Morgunblaðið - 14.08.2009, Page 11

Fréttir 11INNLENT
MORGUNBLAÐIÐ FÖSTUDAGUR 14. ÁGÚST 2009
Eftir Guðna Einarsson
gudni@mbl.is
NÁTTÚRUFRÆÐISTOFNUN Íslands opnar
nýjan vef um smádýr klukkan níu í dag. Þar
verða í byrjun birtar 80 greinar með myndum
eftir Erling Ólafsson skordýrafræðing. Hann
ætlar síðar að bæta við fleiri pistlum. Auðvelt
verður að komast inn á pödduvefinn af forsíðu
heimasíðu Náttúrufræðistofnunar, www.ni.is.
Á vefnum verður sagt frá íslenskum pöddum
en einnig tegundum sem berast með varningi og
á annan hátt. Sumar þeirra eru mögulegir land-
nemar en aðrar eiga sér enga lífsvon hér.
„Þetta er það helsta sem um tegundirnar er
að segja, útbreiðslu þeirra í heiminum og á Ís-
landi,“ sagði Erling. En er þessi fána að stækka?
„Já, hún er að stækka. Við flytjum svo mikið
inn af þessu.“
Erling hefur unnið að þessu verkefni í hjá-
verkum í vetur. „Ég byrjaði einhvern tímann á
útmánuðum. Þetta var aðallega hugsað mér til
ánægju – í staðinn fyrir að prjóna við sjón-
varpið! Svo hefur þetta bara vaxið,“ sagði Er-
ling.
Greinarnar eru skrifaðar í kringum myndir
sem Erling hefur tekið. Hann segir að þær séu í
raun ítarlegir myndatextar. Greinarnar eru
flokkaðar til að gera þær aðgengilegri. M.a. eru
flokkar um pöddur í náttúrunni, í görðum, í hús-
um, flækinga með vindum og slæðinga með
vörum. Einnig eru nýir landnemar. Þá er hægt
að velja fiðrildi, bjöllur eða aðra flokka.
Iðandi líf á nýjum pödduvef
 Náttúrufræðistofnun Íslands opnar nýjan vef um smádýr í dag  Í byrjun eru um 80 tegundir
kynntar til sögunnar  Erling Ólafsson skordýrafræðingur tók myndir og skrifaði textana
Í HNOTSKURN
»Það sem kallað er pöddurinnifelur m.a. skordýr,
áttfætlur á borð við kóngu-
lær, snigla, ánamaðka, marg-
fætlur, landkrabba og maura
svo nokkuð sé nefnt.
»Hér á landi eru þekktarum 1.200 tegundir smá-
dýra eða padda.
»Náttúrufræðistofnun ber-ast margar fyrirspurnir
og myndir frá almenningi
sem vill fræðast um ýmsar
pöddur.
»Til stofnunarinnar berasteinnig framandi smádýr
af ýmsum tegundum sem
hafa fundist hér á landi.
Ljósmynd/Erling Ólafsson
Fluga Randasveifa er litskrúðugt skordýr.
Ljósmynd/Erling Ólafsson
Snigill Baugabobbi slæðist hingað með vörum.
Eftir Silju Björk Huldudóttur
silja@mbl.is
ATHYGLI vakti sl. miðvikudag þeg-
ar Victor I. Tatarintsev, sendiherra
Rússlands á Íslandi, sagði í viðtali
við Netvarpið að íslensk stjórnvöld
hefðu afþakkað 4 milljarða evra lán
frá rússneskum stjórnvöldum í októ-
ber sl. Viðtalið kallaði á sterk við-
brögð ráðherra síðustu ríkisstjórnar
sem furðuðu sig á ummælum sendi-
herrans þar sem slíkt lán hefði aldr-
ei verið afþakkað.
En hvað er Netvarpið og af hverju
var rússneski sendiherrann í viðtali
þar? Að sögn Björns Brynjúlfs
Björnssonar, eins stofnanda Net-
varpsins, er þetta nýr miðill fyrir
myndefni á netinu sem stofnað var
til í upphafi sumars í atvinnusköpun.
Segir hann hópinn sem stendur að
Netvarpinu vera nemendur í verk-
fræði, lögfræði og bókmenntafræði
við HÍ, en þeir fá allan tækjabúnað
og húsnæði lánað til þess að geta
haldið Netvarpinu úti. „Við höfum
allir mjög mikinn áhuga á fréttum
og höfum fylgst grannt með fréttum
síðan hrunið varð. Okkur fannst
vanta jákvæðari og uppbyggilegri
fréttir,“ segir Björn og tekur fram
að viðtölin á síðunni skiptist í þrjá
flokka: nýsköpun, stjórnmál og við-
skipti. Spurður um fréttastefnu Net-
varpsmanna segir Björn það sýn
þeirra að gefa viðmælendum færi á
að miðla sinni sýn án of mikillar
truflunar. „Hugmyndin með síðunni
er að viðmælandinn sé í eins konar
drottningarviðtali og fái að miðla
sinni sýn óáreittur.“
Spurður hvernig viðtalið við rúss-
neska sendiherrann hafi verið til
komið segir Björn einn starfsmanna
Netvarpsins hafa mikinn áhuga á
Rússlandi og því hafa óskað eftir
viðtali við sendiherrann. „Hann
samþykkti viðtal vegna þess að hann
sá að Tryggvi Þór Herbertsson
hafði verið í viðtali hjá okkur, en
Tryggvi Þór er vinur hans,“ segir
Björn. Tekur hann fram að eftir því
sem viðmælendum Netvarpsins
fjölgar því auðveldara sé að fá fólk í
viðtal.
Drottningarviðtöl á Netvarpinu
Morgunblaðið/Eggert
Fjórir af fimm stofnendum Netvarpsins Björn Brynjúlfur Björnsson, Mar-
inó Páll Valdimarsson, Sindri M. Stephensen og Hrólfur Andri Tómasson.
LÉTT var yfir þessum stúlkum í unglingavinnunni á
Laugarvatni í gær þegar ljósmyndari Morgunblaðsins
átti þar leið um. Svæðið er grasi gróið, enda góður yl-
ur í jörð, og eins gott að blettirnir séu slegnir vel.
Morgunblaðið/RAX
SLÁTTUKONUR Á LAUGARVATNI
Eftir Sigurð Boga Sævarsson
sbs@mbl.is
HJÁ Slökkviliði höfuðborgarsvæð-
isins og sveitarfélögunum er verið
að leggja lokahönd á gerð áætlana
um hvernig tryggja megi órofna
lykilþjónustu sveitarfélaganna
komi til þess að inflúensufaraldur
valdi miklum forföllum meðal
starfsfólks.
„Við viljum tryggja að viðbrögð
og allar áætlanir séu með sambæri-
legum hætti á öllu svæðinu,“ segir
Jón Viðar Matthíasson slökkviliðs-
stjóri.
Lögð er áhersla á að starfsemi
veitna, strætisvagna, skóla, heima-
hjúkrunar, heimaþjónustu og
slökkviliðs verði í gangi. Fram-
kvæmdastjórar sveitarfélaganna á
höfuðborgarsvæðinu fólu slökkvi-
liðsstjóra, sem formanni almanna-
varnanefndar svæðisins, að sam-
hæfa viðbrögð á grundvelli
sérstakra svæðisáætlunar. „Miðað
er við að starfsmenn ólíkra stofn-
ana hvers sveitarfélags geti hlaupið
í skarðið vanti fólk til mikilvægra
starfa vegna for-
falla. Einnig að
starfsmenn eins
sveitarfélags geti
aðstoðað í því
næsta sé þörf á
slíku. Fólk hefur
verið opið fyrir
þessu og vill allt
leggja sig fram,“
segir Jón Viðar.
Hann bætir við
að haft hafi verið náið samstarf við
sóttvarnalækni og fleiri í þessu
verkefni.
Hjá ríkislögreglustjóra hefur, að
sögn Rögnvaldar Ólafssonar, verk-
efnisstjóra í almannavarnardeild,
verið unnið víðtækt undirbúnings-
starf vegna aðsteðjandi hættu. Í
samstarfi við matvöruverslana-
keðjur, olíufélög og fleiri, hafa ver-
ið settar upp áætlanir sem miðast
við að hægt verði, við verstu kring-
umstæður, að halda að minnsta
kosti einni verslun opinni í hverju
borgarhverfi. Þá verði tryggt að
matarsendingar út á land stöðvist
ekki.
Lykilþjónustan
haldist órofin
 Minnst ein búð opin í hverju hverfi
 Geti hlaupið í skarðið vegna forfalla
Jón Viðar
Matthíasson
Frá því Netvarpið fór í loftið í
júlíbyrjun hefur alla virka daga
ratað eitt 5-10 mínútna viðtal
inn á vefinn: netvarpid.is. Alls
hafa birst því birst 25 viðtöl það
sem af er sumri. Meðal viðmæl-
enda Netvarpsins eru Aðal-
heiður Héðinsdóttir, stofnandi
og eigandi Kaffitárs, Katrín Jak-
obsdóttir menntamálaráðherra,
Tryggvi Þór Herbertsson þing-
maður, Gunnar Karl Nielsson,
verkefnisstjóri hjá Hugmynda-
húsi Háskólanna, Ragnheiður
Magnúsdóttir sem fer fyrir ör-
lánasíðunni www.uppspretta.is,
Egill Helgason sjónvarpsmaður
og Vilhjálmur Þorsteinsson,
stjórnarformaður CCP.
Eitt viðtal á dag