Morgunblaðið - 14.08.2009, Blaðsíða 23

MORGUNBLAÐIÐ FÖSTUDAGUR 14. ÁGÚST 2009
– meira fyrir áskrifendur
Glæsilegt sérblað um heilsu
og lífstíl fylgir Morgunblaðinu
föstudaginn 28. ágúst
Heilsa og
lífstíll
Fáðu þér áskrift á
mbl.is/askrift
Í blaðinu Heilsa og lífstíll verður kynnt
fullt af þeim möguleikum sem í boði eru
fyrir þá sem stefna á heilsuátak og
bættan lífstíl haustið 2009.
Pöntunartími auglýsinga er fyrir klukkan 16
mánudaginn 24. ágúst.
Nánari upplýsingar veitir Katrín Theódórsdóttir
í síma 569 1105 netfang: kata@mbl.is
Meðal efnis verður :
• Ný og spennandi námskeið í
heilsuræktarstöðvum
• Flott föt í ræktina
• Andleg vellíðan
• Afslöppun
• Dekur
• Svefn og þreyta
• Matarræði
• Skaðsemi reykinga
• Fljótlegar og hollar uppskriftir
• Líkaminn ræktaður heimafyrir
• Ásamt fullt af fróðleiksmolum og
spennandi efni
ALLT frá því að
Grímur geitskór fór
um landið á landnáms-
öld til að finna hent-
ugan þingstað hafa
Þingvellir skipað heið-
urssess meðal þjóð-
arinnar.
Staðurinn er enn
einn sá kærasti í hug-
um þjóðarinnar. Það
var því mörgum
brugðið þegar Valhöll
brann til kaldra kola á stuttum tíma
í byrjun júlí síðastliðins. Þrátt fyrir
að húsið hafi verið umdeilt, bæði
staðsetning og útlit, var það mörg-
um kær staður. Staður þar sem
hægt var að koma saman, njóta veit-
inga, um leið og Þingvellir voru
heimsóttir.
Nú er allt horfið og búið að jafna
og tyrfa yfir. Spurningin stóra
sprettur því upp. Hvað á að gera? Á
að byggja upp aftur á sama stað?
Hvaða þjónusta á að vera í boði?
Hótel með gistingu eða einungis
veitingar?
Í gegnum árin hefur það legið í
loftinu að Þingvallanefnd sem ein-
ungis er skipuð alþingismönnum
hefur lengi haft þá skoðun að þarna
eigi helst ekkert að vera. Og sú
þjónusta sem þó sé til staðar eigi að
vera fjarri miðsvæði þinghelginnar
og bústað forsætisráðherra. Á tíma-
bili voru jafnvel uppi hugmyndir um
að rífa hótelið og byggja móttöku-
sali eða veislusali á staðnum til op-
inberrar notkunar.
Í fyrirspurn minni á Alþingi, í
kjölfar brunans, til forsætisráðherra
um framtíðaruppbyggingaráform
fengust fá svör. Staðreyndin er sú
að aðeins í stuttri forsætisráð-
herratíð Halldórs Ásgrímssonar var
leitað til heimamanna, fagaðila
ferðaþjónustunnar og
annarra hags-
munaaðila um hug-
myndir að uppbygg-
ingu. Í annan tíma
virðast forsætisráð-
herrar og Þingvalla-
nefndir hvers tíma lít-
inn áhuga hafa haft á
samstarfi við þessa að-
ila.
Þingvallanefnd og
stjórnsýslan
Ég hef lengi haft þá
skoðun að það þurfi að
breyta stjórnsýslu þjóðgarðsins.
Það væri miklu eðlilegra að Þing-
vallanefnd væri skipuð í bland
heimafólki, sveitarstjórn svæðisins,
hagsmunaaðilum ásamt fulltrúum
frá Alþingi. Í heimsókn sem við odd-
vitar og sveitarstjórar uppsveita Ár-
nessýslu fórum til Skotlands fyrir
nokkrum árum heimsóttum við
þjóðgarð Skota, Loch Lomond and
the Trossachs National Park, ein-
mitt í þeim tilgangi að kynnast
stjórnsýslu þjóðgarðsins og því
hvernig er að hafa þjóðgarð innan-
borðs í sveitarfélagi eða sveit-
arfélögum. Starfsemi og stjórn-
skipan þar var verulega frábrugðin
þeirri sem við þekkjum frá Þingvöll-
um. Og gætum við lært þar margt af
Skotum.
Í starfi mínu sem oddviti sam-
ráðsvettvangs sveitarstjórna upp-
sveita á Suðurlandi og einnig sem
formaður skipulags- og bygging-
arnefndar sama svæðis, og þar með
Þingvalla, hef ég kynnst náið hvern-
ig stjórnsýslan og uppbyggingin
hefur verið um langt skeið. Við þá
kynningu hefur mér orðið ljóst að
Þingvellir eigi að vera opnari ís-
lenskum almenningi án þess að
skerða þurfi kröfur um náttúru- eða
menningarverðmætavernd. Einnig
megi önnur starfsemi í og í kringum
þjóðgarðinn vera meiri án þess að
sess Þingvalla á heimsminjaskrá
UNESCO sé ógnað.
Uppbygging samkvæmt
vilja þjóðarinnar
Það væri áhugavert að fá fram
vilja þjóðarinnar um hvaða upp-
byggingu menn vilja sjá. Til þess
þarf opinbera umræðu. Sú skoðun
er algeng að þar sem við séum svo
illa stödd fjárhagslega um þessar
mundir þýði ekkert að huga að end-
uruppbyggingu. Að mínu viti ættum
við einmitt nú að hugsa fram í tím-
ann. Það er akkúrat núna sem við
sem þjóð eigum að horfa fram á við.
Hvað er meira viðeigandi en hefja
hugann upp yfir núverandi efna-
hagsmótlæti, kúganir stórþjóða,
Icesave-samninga og ESB-
aðildarumsóknir. Eru ekki Þingvell-
ir staðurinn til að sameina hugi
þjóðarinnar? „Tengdu í oss að einu
verki“ eins og stórskáldið Einar
Ben. orti í kvæði sínu, Til fánans.
Við þurfum á því að halda að vera
bjartsýn á framtíð þjóðarinnar,
þrátt fyrir allt. Við þurfum á ný, á
að halda eldmóði gömlu aldamóta-
kynslóðarinnar til að blása bar-
áttuvilja og þrótti í brjóst okkar.
Setjum nú hugmyndasmíðina af
stað. Hefjum orðræðu, því orð eru
til alls fyrst. Það kostar ekkert.
Eftir Sigurður Ingi
Jóhannsson » Í kjölfar brunans á
Þingvöllum er farið
yfir framtíðaruppbygg-
ingu staðarins og stjórn-
skipan þjóðgarðsins.
Sigurður Ingi
Jóhannsson
Höfundur er alþingismaður Fram-
sóknarflokksins í Suðurkjördæmi og
fyrrverandi oddviti Hrunamanna-
hrepps og formaður skipulags- og
byggingarnefndar uppsveita Árnes-
sýslu.
Þingvellir
„ÓTTALEGT nudd
er þetta,“ kýs ritari
Staksteina að setja
sem yfirskrift á pistil
sinn í Morgunblaðinu
12. ágúst sl. Í grein,
sem fór fyrir brjóstið
á hinum víðsýna og
umburðarlynda Stak-
steinahöfundi, gagn-
rýndi ég myndbirt-
ingu Morgunblaðsins,
þar sem klæðafá
dragdrottning og borgarstjórinn í
Reykjavík undirrita samstarfs-
samning. Hann segir borgarstjór-
ann nota framboðið bak hennar
sem „skrifborð“. Í lokin spyr hann
hvort þeir sem berji sér á brjóst og
boði umburðarlyndi glími ekki við
mestu fordómana?
Staksteinahöfundur hefur annað-
hvort ekki skilið inntak greinar
minnar eða misskilið það viljandi.
Ég styð réttindabar-
áttu samkynhneigðra
og er sammála málstað
þeirra að ýmsu leyti.
En mér misbýður
framsetning barátt-
unnar og tel mig hafa
fullan rétt á þeirri
skoðun. Framsetningin
stangast nefnilega á
við það sem ég hef tal-
ið eðlilega háttvísi og
mannasiði.
Getur verið að svo
sé komið fyrir okkur
að við þorum ekki að
láta í okkur heyra ef okkur er mis-
boðið, af ótta við að vera dæmd
fordómafull?
Ég endurtek að ég styð margt í
baráttu samkynhneigðra en ég
áskil mér fullan rétt til að gagn-
rýna sumt í framsetningu þeirra
vegna þess að ég vil búa í siðuðu
samfélagi þar sem við komum fram
við hvert annað af háttvísi og virð-
ingu.
Staksteinahöfundur mætti einnig
íhuga hvort það sé virðing fyrir
skoðunum lesenda Morgunblaðsins
að nota yfirskrift Staksteina til að
snúa út úr starfstitli mínum.
Eftir Katrínu Jón-
ínu Óskarsdóttur
Katrín Jónína
Óskarsdóttir
»Mér misbýður fram-
setning baráttunnar
og tel mig hafa fullan
rétt á þeirri skoðun.
Höfundur er nuddari og jógakennari.
Mannasiðir og Morgunblaðið
STRAX í kjölfar bankahrunsins,
og raunar í aðdraganda þess einn-
ig, var ljóst að mikilvægi þess að
halda góðu sambandi við Breta
yrði seint ofmetið. Strax í byrjun
október átti auðvitað þáverandi
forsætisráðherra að biðja um fund
með Gordon Brown til þess að
skýra okkar sjónarmið. Slíkur
fundur hefði getað skipt sköpum
um það sem á eftir fór.
Síðan þá hefur tilefni slíks fund-
ar síst minnkað. Það er orðið veru-
legt undrunarefni að fundur æðstu
ráðamanna Íslands og Breta hefur
aldrei farið fram síðan hrunið skall
á, svo vitað sé. Fundur með hol-
lenska forsætisráðherranum hefði
líka og væri, á einhverjum tíma-
punkti fljótlega, afskaplega viðeig-
andi.
Íslenskir ráðamenn virðist
gripnir fundafælni, nú þegar bein
samskipti við ýmsa erlenda ráða-
menn hafa sjaldan verið mikilvæg-
ari. Hverju sætir?
Í ágætri grein Kristrúnar Heim-
isdóttur í Morgunblaðinu í gær er
rakið hvernig viðhorf þeirra sem
vilja tefja endurreisnaráætlun Ís-
lands innan Alþjóðagjaldeyr-
issjóðsins, sínum hagsmunum í
hag, hafa orðið ítrekað ofan á í
Washington. Enginn íslenskur
ráðamaður hefur hins vegar látið
sjá sig þar.
Hvenær ætlar forsætisráðherra
að bóka fund með Dominique
Strauss-Kahn yfirmanni Alþjóða-
gjaldeyrissjóðsins til þess að skýra
okkar málstað? Eftir ár, tvö eða
kannski sjö?
Af hverju ekki núna?
Guðmundur Steingrímsson
Að bóka fund
Höfundur er þingmaður.
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni