Morgunblaðið - 30.07.2009, Blaðsíða 29
Minningar 29
MORGUNBLAÐIÐ FIMMTUDAGUR 30. JÚLÍ 2009
✝ Hekla Gestsdóttirfæddist á Ak-
ureyri 2. maí 1947.
Hún lést á Sjúkrahúsi
Akraness sunnudag-
inn 26. júlí síðastlið-
inn.
Foreldrar Heklu
voru Gestur Hall-
dórsson, f. 3.10. 1910,
d. 14.1. 1973, og
Hansína Jónsdóttir, f.
16.12. 1919, d. 9.9.
1998. Alsystkini
Heklu eru Guð-
mundur Ingvi, f. 8.2.
1941, Klara, f. 27.11. 1943, d. 4.2.
1993, Halldór, f. 6.1.1945, d. 7.7.
2003 og Sigurður Svanur, f. 19.2.
1952. Sammæðra Sigfús Aðal-
steinsson, f. 21.10. 1960. Hekla var
sett í fóstur sex mánaða gömul til
Sigurlaugar Kristinsdóttur, f. 20.7.
1921, d. 3.1. 1996, og Ásgríms Stef-
ánssonar, f. 4.10. 1923. Uppeldis-
bróðir Heklu er Kristinn, f. 6.10.
1949.
Fyrri maður Heklu var Skúli Ís-
leifsson, f. 10.8. 1942, d. 9.2. 1999.
Þau skildu. Börn þeirra eru: a) Sig-
urlaug Jensey Skúladóttir, f. 24.1.
1965, gift Guðmundi Ágústi Sig-
urdórssyni og börn þeirra eru: Sig-
urdór Steinar, f. 15.2.
1984, og Guðrún Sig-
ríður, f. 21.10. 1988.
b) Skúli Kristinn
Skúlason, f. 22.6.
1968, giftur Dag-
björtu Hannesdóttur
og synir þeirra eru:
Hannes, f. 29.3. 1992,
Dagur, f. 17.8. 1995,
og Hörður, f. 16.7.
2000. c) Sigurbjörg
Helga Skúladóttir, f.
29.9. 1969, gift Kjart-
ani Ágústi Aðalsteins-
syni, og börn þeirra
eru: Örn Viljar, f. 9.6. 1991, Erla
Katrín, f. 22.9. 1994, og Hekla Rán,
f. 12.7. 1999.
Þann 24. janúar 1970 giftist
Hekla eftirlifandi eiginmanni sín-
um Herði Júlíussyni, f. 18.6. 1936.
Hann er sonur hjónana Júlíusar
Sólbjartssonar og Guðrúnar Sig-
urgeirsdóttur. Þeirra synir eru: d)
Ásgrímur Harðarson, f. 26.2. 1973,
og e) Trausti Harðarson, f. 27.11.
1976, í sambúð með Elvu Hrund
Þórisdóttur og dóttir þeirra er: Al-
dís Tinna, f. 22.8. 2007.
Útför Heklu fer fram frá Akra-
neskirkju í dag, fimmtudaginn 30.
júlí, og hefst athöfnin kl. 15.
Við eigum minningar um brosið bjarta,
lífsgleði og marga góða stund,
um konu sem átti gott og göfugt
hjarta,
sem gengið hefur nú á Guð síns fund.
(E.V.)
Elsku mamma.
Það er svo margs að minnast
þegar við setjumst niður og hugs-
um til þín. Þú fórst ung að sýna
hvað þú varst listræn í höndunum
og eru ófáir hlutir til eftir þig.
Skemmtilegasti tíminn í lífi þínu og
okkar var þegar von var á fjölgun í
fjölskyldunni, þá fórst þú á fullt að
prjóna og sauma og færðir okkur
stóra pakka af fatnaði á nýja ein-
staklinginn. Þegar barn var svo
fætt prjónaðir þú réttan lit og
stærð til að barnið gæti komið heim
í fötum sem passaði því og gátum
við þá montað okkur við heimferð
hvað við ættum myndarlega
mömmu.
Það verður skrýtið, mamma, að
halda næstu jól án þín, enginn jóla-
pakki fullur af óvæntum hlutum og
handavinnu eftir þig. Frá því að þú
veiktist snemma á þessu ári höfum
við nýtt tímann vel með þér og síð-
ustu tvo sólarhringana sem þú lifðir
vorum við hjá þér og fundum við
svo vel fyrir því að þú varst að
hlusta á malið í okkur og að það ró-
aði þig.
Elsku mamma, takk fyrir allt
sem þú hefur gert fyrir okkur, eig-
inmenn og börnin okkar.
Guð blessi minningu þína.
Þínar dætur,
Jensey og Helga.
Elsku amma okkar. Með þessum
fáu orðum viljum við þakka þér fyr-
ir allar okkar samverustundir. Það
verður skrýtið að koma til afa og
engin amma þar, en við vitum að
þér líður vel núna hjá Guði. Hjá þér
áttum við okkar annað heimili þar
sem þú beiðst okkar með opna
arma. Við áttum alltaf góðar stund-
ir hjá þér því þú varst alltaf svo
góð.
Amma, þakka þér fyrir alla þá
birtu og hlýju sem þú hefur fært
okkur í gegnum árin, þín er sárt
saknað.
Þín ömmubörn,
Örn Viljar, Erla Katrín
og Hekla Rán.
Elsku amma okkar.
Við systkinin viljum þakka þér
fyrir allar góðu stundirnar sem við
áttum með þér. Það var svo gaman
að koma upp á Akranes til ykkar
afa og alltaf hafðir þú einhverjar
nýjar hannyrðir, sem þú hafðir lok-
ið við, til að sýna okkur. Amma, þú
varst svo dugleg að prjóna og hekla
og eigum við ófáar húfurnar og
vettlingana sem þú hefur gefið okk-
ur. Einnig eigum við dýrmæta gull-
mola eftir þig sem eru allar peys-
urnar og gallarnir sem þú prjónaðir
fyrir ófæddu börnin okkar. Þegar
þau koma í heiminn getum við verið
stolt af því að klæða þau í vel prjón-
uð föt eftir Heklu ömmu.
Takk fyrir allar skemmtilegu
stundirnar, þú varst alltaf svo góð
amma.
Amma, takk fyrir alla þá birtu og
hlýju sem þú hefur fært okkur
gegnum árin, þín er sárt saknað.
Nú kveðjum við þig í hinsta sinn
með kvöldbæn okkar.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson.)
Þín ömmubörn,
Sigurdór og Guðrún.
Hekla GestsdóttirÉg bið þig að standa mér við hliðþví að þetta ræð ég tæpast við. Nú
fyrst blæðir mér. Hartmann Péturs-
son, ég lofa þig.
Oddur Þorkell Jóakimsson.
Nú kveðja þig vinir með klökkva og þrá
því komin er skilnaðarstundin.
Hve indælt það verður þig aftur að sjá
í alsælu og fögnuði himnum á,
er sofnum vér síðasta blundinn.
(Hugrún.)
Elsku Hartmann minn. Ég trúi
ekki að þú sért farinn frá okkur.
Lifðir af þetta hræðilega slys og
varst svo jákvæður fyrir framtíðinni.
Við töluðum um það fyrir nokkrum
dögum hvað lífið er ótrúlega fljótt að
breytast og þú ætlaðir að nýta þetta
annað tækifæri sem þér var gefið.
Annan séns.
Fréttin var ólýsanlega sár. Þú
Harti af öllum farinn frá okkur. Eng-
inn var sterkari en þú og þú varst al-
veg einstakur persónuleiki, öðruvísi,
ekta og niðri á jörðinni.
Ég gleymi aldrei þegar við vorum
saman, Lödu sport sem þú keyptir,
rauður, vel farinn og þú varst svo
stoltur, sagðir að ég ætti bara að vera
ánægð með svona bíl, taldir upp alla
kosti þessa ljóta bíls og sagðir mér að
vera stolt, enginn ætti svona bíl. Þú
varst virkilega stoltur þar til gólfið
datt úr. Þér var alveg sama um hvað
öðrum fannst og gerðir hlutina „your
way“.
Þú varst hörkuduglegur, ekkert
væl og rugl, en einnig svo hlýr og
góður. Þú stóðst upp fyrir fólki sem
minna mátti sín og passaðir upp á
þína. Þú varst góð sál, Harti minn, og
fallegur drengur á allan hátt. Að hafa
verið ein af vinum þínum eru forrétt-
indi, allir ættu að eiga vin eins og þig.
Alltaf svo fyndinn og brosandi, alltaf
gaman, krafturinn í þér smitaði aðra
í kringum þig og þú varst hrókur alls
fagnaðar. Það geislaði af þér.
Elsku Harti minn, allar minningar
sem ég á af þér í öll þessi ár, og þær
eru taldar í árum, síðan við vorum
krakkar, eru bara góðar. Þú varst
yndislegur og þér þótti vænt um þitt
fólk. Þú varst alveg „unique“, og eins
og þeir segja: „þeir deyja ungir sem
guðirnir elska mest,“ og trúi ég því
að einhvað meira og betra sé ætlað
fyrir þig núna.
Kraftur þinn og hugrekki var engu
líkt og ég veit í hjarta mínu að þér líð-
ur vel og að þú ert á góðum stað.
Ég sendi ykkur, Pétur, Jórunn,
Ingi, Steinunn, Anton Óli og fjöl-
skyldan öll, mínar dýpstu samúðar-
kveðjur. Missir ykkar er mikill og bið
ég Guð um að hugga ykkur og
styrkja í þessari miklu sorg á þessum
erfiðu tímum.
Við andlátsfregn þína,
allt stöðvast í tímans ranni.
Og sorgin mig grípur,
en segja ég vil með sanni,
að ósk mín um bata þinn,
tjáð var í bænunum mínum,
en Guð vildi fá þig,
og hafa með englunum sínum.
Við getum ei breytt því
sem frelsarinn hefur að segja.
Um hver fær að lifa,
og hver á svo næstur að deyja.
Þau örlög sem við höfum hlotið,
það verður að skilja.
Svo auðmjúk og hljóð
við lútum að frelsarans vilja.
Þó sorgin sé sár
og erfitt við hana að una
við verðum að skilja,
og alltaf við verðum að muna,
að Guð hann er góður
og veit hvað er best fyrir sína.
Því treysti ég nú,
að hann geymi vel sálina þína.
Þótt farin þú sért
og horfin sért burt þessum heimi,
ég minningu þína
þá ávallt í hjarta mér geymi.
Ástvini þína ég bið síðan
Guð minn að styðja,
og þerra burt tárin,
ég ætíð skal fyrir þeim biðja.
(Bryndís Halldóra Jónsdóttir.)
Hvíl í friði, minn kæri vinur, þín er
og verður sárt saknað.
Sigurlín (Silla) Gústafsdóttir.
Elsku amma okkar.
Við elskum þig svo
mikið og eigum eftir að sakna þín
ótrúlega. Þú varst alltaf svo
skemmtileg og góð við okkur. Þú
sagðir okkur svo margar skemmti-
legar sögur frá því þú varst lítil og
frá því pabbi var lítill. Það er svo
margt að þakka fyrir. Þú sýndir því
sem við vorum að gera svo mikinn
áhuga. Hjálpaðir okkur við píanó-
námið og hvattir okkur áfram. Við
héldum heilu tónleikana fyrir þig og
þú klappaðir okkur alltaf upp. Þú
varst svo stolt af okkur. Þú kenndir
okkur að sauma út og mála á postu-
lín. Það var svo gaman þegar þú
kallaðir okkur barnabörnin saman
fyrir jólin til að föndra gjafir fyrir
mömmu og pabba.
Þú varst algjör pæja, alltaf með
varalit og í flottum fötum. Þú vara-
litaðir þig oft á dag. Þú nenntir allt-
af að kjafta við okkur og spila við
okkur. Nema kannski þegar frétt-
irnar voru. Þú vildir hlusta á þær og
vita hvað var að gerast á Íslandi og í
öllum heiminum. Litli chihuahua-
hundurinn okkar hún Gyðja og þú
voruð perluvinkonur. Þið voruð al-
gjörar dívur. Þegar þú varst í heim-
sókn vildi Gyðja alltaf vera hjá þér.
Það var svo sætt þegar þú hafðir
hana undir sloppnum þínum. Þú
varst alltaf kát og glöð þegar við
komum í heimsókn og áttir alltaf
nammi í skál.
Það verður skrítið að koma á
Akranes og hitta þig ekki en við
munum aldrei gleyma þér. Við vit-
um að þú ert hjá afa Didda núna og
líður vel. Takk fyrir allt elsku
amma.
Helena Rakel og Sólveig Svala.
Elsku amma.
Ég man þegar ég kom fyrst inn í
fjölskylduna hvað amma tók mér
vel. Ein af mínum fyrstu minningum
um hana er þegar ég sat í kjöltunni
á henni og hún spurði hvort ég vissi
hver Bubbi Morthens væri. Ég
starði á hana tómum augum þar sem
ég var alin upp við Abba og Mariu
Mckee og kannaðist ekki alveg við
kauða. Hún var ekki lengi að átta
sig og lét „Það er gott að elska“ á
fóninn og byrjaði að syngja með.
Eftir að lagið hafði rúllað í gegn
nokkrum sinnum var ég að sjálf-
sögðu búin að læra textann og op-
inberlega orðin ein af fjölskyldunni.
Ég og amma vorum alla tíð mjög
nánar og tengdumst fljótt yfir hinni
síspennandi sápuóperu Guiding
Light. Að sitja uppi í sófa og slappa
af yfir góðu sjónvarpsefni var nokk-
uð sem við amma gátum gert daginn
út og inn. Ég man þegar þættirnir
Dark Angel voru sýndir á mánu-
dagskvöldum að það voru kvöldin
okkar ömmu. Ég tók fram hjólið og
gerði mér góða ferð í hús sem bauð
upp á Stöð tvö OG nýmjólk, stein-
aldarforeldrar mínir voru ekki alveg
á sömu bylgjulengd og við amma.
Amma fylgdist alltaf rosalega vel
með mér. Ef ég skoraði mark í leik,
þá vissi amma það, ef ég fékk 9 á
prófi, þá vissi amma það, og ef ég
féll … þá vissi amma það. Lengi vel
bloggaði ég og amma kíkti þar inn
oft á dag og skammaði mig iðulega
ef ég var löt við að skrifa. Ekki allar
ömmur myndu nenna að lesa þvæl-
una sem kemur stundum upp úr
mér og hvað þá skamma mig ef ég
tók mér pásur. Já engin var jafn
svöl og hún amma Svala. En amma
kúl er einmitt viðurnefni sem hún
fékk þegar nokkrar vinkonur mínar
sáu hana krúsa um götur bæjarins
með gluggann niðri á heitum sum-
Svala Ívarsdóttir
✝ Svala Ívarsdóttirfæddist 10. nóv-
ember 1936 í Reykja-
vík. Hún lést á
Sjúkrahúsi Akraness
sunnudaginn 19. júlí
síðastliðinn.
Útför Svölu fór
fram frá Akra-
neskirkju föstudag-
inn 24. júlí síðastlið-
inn.
Meira: mbl.is/minningar
ardegi með FM 957 á
fóninum og hátt
heyrðist í Eminem
rappa um hvað líf
hans væri nú flókið.
Nú hefur mér verið
sagt í gegnum tíðina
að ég sofi sem steinn
og geti sofið í gegnum
allt í lífinu. Lengi vel
var það satt, eða alveg
þangað til ég gisti
fyrst með ömmu.
Hroturnar í frúnni
voru nokkuð sem ég
íhugaði lengi vel að
nota sem sms-tón fyrir símann
minn, svo spes voru þær. Ég veit
bara að hún hvílist betur núna en
hún gerði þá.
Amma ég mun aldrei gleyma þér
og ég mun varðveita allar minningar
okkar að eilífu. Ég mun heldur aldr-
ei gleyma tetris-leikjatölvunni þinni,
grænu baununum inni í örbylgjuofni
og ástinni og hlýjunni sem þú gafst
frá þér. Ég elska þig alltaf.
Þín
Eva Jóa.
Elsku amma mín.
Það er erfitt að hugsa til þess að
þú sért farin frá mér, en ég hugga
mig við það að nú færðu loksins að
hvíla þig og ert hætt að finna til. Afi
og mamma hafa örugglega tekið vel
á móti þér.
Þegar ég hugsa til baka minnist
ég margra stunda sem við tvær átt-
um saman. Þegar ég höfuðkúpu-
brotnaði 10 ára og pabbi og Svandís
voru í Brasilíu þá vaktir þú yfir mér
á sjúkrahúsinu. Þú tókst ekki annað
í mál. Þú varst mér mikill stuðn-
ingur og það litla sem ég man frá því
slysi er að þú hafir alltaf verið hjá
mér. Takk elsku amma fyrir það.
Þegar við systkinin vorum í pöss-
un hjá þér voru oft aðrar reglur en
heima, þú leyfðir okkur að vaka
lengi og horfa á bannaðar myndir og
þá helst spennumyndir því alltaf
þegar fólk kysstist í sjónvarpinu
varstu fljót að skipta um stöð.
Eftir því sem ég varð eldri leitaði
ég meira til þín eftir ráðum í sam-
bandi við strákamál, saumaskap,
prjónaskap og svo auðvitað önnur
vandamál. Ég gat alltaf treyst á það
að þú værir með réttu svörin og
lausnirnar þegar ég kom til þín í
kaffi og sígó.
Ég man líka eftir skemmtilegu
stundunum sem ég og Svala áttum
með þér þegar við komum til að
hjálpa þér að taka til. Það var aldrei
hægt að byrja þrifin fyrr en platan
Ðe lónlí blú bojs var komin á fóninn
og svo sungum við með allan tím-
ann.
Ég vil þakka þér amma mín fyrir
allar góðu og skemmtilegu stund-
irnar sem við áttum saman og ég vil
segja þér að ég elska þig og sakna
þín mjög mikið.
Þín ömmustelpa,
Thelma Sjöfn.
Elsku amma mín, orð fá því ekki
lýst hvað ég sakna þín mikið, ég
þráði svo heitt að þú myndir faðma
mig á þessum erfiðu tímum og segð-
ir að allt yrði í lagi. Ég gat alltaf
leitað til þín og þú hafðir lag á að
bæta öll mein. Ég á svo margar góð-
ar minningar um þig, elsku amma
mín, sem ég mun geyma í hjarta
mér.
Ég man svo vel eftir jólaföndrinu
okkar barnabarnanna og skemmti-
legu sögunum sem þú sagðir okkur
af þér. Ég sit hér alveg agndofa yfir
hve snögglega þú kvaddir okkur og
það hryggir mig svo að þurfa að
kveðja þig, en ég hugga mig við að
nú ertu komin í fang afa. Amma
mín, ég mun elska þig ávallt og
minningin um þig lifir svo sannan-
lega í hjarta okkar allra.
Þín,
Heiðrún.
Fleiri minningargreinar um Svölu
Ívarsdóttur bíða birtingar og munu
birtast í blaðinu næstu daga.
✝
Hjartans þakkir til allra þeirra sem sýndu okkur
samúð og hlýhug við andlát og útför okkar ástkæra
föður, tengdaföður, bróður, afa og langafa,
BARKAR ÁKASONAR
frá Súðavík,
Sefgörðum 16,
Seltjarnarnesi.
Starfsfólki krabbameinslækningadeildar 11E, Landspítala við Hringbraut
og starfsfólki Karitas heimahjúkrunar er þakkað sérstaklega fyrir alla
hjálpina og þá vinsemd og hlýhug sem við öll upplifðum og var svo
mikilvægur stuðningur bæði fyrir hinn látna og aðstandendur.
Guð blessi ykkur.
Kristín M. Jónsdóttir
og aðrir aðstandendur.