Morgunblaðið - 30.07.2009, Blaðsíða 28
28 Minningar
MORGUNBLAÐIÐ FIMMTUDAGUR 30. JÚLÍ 2009
✝ Hartmann Pét-ursson fæddist á
Selfossi 4. september
1981. Hann lést 21.
júlí síðastliðinn.
Foreldrar hans eru
Pétur H. Hartmanns-
son, f. 17.4. 1957, og
Jórunn E. Ingimund-
ardóttir, f. 1.1. 1958.
Systkini Hartmanns
eru Ingimundur Pét-
ursson, f. 6.8. 1976, og
Steinunn Jóna Péturs-
dóttir, f. 4.1. 1984, og
hún á soninn Pétur
Hartmann Jóhannsson, f. 25.9.
2007.
Hartmann á einn son, sólargeisl-
ann Anton Óla Hart-
mannsson, f. 13.9.
2000, en móðir hans
er Þóra Ólafsdóttir, f.
30.5 1983.
Hartmann ólst upp
á Selfossi og bjó þar
alla tíð og gekk þar í
skóla. Hartmann
stundaði ýmis störf en
sjómennskan var hans
aðalstarf síðustu ár
og síðast á Gnúp GK
og líkaði honum sjó-
mennskan mjög vel.
Hartmann verður
jarðsunginn frá Selfosskirkju í dag,
fimmtudaginn 30. júlí, og hefst at-
höfnin kl. 13.30.
Elsku Harti okkar, takk fyrir að fá
að eiga þig, þótt við hefðum viljað
hafa þig miklu, miklu lengur, en við
trúum því að þér hafi verið ætlað eitt-
hvert hlutverk á æðri stað.
Þú varst svo frábær, fallegur,
skemmtilegur og góður. Og það er
óbærilega sárt að fyrir mánuði lentir
þú í þessu hræðilega slysi úti á sjó
um borð í Gnúp GK. Og öllum bar
saman um að það hefði verið krafta-
verk að þú hafir lifað slysið af og þú
tókst þessu öllu með miklu æðruleysi
og varst sannfærður um að þú mund-
ir ná fullum bata en samt leiddi þetta
slys þig til dauða aðeins mánuði
seinna.
Við vitum að þú hefur fengið góðar
móttökur fra Steinunni ömmu þinni
sem fór aðeins tveimur dögum á und-
an þér og hún var sko betri en enginn
og alltaf var mjög kært á milli ykkar.
Þar sem englarnir syngja sefur þú,
sefur í djúpinu væra.
Við hin sem lifum, lifum í trú
að ljósið bjarta, skæra
veki þig með sól að morgni,
veki þig með sól að morgni.
Drottinn minn, faðir, lífsins ljós,
lát náð þína skína svo blíða.
Minn styrkur þú ert, mín lífsins rós,
tak burt minn myrka kvíða.
Þú vekur hann með sól að morgni.
Þú vekur hann með sól að morgni.
Drottinn minn, réttu sorgmæddri sál
svala líknarhönd
og slökk þú hjartans harmabál,
slít sundur dauðans bönd.
Svo vaknar hann með sól að morgni.
Svo vaknar hann með sól að morgni.
Farðu í friði, vinur minn kær,
faðirinn mun þig geyma.
Um aldur og ævi þú verður mér nær,
aldrei ég skal þér gleyma.
Svefnsins draumar koma fljótt.
Svo vöknum við með sól að morgni,
svo vöknum við með sól að morgni.
(Bubbi Morthens.)
Elsku Harti okkar, þú skildir eftir
yndislegan son, hann Anton Óla, sem
er frábær og duglegur strákur, við
munum alltaf gæta hans fyrir þig.
Farðu í Guðs friði, elsku Harti okkar,
og takk fyrir allt og allt.
Mamma og pabbi.
Ég man svo vel daginn sem þú
fæddist, að ég væri búinn að eignast
lítinn bróður, hvað ég var glaður 5
ára gutti þá. Það er mjög sárt að
skrifa um þig núna, Harti minn, ekki
orðinn 28 ára. Amma okkar fór
tveimur dögum á undan þér og tekur
vel á móti þér þegar þangað er kom-
ið. Þetta er búin að vera erfiðasta
vikan í lífi okkar allra, elsku dreng-
urinn minn, mér þykir þetta svo
ósanngjarnt og mér þykir svo vænt
um þig.
Það eru margar sögurnar um þig
sem verða alla tíð hjá okkur sem við
getum hlegið að. Þú elskaðir jólin og
ég kem aldrei til með að sjá neinn
eins á miklum hlaupum þegar átti að
opna pakkana þú áttir erfitt með að
bíða eftir að þú fengir næsta pakka.
Rosalegur kraftur í þér alla tíð og
mikill keppnismaður. Þú gerðir allt
upp í 10 alveg sama hvað það var.
Duglegur er orð sem lýsir þér vel,
man ekki alveg hvað þú varst gamall
þegar þú byrjaðir að vinna á Ás-
mundarstöðum hjá Trausta, góðum
vini þínum og okkar allra, og þar hef-
ur ýmislegt verið gert ef ég þekki
ykkur rétt. Dellukall í þér alla tíð,
ýmislegt reynt, spilaðir golf um tíma
og annað kom ekki til greina nema
eiga allar græjurnar og þær flott-
ustu. Þú varst góður í íþróttum, í
frjálsum hefðir þú geta náð langt,
svo dæmi sé tekið, einnig í júdó, fót-
bolta og glímu, góður í öllu.
13. september 2000 eignaðist þú
og Þóra strák sem heitir Anton Óli
og er frábær strákur og er með sama
keppnisskapið og pabbi sinn; hann á
eftir að ná langt, ekki spurning.
Alltaf var gott á milli okkar þó að
stundum rifumst við bara eins og
bræður gera, skárra væri það nú
enda skap í okkur báðum.
Fyrir nokkrum árum byrjaðir þú
að vinna úti á sjó og þar undir þú þér
vel og hafa allir sem verið hafa með
þér á sjó ekkert nema gott um þig að
segja. Er búin að lesa allar kveðj-
urnar á facebook, takk fyrir, gott
fólk. Næmur á fólk og það komust
ekki allir inn hjá þér.
Mig langar að þakka öllu fólkinu í
Lágenginu fyrir það þegar þau létu
öll kertin út á götu á mánudags-
kvöldið, alveg frábært, takk fyrir
okkur. Þú áttir marga góða vini en
ég held að Valdi hafi alltaf verið
númer 1 hjá þér enda búnir að vera
vinir lengi.
Og að lokum vil ég þakka þér fyrir
allt, elsku Harti minn, við hittumst
síðar.
Ingimundur Pétursson.
Elsku Harti.
Við kynntumst fyrst fyrir 9 árum
þegar þú og Þóra dóttir mín eign-
uðust hann Anton Óla. Á þessum ár-
um hafið þið Anton átt fallegt feðga-
samband, farið í veiðitúra, á fótbolta-
mót og haft það kósý heima, eins og
Anton Óli segir, þegar þú varst ekki
á sjónum. Þegar Anton er spurður
hvað hann ætlar að verða þegar hann
er orðinn stór þá er hann ákveðinn í
að verða sjómaður eins og pabbi sinn.
Ég á bágt með að trúa því að þú
sért skyndilega farinn. Fyrir aðeins
nokkrum dögum stóðst þú í forstof-
unni hjá mér, hress og lífsglaður og
tilbúinn til að takast á við afleiðingar
þessa skelfilega vinnuslyss sem þú
lentir í aðeins 3 vikum fyrr.
Þú kvaddir Anton Óla svo fallega,
kysstir hann á kollinn og sagðist
elska hann. Það, ásamt mörgum öðr-
um minningum, er góð minning hans
um pabba sinn.
Elsku Jórunn, Pétur, Ingi og
Steinunn, missir ykkar er mikill.
Fyrst lést móðir þín, Jórunn mín, og
aðeins 3 dögum síðar hann Hart-
mann. Megi guð gefa ykkur styrk á
þessum erfiðu tímum.
Hjördís og fjölskylda.
Elsku Harti minn, það er svo sárt
að þú skyldir þurfa að kveðja okkur
svona fljótt, þú áttir svo mikið eftir.
En nú lifir maður á fallegu og góðu
minningunum um hraustan, fallegan
og yndislegan dreng. Þú varst alltaf
fyrirmyndin mín og var ég svo mont-
in að eiga þig sem bróður og þú varst
besti vinur minn líka. Það var hægt
að tala um allt við þig og leitaði ég
mikið til þín og þú passaðir alltaf upp
á Steinu systur. Svo varstu líka frá-
bær pabbi, hann Anton Óli sonur
þinn líkist þér mikið, hraustur, dug-
legur og sami keppnismaðurinn og
þú, og við munum alltaf passa hann
fyrir þig.
Þú varst með stórt hjarta og varst
traustur vinur og allt sem þú tókst
þér fyrir hendur gerðirðu vel. Ég
trúi því að þú sért á góðum stað hjá
englunum. Ég er þakklát fyrir allan
þann tíma sem við áttum saman að
hafa fengið að eiga þig sem bróður og
mun sakna þín óendanlega mikið.
Guð geymi þig og hvíldu í friði, elsku
engillinn minn.
Steinunn systir.
H-in þrjú, Hartmann, Haraldur og
Hannes. Einn sá traustasti og sterk-
asti vinahópur sem um er getið í sögu
Selfossbæjar. Allir voru þeir fæddir
seint á árinu 1981 og byrjaði vinátta
þeirra snemma á lífsgöngunni og eru
komin um 20 ár síðan gangan hófst
hjá þeim þremur. Á þessari löngu
göngu þeirra skvettist aldrei það
mikið upp á vinskapinn að þeir gætu
ekki fyrirgefið hver öðrum sem fyrst.
Það er vinátta af sterkustu gerð, að
fyrirgefa, og það höfðu þeir, sanna
vináttu.
Þeir áttu það til að vera uppá-
tækjasamir og kannski stundum
svoldið meira en normalt er talið og
sköpuðu þeir sér það orðspor mjög
snemma og áttu aðrir ungir menn
það til að stökkva inn í næstu runna
er þeir nálguðust þá á göngustígum
bæjarins. Ganga þeirra var ekki allt-
af auðgengin, heldur var hún frekar
brösótt og erfið stóran hluta hennar,
og villtust þeir því af leið allir þrír um
stund en náðu því miður ekki allir á
rétta braut á ný nema tveir af þeim.
Svo að morgni 21. júlí síðastliðins
kom að því að einn af hópnum kvaddi
þetta líf. „Hann Harti er dáinn“ voru
fréttirnar sem þeir fengu og veröld
þeirra hrundi. H-in eru ekki lengur
þrjú, var hugsunin. Harti var Hann-
esi og Halla meira en bara vinur.
Taugin sem tengdi þá var órjúfanleg
og í augum þeirra félaganna var
Harti heljarmenni sem náði langt á
öllum þeim sviðum sem hann lagði
fyrir þig. Það er víst satt sem sagt er
að skærasta ljósið fari fyrst og það
var Harti í H-unum þremur.
En komin eru leiðarlok
og lífsins kerti brunnið
og þín er liðin æviönn,
á enda skeiðið runnið.
Í hugann kemur minning mörg,
og myndir horfinna daga,
frá liðnum stundum læðist fram
mörg ljúf og falleg saga.
(Höf.ók.)
Við munum sakna þín fram að
þeim degi er H-in þrjú sameinast að
nýju. Guð geymi þig, elsku besti vin-
ur okkar, og styrki þá sem eftir
standa á þessum erfiða tíma.
Þínir bestu vinir,
Hannes og Haraldur.
Ofsalega á ég erfitt með að sætta
mig við þessi snögglegu endalok hjá
þér, elsku vinur. Við trúum þessu
varla enn; af hverju þarf svona mikill
öðlingur að kveðja svona fljótt? Það
var svo mikið sem við áttum eftir að
gera saman. Við Tristan höldum
áfram fjórhjólaferðum með Antoni.
Við skulum hugsa vel um strákinn
þinn.
Elsku Anton, Jórunn, Pétur, Ingi,
Steina og fjölskylda, innilegustu
samúðarkveðjur frá mér og minni
fjölskyldu.
Við gleymum þér aldrei, elsku
Harti okkar.
Þinn vinur,
Valdimar Ragnar Gunnarsson.
Elsku Harti. Við munum ávallt
minnast þín fyrir kraftinn sem þú
sýndir, glaðleikann sem skein af þér,
hjartahlýjuna sem þú bjóst yfir,
trúnaðinn sem einkenndi þig, mann-
eskjuna sem þú hafðir að geyma og
svo miklu, miklu meira.
Elsku besti Harti minn. Allt virðist
svo óraunverulegt. Ég trúi því varla
að þú sért farinn frá okkur. En núna
ertu kominn á góðan og fallegan stað
þar sem þér á eftir að líða vel. Þú
varst alltaf svo hress og alltaf bros-
andi og ég minnist þín með brosi á
vör og á aldrei eftir gleyma þeim fal-
legu stundum sem við áttum saman.
Alveg frá því við hittumst fyrst
höfum við verið svo miklir og góðir
vinir. Ég gleymi aldrei tímanum þeg-
ar þú bjóst fyrir utan Á, við vorum
þar öllum stundum og alltaf voru ein-
hverjir góðir vinir með okkur. Eða
þegar við sátum tímunum saman á
flugvellinum í Kaupmannahöfn að
bíða eftir flugi sem var frestað stöð-
ugt, en það var ekki leiðinlegt því það
var aldrei leiðinlegt með þér. Ég, þú
og Steina systir þín vorum svo góð
saman. Þú og drottningarnar þínar
eins og þú varst vanur að segja.
Þú varst mér alltaf svo góður og
varst svo sannarlega vinur vina
þinna. Ég er svo ánægð að hafa átt
þig sem vin, en nú kveð ég þig og um
leið sakna ég þín svo sárt, elsku
Harti minn. Þú munt alltaf eiga sér-
stakan stað í hjarta mínu, elsku vinur
minn.
Elsku Anton Óli, Jórunn, Pétur,
Ingi, Steinunn og Pétur Hartmann,
ég votta ykkur mína dýpstu samúð,
megi Guð og englarnir styrkja ykkur
í sorg ykkar.
Hvíldu í friði, elsku Harti.
Þín vinkona, alltaf,
Agnes Ýr.
Þar sem englarnir syngja sefur þú,
sefur í djúpinu væra.
Við hin, sem lifum, lifum í trú
að ljósið bjarta, skæra
veki þig með sól að morgni,
veki þig með sól að morgni.
Faðir minn, láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni,
vekja hann með sól að morgni.
Drottinn minn, réttu sorgmæddri sál
svala líknarhönd
og slökk þú hjartans harmabál,
slít sundur dauðans bönd.
Svo vaknar hann með sól að morgni.
Svo vaknar hann með sól að morgni.
Farðu í friði, vinur minn kær,
faðirinn mun þig geyma.
Um aldur og ævi þú verður mér nær,
aldrei ég skal þér gleyma.
Svefnsins draumar koma fljótt.
Svo vöknum við með sól að morgni,
svo vöknum við með sól að morgni.
(Bubbi Morthens.)
Megi Guð blessa og styrkja Anton
litla, foreldra og systkini ásamt öðr-
um ættingjum á þessum erfiða tíma
og miklu sorgar. Guð blessi minn-
ingu góðs drengs.
Soffía, Guðrún og Hildur
Lúðvíksdætur.
Svo sárt er að hugsa til þess að þú
sért farinn frá okkur, elsku Harti. Þú
varst yndislegur á allan hátt, ljúfur
og góður við alla, vildir alltaf að öll
dýrin í skóginum væru vinir, varst
vanur að segja það við okkur.
Fyrstu kynni okkar af þér voru
fyrir tíu árum í Galtalæk um versl-
unarmannahelgina, þú varst svo
fyndinn og skemmtilegur með blátt
hár og okkur fannst svo gaman að
elta þig og hlusta á sögurnar sem þú
sagðir okkur. Mikil vinátta myndað-
ist eftir þessa helgi og fengum við að
kynnast vinum þínum og fjölskyldu.
Það var svo margt sem þér datt snið-
ugt í hug, þegar þú áttir Lödu sport-
bílinn þinn og bauðst okkur á rúntinn
með þér og bíllinn hoppaði alla leið-
ina og við hlógum svo mikið að við
þurftum stoppa og draga andann, allt
svona var svo mikið þú, alltaf hlátur
þar sem þú varst.
Svo margar minningar eigum við
þegar við öll vinirnir hittumst í
Lambhaganum og áttum góðar
stundir sem gleymast aldrei. Bros
þitt eitt gat glatt okkur öll og erum
við þakklát fyrir að hafa fengið að
kynnast þér, elsku vinur.
Elsku Anton Óli, Jórunn og Pétur,
Steinunn og Ingi, ættingjar og vinir,
missir ykkar er mikill og megi Guð
vera með ykkur í sorginni og vottum
við okkar dýpstu samúð.
Þínar vinkonur,
Hildigunnur og Bryndís.
Þín alltaf mun ég minnast
fyrir allt það góða sem þú gerðir,
fyrir allt það sem þú skildir eftir,
fyrir gleðina sem þú gafst mér,
fyrir stundirnar sem við áttum,
fyrir viskuna sem þú kenndir,
fyrir sögurnar sem þú sagðir,
fyrir hláturinn sem þú deildir,
fyrir strengina sem þú snertir,
ég ætíð mun minnast þín.
(F.D.V.)
Votta mína dýpstu samúð þeim
sem eftir standa og megi Guð vera
með ykkur á þessum erfiða tíma.
Jónas Árni Lúðvíksson.
Guðs sonur.
Nú ert þú heima og ekki ég. Ég
veit þú biður mig að gráta ei. Hart-
mann minn eilífðarvin.
Hartmann Pétursson
Elsku besti pabbi minn.
Þú varst sterkastur og
flottastur og verður það allt-
af.
Við ætluðum að gera svo
margt saman þegar þér
batnaði, kaupa veiðistöng,
fara í veiðitúr, fara í fótbolta
og kúra saman.
Ég elska þig og sakna þín,
pabbi minn.
Þinn,
Anton Óli.
HINSTA KVEÐJA
✝
Elskulegur eiginmaður minn, faðir okkar, tengda-
faðir, afi og langafi,
ERLENDUR SIGURÐSSON,
Skólatröð 3,
Kópavogi,
andaðist laugardaginn 25. júlí.
Útförin fer fram frá Kópavogskirkju þriðjudaginn
4. ágúst kl. 15.00.
Svanborg Lýðsdóttir,
Jónína Þórunn Erlendsdóttir, Birkir Þór Bragason,
Lýður Skúli Erlendsson, Sigríður Lára Gunnarsdóttir,
Erlendur Örn Erlendsson, Lilja Björk Kristinsdóttir,
Hrafnkell Erlendsson, Sigurlaug Viktoría Pettypiece,
Aðalheiður Erlendsdóttir, Pétur Ólafsson,
Kristinn Erlendsson, Ásta Guðmundsdóttir,
Sigrún Erlendsdóttir, Sigurgestur Ingvarsson,
Guðrún Lísa Erlendsdóttir, Bragi Baldursson,
Þóra Þórhildur Guðjónsdóttir,
Elísabet Erlendsdóttir, Björn Á. Björnsson
og fjölskyldur.
ÍSLENSKAR
LÍKKISTUR
Góð þjónusta - Gott verð
Starmýri 2, 108 Reykjavík
sími 553 3032
Gsm 866-2747 og 822-6373