyta bílum
sínum svo þeir gangi fyrir metani.
„Við notuðum um það bil sama
magn og við hefðum notað af bens-
íni. Þetta er nokkurn veginn sama
eyðsla, en helmingi ódýrara,“ segir
Ómar. „Þetta var nákvæmlega ekk-
ert öðruvísi en að keyra þetta á
venjulegum bíl.“
Ódýrt Katrín Júlíusdóttir iðnaðarráðherra
fræðist um breytingarnar á vél bílsins.
Morgunblaðið/Árni Sæberg
Óku hringinn á íslensku
metani í fyrsta skipti