Morgunblaðið - 14.08.2009, Page 6

6 FréttirINNLENT
MORGUNBLAÐIÐ FÖSTUDAGUR 14. ÁGÚST 2009
Lakki skvett á húsin
 Í annað skipti á stuttum tíma sem hús Hreiðars Más Sig-
urðssonar er skemmt  Málin öll í rannsókn hjá lögreglu
Eftir Þóru Kristínu Ásgeirsdóttur og
Halldór Armand Ásgeirsson
RAUÐU lakki var í fyrrinótt skvett á hús Hreið-
ars Más Sigurðssonar, fyrrverandi forstjóra
Kaupþings. Húsið stendur við Hlyngerði. Hús
Karls Wernerssonar, stjórnarformanns Mile-
stone, við Engihlíð hlaut sömu útreið.
Þetta er í annað skipti á stuttum tíma sem hús
Hreiðars verður fyrir slíkum skemmdarverkum
að næturþeli. Skemmdarverk af þessum toga
hafa færst í aukana að undanförnu og banka-
menn, útrásarvíkingar og fólk í ál- og orkugeir-
anum hafa að undanförnu orðið fyrir barðinu á
skemmdarvörgum sem kjósa að sýna hug sinn í
verki með þessum hætti. Lögregla gat lítið gefið
upp um hvort hún væri með sérstakan viðbúnað
gegn skemmdarvörgunum og hvort vitað væri
hverjir væru þarna á ferð. „Þessi mál eru enn öll
á rannsóknarstigi hjá lögreglu og lítið annað
hægt að segja um þau að svo stöddu,“ sagði
Kristján Ólafur Guðnason aðstoðaryfirlögreglu-
þjónn.
Morgunblaðið/Magnús Bergmann
Húsið Skemmdarvargar hafa nú skipt yfir í lakk við iðju sína.
„ÞAÐ er alrangt að við þingmenn
Borgarahreyfingarinnar viljum
Þráin [Bertelsson] úr hreyfingunni,
eins og gefið hefur verið í skyn á
vefnum í dag (í gær),“ sagði Þór
Saari, þingmaður Borgarahreyfing-
arinnar, í samtali við Morgunblaðið
í gær.
Deilur hafa verið innan þing-
flokks Borgarahreyfingarinnar á
milli Margrétar Tryggvadóttur,
Birgittu Jónsdóttur og Þórs annars
vegar og Þráins Bertelssonar hins
vegar. Deilur hafa magnast innan
þingflokksins frá því Margrét, Þór
og Birgitta greiddu atkvæði gegn
aðild að Evrópusambandinu. Þrá-
inn sagði það gegn yfirlýstri stefnu
hreyfingarinnar og afstaða þing-
mannanna væri
vonbrigði.
Þá hafa þing-
menn einnig deilt
um afstöðu í Ice-
save-málinu. Þór
segir fullan
sáttavilja vera
innan hreyfing-
arinnar og að
hún sé ekki við
það að liðast í sundur eins og hald-
ið hefur verið fram. „Þvert á móti
er vilji til þess að ræða málin. Hins
vegar er brýnt að við þingmenn
séum með hugann við það sem máli
skiptir núna og það er Icesave-
málið,“ sagði Þór Saari.
Þrátt fyrir ítrekaðar tilraunir
náðist ekki í Þráin Bertelsson í
gær. magnush@mbl.is
Segja sáttavilja fyrir hendi
Þór Saari
Deilur í þingflokki

 



 

 
 


 



    
 
 






 

  
   


    
! "     # 

$  %  %

  
 &'"
 (  ( ) (
  &    *
  
 
        "
     
$    + ,  -     ./  0   1"# ,  " "     
     (   
0   ./  2 ./   0  3'  '  0  ,




Eftirfarandi tillögur voru lagðar fyrir fjárlaganefnd Alþingis í
gær og voru til umræðu í nefndinni langt fram eftir kvöldi.
Skjalið eins og það var lagt fyrir nefndina var merkt með upp-
hafsstöfunum ET, sem væntanlega vísa til Eiríks Tómassonar
en hann var formaður lögfræðinganefndar sem fengin var til að
fara yfir þær tillögur sem voru á borði fjárlaganefndar.
Fjárlaganefnd Alþingis hefur samþykkt tillögur um breytingar
á frumvarpi til laga um heimild handa fjármálaráðherra, fyrir
hönd ríkissjóðs, til að ábyrgjast lán Tryggingasjóðs innistæðueig-
enda og fjárfesta frá breska og hollenska ríkinu til að standa
straum af greiðslum til innistæðueigenda hjá Landsbanka Íslands
hf.. Breytingartillögurnar eru svohljóðandi:
1. Við 1. gr. Greinin orðist svo ásamt fyrirsögn:
Ríkisábyrgð á Icesave-lánasamningunum
Fjármálaráðherra, fyrir hönd ríkissjóðs, er heimilt að veita
Tryggingasjóði innistæðueigenda og fjárfesta ríkisábyrgð vegna
lána sjóðsins frá breska og hollenska ríkinu samkvæmt samn-
ingum dags. 5. júní 2009 til að standa straum af lágmarks-
greiðslum, sbr. 10. gr. laga um innistæðutryggingar og trygg-
ingakerfi fyrir fjárfesta, nr. 98/1999, til innistæðueigenda hjá
Landsbanka Íslands hf. í Bretlandi og Hollandi. Ábyrgðin tekur
til höfuðstóls lánanna eins og hvor um sig mun standa að sjö árum
liðnum frá undirritun samninganna, 5. júní 2016, auk vaxta af
lánsfjárhæðinni.
Ríkisábyrgðin afmarkast að öðru leyti af ákvæðum samning-
anna og fyrirvörum þeim sem koma fram í lögum þessum. Fyr-
irvararnir eru óaðskiljanlegur hluti ríkisábyrgðarinnar.
2. Við 2. gr. Greinin orðist svo ásamt fyrirsögn:
Forsendur fyrir veitingu ríkisábyrgðar
Forsendur fyrir veitingu ríkisábyrgðar samkvæmt lögum
þessum eru:
1. Að við framkvæmd lánasamninganna verði þeir túlkaðir í
samræmi við hin umsömdu viðmið, sem samþykkt voru 14. nóv-
ember 2008 á milli Íslands, Evrópusambandsins og hlutaðeigandi
aðildarríkja, þannig að tekið verði tillit til hinna erfiðu og fordæm-
islausu aðstæðna sem Ísland er í og nauðsynjar þess að ákveða
ráðstafanir sem gera Íslandi kleift að endurreisa fjármála- og
efnahagskerfi sitt.
2. Að staða Íslands sem fullvalda ríkis komi í veg fyrir að gerð
sé aðför í eignum þess sem það þarf nauðsynlega á að halda til að
starfrækja hlutverk sitt sem fullvalda ríki með viðunandi hætti.
Sama á við um eignir íslenska ríkisins erlendis, þar á meðal eignir
Seðlabanka Íslands, sem njóta verndar samkvæmt almennum
reglum þjóðaréttar.
3. Að hvergi sé haggað við óskoruðum yfirráðum Íslands yfir
auðlindum landsins og rétti handhafa íslensks ríkisvalds til að
kveða á um auðlindanýtingu og skipan eignarhalds á nátt-
úruauðlindum innan lögsögu landsins.
Bætt verði við nýrri grein, 3. gr., svohljóðandi ásamt fyrirsögn:
Endurskoðun lánasamninganna
Ákvörðun um að óska eftir viðræðum um breytingar á lána-
samningunum samkvæmt endurskoðunarákvæðum þeirra, skal
tekin með samþykki Alþingis. Við þá ákvörðun skal m.a. byggt á
forsendum ríkisábyrgðarinnar og viðmiðum samkvæmt lögum
þessum. Meta skal hvort óska skuli endurskoðunar eigi síðar en 5.
júní 2015 og skal niðurstaða þess mats lögð fyrir Alþingi fyrir lok
þess árs.
Bætt verði við nýrri grein, 4. gr., svohljóðandi ásamt fyrirsögn:
Efnahagsleg viðmið
Ríkisábyrgð samkvæmt lögum þessum er grundvölluð á að
fjárhagsleg byrði vegna hennar verði innan viðráðanlegra marka
þannig að Íslandi sé gert kleift að endurreisa fjármála- og efna-
hagskerfi sitt. Til að fylgjast með og meta forsendur fyrir endur-
skoðun á samningunum skal ríkisstjórnin gera ráðstafanir til þess
að Alþjóðagjaldeyrissjóðurinn geri í síðasta lagi fyrir 5. júní 2015
IV. greinar úttekt á stöðu þjóðarbúsins, einkum með tilliti til
skuldastöðu og skuldaþols. Að auki verði þess óskað að í úttekt-
inni leggi sjóðurinn mat á þær breytingar sem orðið hafa miðað
við mat sjóðsins frá 19. nóvember 2008.
Við mat á forsendum til endurskoðunar á samningunum skal
einnig tekið tillit til stöðu í þjóðarbúskapnum og ríkisfjármálum á
hverjum tíma og mats á horfum í þeim efnum þar sem m.a. verði
sérstaklega litið til gjaldeyrismála, gengisþróunar og við-
skiptajöfnuðar, hagvaxtar og breytinga á landsframleiðslu svo og
þróunar fólksfjölda og atvinnuþátttöku.
Greiðslubyrði ríkissjóðs vegna ríkisábyrgðarinnar tekur mið af
ákvæðum lánasamninganna, þó þannig að hún verði ekki umfram
3,5% af vergri landsframleiðslu hvers árs.
Bætt verði við nýrri grein, 5 gr. svohljóðandi:
Lagaleg viðmið
Ekki hefur fengist leyst úr því álitaefni hvort aðildarríki EES
samningsins beri við kerfishrun á fjármálamarkaði ábyrgð gagn-
vart innistæðueigendum vegna lágmarkstryggingar. Allt að einu
hefur Ísland gengið til samninga við Bretland og Holland. Fáist
síðar úr því skorið, fyrir þar til bærum úrlausnaraðila, í máli um
það eða sambærilegt úrlausnarverkefni að slík skuldbinding hvíli
ekki á Íslandi eða öðrum ríkjum EES-samningsins skal rík-
isábyrgð samkvæmt lögum þessum bundin þeim fyrirvara að
fram fari viðræður milli Íslands og viðsemjenda þess um áhrif
þeirrar niðurstöðu á lánasamninga og skuldbindingar ríkisins.
Ríkisábyrgð samkvæmt lögum þessum miðast við það að við
úthlutun eigna við uppgjör Landsbanka Íslands hf., eða þrotabús
hans, fari eftir íslenskum lögum eins og þau voru 5. júní 2009, þar
með töldum lögum nr. 2/1993 um Evrópska efnahagssvæðið.
Ábyrgðin takmarkast við að Tryggingasjóður innistæðueigenda
og fjárfesta láti á það reyna fyrir þar til bærum úrlausnaraðilum
hvort kröfur hans gangi við úthlutun framar öðrum hluta krafna
vega sömu innistæðu. Verði þessi niðurstaða á þann veg skulu
teknar upp viðræður við aðila lánasamninganna um áhrif þess á
samningana og skuldbindingu Tryggingasjóðs innistæðueigenda
og fjárfesta.
Fari ekki fram viðræður samkvæmt 1. eða 2. mgr. eða leiði þær
ekki til niðurstöðu, getur Alþingi takmarkað ríkisábyrgð sam-
kvæmt lögum þessum í eðlilegu samræmi við það.
Bætt verði við nýrri grein, 6. gr., svohljóðandi ásamt fyrirsögn:
Eftirlit Alþingis (þarf að endurskoða
miðað við aðrar breytingar).
Fjármálaráðuneytið, viðskiptaráðuneytið og Seðlabanki Ís-
lands skulu reglubundið meta þróun heildarskulda, greiðslubyrði
og skuldaþol íslenska ríkisins og þjóðarbúsins, þ.m.t. vegna
ábyrgðar ríkisins skv. lögum þessum.
Fjármálaráðherra skal árlega, í fyrsta sinn fyrir 1. mars 2010,
upplýsa Alþingi um framkvæmd samninganna og mat skv. 1. mgr.
þessarar greinar og b-liðar, 3. mgr. 2. gr. Í skýrslu ráðherra skal
m.a. gera grein fyrir hvort endurheimtur eigna í búi Landsbanka
Íslands hafi að marki orðið aðrar en gert var ráð fyrir við gerð
samninganna (75%), mat lagt á greiðslubyrði sem hlutfall af
vergri landsframleiðslu og hvort aðstæður hafi þróast þannig að
virkja skuli endurskoðunarákvæði samninganna.
Við eftirlit fjárlaganefndar með framkvæmd fjárlaga skal m.a.
meta hvernig skuldbindingar skv. lánasamningunum og lögum
þessum þróast. Nefndin skal hafa náið samstarf við Ríkisend-
urskoðanda sem skal eiga rétt á öllum nauðsynlegum upplýs-
ingum frá fjármálaráðuneyti, Seðlabanka Íslands og Trygg-
ingasjóði.
Fjárlaganefnd hefur heimild til að leita ráðgjafar frá inn-
lendum og erlendum sérfræðingum vegna eftirlits hennar skv.
lögum þessum. Kostnaður vegna þess greiðist úr ríkissjóði.
Bætt verði við nýrri grein, 7. gr., svohljóðandi ásamt fyrirsögn:
Skilmálar ríkisábyrgðar gagnvart
Tryggingasjóði innistæðueigenda og fjárfesta
Fjármálaráðherra setur Tryggingasjóði innistæðueigenda og
fjárfesta frekari skilyrði vegna ábyrgðarinnar í sérstökum samn-
ingi við sjóðinn, einkum varðandi upplýsingagjöf til Alþingis, eft-
irlit með fjárhag sjóðsins og endurheimtum eigna úr búi Lands-
banka Íslands.
Bætt verði við nýrri grein, 8. gr., svohljóðandi ásamt fyrirsögn:
Gildistaka o.fl.
Lög þessi öðlast þegar gildi. Ákvæði laga nr. 121/1997, um rík-
isábyrgðar, að undanskilinni 5. gr. þeirra laga, gilda ekki varðandi
þá ábyrgð sem lög þessi ná til.
Breytingartillögur á
borði fjárlaganefndar
ÞRETTÁN félagar úr CrossFit Ice-
land hlupu í gær 100 km til styrktar
Mæðrastyrksnefnd. Hópurinn var
að hlaupa framhjá bænum Lamb-
haga, skammt frá Akranesi, þegar
hundurinn Depill slóst óvænt í hóp-
inn. „Við héldum að hann vildi bara
leika aðeins við okkur en hann
hætti ekki að elta okkur og hljóp
með okkur 40-50 km,“ segir Evert
Víglundsson, einn hlauparanna.
Ekki tókst að hafa uppi á eig-
endum Depils svo þegar hvutti
lagðist niður, örmagna af þreytu,
um miðbik hlaupsins var hann
færður inn í einn bílanna, sem
fylgdu hlaupurunum. „Við gátum
ekki skilið hann eftir einan svo við
tókum hann upp í einn bílinn og
hann fékk að liggja þar á leiðinni í
bæinn,“ segir Evert. Í ljós kom að
Depill kom frá nágrannabæ Lamb-
haga og keyrðu eigendurnir, sem
voru farnir að verða áhyggjufullir,
í bæinn til að ná í hundinn sprett-
harða. ylfa@mbl.is
Morgunblaðið/Ómar
Hundurinn Depill
fylgdi þeim hálfa leið
Hlupu 100 km til styrktar Mæðrastyrksnefnd