Morgunblaðið - 27.07.2009, Blaðsíða 12
12 FréttirERLENT
MORGUNBLAÐIÐ MÁNUDAGUR 27. JÚLÍ 2009
3ja herbergja 93 fm íbúð við Laugarásveg.
Stórar svalir með miklu útsýni. Stutt í alla
þjónustu og Laugardalurinn innan seilingar.
Laus strax.
Upplýsingar í síma: 892 0160
Laugarásvegur til sölu
Eftir Boga Þór Arason
bogi@mbl.is
KANADÍSKIR sérfræðingar í ör-
yggismálum hafa vaxandi áhyggjur
af hugsanlegum átökum á norður-
slóðum vegna aukins hernaðarvið-
búnaðar nokkurra ríkja, nú síðast
áforma Dana um stofna sérstaka
heimskautaherdeild, að sögn frétta-
stofunnar Canadian Press í gær.
Dönsk stjórnvöld birtu í vikunni
sem leið varnarmálaskýrslu þar sem
lagt er til að aukin áhersla verði lögð
á að efla danska herinn á norðurslóð-
um. Stofnuð verði heimskautsher-
deild með sérstaka yfirstjórn sem fái
tæki og mannafla frá land-, sjó- og
flugher Danmerkur. M.a. er gert ráð
fyrir því að herdeildinni verði séð
fyrir þyrlum á herskipum sem hægt
verði að nota til að flytja hermenn
hvert sem er á yfirráðasvæði Dana.
Talað um samstarf
Áður höfðu Rússar, Norðmenn,
Svíar og Kanadamenn gert ráðstaf-
anir til að auka hernaðarviðbúnað
sinn á norðurslóðum vegna bráðnun-
ar íssins sem gæti leitt til deilna um
nýtingu auðlinda. Norðmenn ákváðu
t.a.m. að kaupa 48 orrustuþotur af
gerðinni Lockheed F-35 vegna þess
m.a. að þær þykja henta vel til eft-
irlitsferða á norðurslóðum.
Canadian Press hefur eftir sér-
fræðingunum að þeir hafi áhyggjur
af því að hernaðaruppbyggingin leiði
til vaxandi spennu og hættu á átök-
um. Stjórnmálamennirnir tali oft um
þörfina á auknu samstarfi á norður-
slóðum en í verki leggi þeir áherslu á
aukinn hernaðarviðbúnað.
„Norrænu ríkin hafa sýnt hvernig
þetta verður,“ sagði einn þeirra, Rob
Huebert. „Þau munu tala um sam-
starf en búa sig undir að allt fari á
versta veg.“
Vara við átökum í norðri
Kanadískir sérfræðingar í öryggismálum hafa áhyggjur af auknum hernaðarvið-
búnaði á norðurslóðum, m.a. af áformum Dana um sérstaka heimskautsherdeild
Hervæðing Danir ætla m.a. að
stækka herstöð sína á Grænlandi.
FILIPPSEYINGUR ýtir farþegum á heimasmíð-
uðum sporvagni í Manila, höfuðborg Filippseyja.
Sporvagninn er fótknúinn og búinn til úr léttu
efni, til dæmis bambusreyr. Auðvelt er færa
vagninn af brautarteinunum þegar járnbraut-
arlest nálgast.
Ferðin með fótknúna vagninum kostar yf-
irleitt um 6-10 pesóa, eða sem svarar 16-26 krón-
um, eftir því hversu löng hún er.
Reuters
FERÐAST Á FÓTKNÚNUM SPORVAGNI
Eftir Boga Þór Arason
bogi@mbl.is
BANDARÍSK stjórnvöld leggja nú
kapp á að blása lífi í friðarumleit-
anirnar í Mið-Austurlöndum og ósk-
uðu í gær eftir „fullu samstarfi“ við
Sýrlendinga í þeim efnum.
George Mitchell, sendimaður Bar-
acks Obama Bandaríkjaforseta í
Mið-Austurlöndum, ræddi í gær við
Bashar al-Assad, forseta Sýrlands.
Mitchell kvaðst hafa átt „einlægar
og uppbyggilegar viðræður“ við
Assad með það fyrir augum að
stuðla að friðarviðræðum milli Sýr-
lendinga og Ísraela og bættum sam-
skiptum Bandaríkjanna og Sýr-
lands.
Sýrlendingar áhrifamiklir
Samskipti landanna tveggja voru
stirð í forsetatíð George W. Bush en
þau hafa batnað síðan Obama varð
forseti. Sendiherra Bandaríkjanna í
Damaskus var kallaður heim árið
2005 eftir morðið á Rafiz Hariri,
fyrrverandi forsætisráðherra Líb-
anons, en Bandaríkjastjórn tilkynnti
fyrir mánuði að nýr sendiherra yrði
sendur til Sýrlands.
Þetta er önnur heimsókn Mitch-
ells til Damaskus frá því í júní og
fréttaskýrendur segja að Sýrlend-
ingar hafi tekið vel í sáttaumleitanir
hans. Stjórnvöld í Sýrlandi eru mjög
áhrifamikil í Mið-Austurlöndum
vegna stuðnings þeirra við palest-
ínsku samtökin Hamas og Hisboll-
ah-samtökin í Líbanon og náinna
tengsla Sýrlendinga og klerka-
stjórnarinnar í Íran. Þetta varð til
þess að stjórn Bush sniðgekk stjórn
Sýrlands og rauf nánast öll tengsl
við landið. Þótt enn sé langt í að
stefnubreyting bandarískra stjórn-
valda beri árangur virðist óvild síð-
ustu ára heyra sögunni til.
Á sama tíma og samskipti Sýr-
lands og Bandaríkjanna batna gætir
vaxandi spennu í samskiptum
stjórnar Obama og Ísraela vegna
þeirrar kröfu hennar að þeir stöðvi
stækkun landtökubyggða gyðinga á
Vesturbakkanum. Eftir viðræð-
urnar í Damaskus fór Mitchell til
Ísraels og ræddi deiluna um land-
tökubyggðirnar við Ehud Barak,
varnarmálaráðherra landsins.
Mitchell ræðir í dag við Mahmoud
Abbas, forseta Palestínumanna, og á
morgun við Benjamin Netanyahu,
forsætisráðherra Ísraels.
Roberts Gates, varnarmálaráð-
herra Bandaríkjanna, fer einnig til
Ísraels í dag til að ræða við Barak og
Netanyahu. James Jones, þjóðarör-
yggisráðgjafi Obama, fer til Ísraels
á morgun.
Mitchell sagði að Obama væri
staðráðinn í að knýja fram samninga
um varanlegan frið milli Ísraela og
allra arabískra grannþjóða þeirra.
Friðmælst við Assad
Stjórn Obama leggur kapp á að bæta samskiptin við Sýrlendinga og knýja fram
samninga um varanlegan frið milli Ísraela og allra arabískra grannþjóða þeirra
Utanríkismálanefnd breska þings-
ins birti í gær skýrslu þar sem hún
hvetur bresku stjórnina til að hefja
viðræður við hófsöm öfl í palest-
ínsku samtökunum Hamas sem
eru við völd á Gaza-svæðinu.
Nefndin segir að sú stefna að snið-
ganga Hamas-samtökin hafi lítinn
árangur borið.
Stjórnin hefur neitað að ræða
við leiðtoga Hamas nema þeir
verði við meginkröfum Kvartetts-
ins svonefnda – Bandaríkjanna,
Evrópusambandsins, Rússlands og
Sameinuðu þjóðanna – um að
hafna ofbeldi og viðurkenna til-
vistarrétt Ísraelsríkis.
Nefndin telur að erfitt verði að
ná því markmiði Kvartettsins að
stuðla að raunhæfum friðarvið-
ræðum nema með samstarfi við
hófsöm öfl í Hamas.
Rætt verði við hófsöm öfl í Hamas
42 ÁRA kona frá Sómalíu og fimm
dætur hennar á aldrinum eins til
sextán ára fórust í eldsvoða í Stokk-
hólmi um helgina í mannskæðasta
bruna í Svíþjóð í rúm tíu ár. Sjötta
dóttir konunnar er á sjúkahúsi
vegna alvarlegra brunasára.
Eldurinn blossaði upp á jarðhæð
fjölbýlishúss í hverfi þar sem inn-
flytjendur eru í meirihluta. Lög-
reglan sagði að mæðgurnar hefðu
ekki komist út úr byggingunni
vegna mikils reyks og fundist í
stigagangi hússins.
Ekki var vitað um eldsupptökin
en lögreglan kvaðst ekki telja að
kveikt hefði verið í húsinu. Ým-
islegt benti til þess að eldvörnum
hefði verið ábótavant.
Kona og fimm
dætur fórust
VIÐAMIKIL
rannsókn á út-
breiðslu hafíss
milli Græn-
lands og Sval-
barða frá þrett-
ándu öld bendir
til þess að haf-
ísinn hafi aldrei
verið minni en
nú. Greint er
frá þessu á vef
Niels Bohr-stofnunarinnar.
Niðurstöðurnar byggjast m.a. á
rannsóknum á ískjörnum, árhringj-
um trjáa og skriflegum heimildum,
m.a. íslenskum annálum þar sem
skýrt er frá hafís við strendur Ís-
lands. Ennfremur er stuðst við dag-
bækur skipa sem vísindamennirnir
segja að séu mjög nákvæmar heim-
ildir og veiti upplýsingur um út-
breiðslu hafíss frá 16. öld.
Þótt hlýskeið hafi verið á norð-
urslóðum á 12. öld komast vís-
indamennirnir að þeirri niðurstöðu
að hafísinn hafi aldrei verið minni en
nú á 21. öldinni.
Minnsti hafís
í a.m.k. 800 ár
NICOLAS Sarkozy, forseti Frakk-
lands, fékk aðsvif þegar hann var
að skokka í París í gær og var flutt-
ur með þyrlu á hersjúkrahús.
Læknar sögðu að forsetanum liði
vel en hann þyrfti að vera á sjúkra-
húsinu yfir nóttina.
Fréttastofan AFP hafði eftir að-
stoðarmanni Sarkozy að veikindi
forsetans væru minniháttar og
tengdust svonefndri flakktaug sem
hjálpar líkamanum að stjórna
hjartslættinum. Ástandið nefnist
æðavíkkunaraðsvif og getur hægt á
hjartslættinum og minnkað blóð-
þrýstinginn.
Sarkozy á
sjúkrahús
Reuters
Hlauparinn Sarkozy að skokka.