Morgunblaðið - 28.08.2009, Blaðsíða 4

4 FréttirINNLENT
MORGUNBLAÐIÐ FÖSTUDAGUR 28. ÁGÚST 2009
GUÐMUNDUR
Andri Skúlason,
rekstrarfræðing-
ur í Kópavogi og
íbúðalántaki hjá
Frjálsa fjárfest-
ingabankanum,
hefur óskað eftir
að komast í sam-
band við skuldara
bankans í þeim til-
gangi að mynda
með skuldunautum bankans hóp sem
tæki að sér, milliliðalaust, að semja
við kröfuhafa bankans. Hann vill með
öðrum orðum taka bankann yfir, og
tilkynnir þetta á vefsíðu sinni,
gandri.wordpress.com.
Guðmundur segist í samtali við
Morgunblaðið hafa fengið mikil við-
brögð, söfnun félaga gangi framar
vonum. Kveikjan að þessum áformum
var að Guðmundur gekk á fund
Frjálsa fjárfestingabankans á dögun-
um og spurði hvort hann mætti kaupa
lánið sitt út fyrir upphaflega fjárhæð,
sem var tæpar 20 milljónir króna.
Lánið stendur núna í um 50 milljón-
um króna.
„Mér var sagt að ég gæti þetta ekki
þar sem ég væri einstaklingur. Ef ég
væri hins vegar fjárfestir þá væri
möguleiki fyrir mig að kaupa hluta af
lánasafni bankans á verulegum af-
sláttarkjörum,“ segir Guðmundur
Andri, sem síðar talaði við lögfræðing
innan bankans sem tjáði honum að
fólk væri almennt ekki að fara fram á
beinar leiðréttingar á höfuðstól. „Ég
tel því að bankinn hafi í raun staðfest
það sem ég vissi áður að afskriftir eða
leiðréttingar væru vel mögulegar.
Það er bara ekki sama hver nýtur
þeirra,“ segir hann. Frjálsi fjárfest-
ingabankinn var í eigu SPRON en var
fyrr í sumar settur undir slitastjórn,
sem lýst hefur eftir kröfum á hendur
bankanum. bjb@mbl.is
Vilja taka yfir Frjálsa
fjárfestingabankann
Safnar hópi skuldunauta til að ræða við kröfuhafa bankans
Guðmundur Andri
Skúlason
Í HNOTSKURN
»Guðmundur Andri telur aðsamningum við kröfuhafa
sé best komið hjá raunveru-
legum eigendum Frjálsa fjár-
festingabankans.
»Guðmundur tók 20 millj-óna króna erlent lán fyrir
tveimur árum til að kaupa
íbúð upp á 33 milljónir.
»Lánið stendur nú í 50 millj-ónum eða um 20 milljónum
yfir verðmæti íbúðarinnar.
Baðst af-
sökunar og
málinu lokið
SIGMUNDUR
Ernir Rúnarsson,
þingmaður Sam-
fylkingarinnar,
baðst í gær afsök-
unar á því að hafa
tekið þátt í um-
ræðu á Alþingi að
kvöldi 20. ágúst,
eftir að hafa
drukkið léttvín í
kvöldverði í boði MP banka.
Í upphafi þingfundar tók Sigmund-
ur Ernir til máls og sagðist, vegna
veru sinnar í pontu 20. ágúst, vilja
taka fram að þar hafi sér orðið á mis-
tök, sem beri að biðjast afsökunar á.
„Er það hér með góðfúslega gert,“
sagði Sigmundur Ernir.
Hart var deilt í umræðunum sem
Sigmundur Ernir tók þátt í eftir að
hafa verið í boði MP banka. Þingmenn
í sal kölluðust meðal annars ítrekað á
með Sigmundur Ernir var að tala, og
gerðu athugasemdir við orð hans.
Ragnheiður Ríkharðsdóttir, þing-
maður Sjálfstæðisflokksins, hafði ósk-
að eftir því að málið yrði tekið upp hjá
forsætisnefnd Alþingis. Á fundi
nefndarinnar í gær var hins vegar
ekki rætt sérstaklega um málefni Sig-
mundar Ernis heldur hegðun þing-
manna í Alþingishúsinu almennt.
magnush@mbl.is
Sigmundur Ernir
Rúnarsson
Forsætisnefnd
fjallaði um hegðun
Eftir Einar Ben Þorsteinsson
SEGJA MÁ að það sé ljótur and-
arungi sem hefur gert sér dælt
við trippastóðið á Ketilsstöðum á
Völlum undanfarna daga. Hrein-
dýrskálfur sem hefur orðið við-
skila við hjörð sína hefur leitað
huggunar hjá hrossunum. Hross-
in taka þó litla gestinum ekki vel.
Þrátt fyrir ítrekaðar tilraunir
kálfsins við sáttagerðir er hann
jafnharðan hrakinn úr stóðinu
aftur. Hann heldur sig því í pass-
legri fjarlægð og gerir reglu-
legar tilraunir til að verða partur
af hrossaræktinni á Ketilsstöðum.
Skarphéðinn Þórisson, líffræð-
ingur hjá Náttúrustofu Austur-
lands, er sérfræðingur um hrein-
dýr. Hann segir það koma fyrir
annað slagið að hreindýrskálfar
verði viðskila við hjarðir sínar.
Það sé þó ekki algengt að kálfar
reyni fyrir sér meðal hesta. „Ætli
við reynum ekki að fanga kálfinn
á næstu dögum. Ég hef heyrt að
það vanti hreindýr í hús-
dýragarðinn. Þetta er efnilegt
dýr í það. Að öðrum kosti verðum
við að keyra kálfinn á hrein-
dýrasvæði þar sem hann gæti
komist í hóp með öðrum dýrum,“
segir Skarphéðinn.
Dreymir um að verða trippi
 Myndarlegur hreindýrskálfur heldur sig í nálægð við trippastóðið á Ketilsstöðum á Völlum
 Varð viðskila við hjörð sína og hefur leitað huggunar hjá hestunum sem láta sér fátt um finnast
Morgunblaðið/EB
Uppáþrengjandi? Hreindýrskálfurinn sækir í hrossin frá Ketilsstöðum sem láta sér fátt um finnast.
HUNDARÆKTARFÉLAGS Íslands er 40 ára um þess-
ar mundir og af því tilefni var blásið til mikillar veislu í
reiðhöllinni síðdegis í gær. Áhugafólk um hunda fjöl-
mennti en yfirskrift veislunnar var „Hundar til gagns
og gleði“. Með þeim orðum er athygli vakin á þeim já-
kvæðu áhrifum sem hundar geta haft á mannfólkið og
þeim fjölbreyttu hundategundum sem ræktaðar eru
hér á landi.
Fjölbreytt dagskrá var í boði fyrir alla aldurshópa og
gestir hittu fjölmarga hunda af ólíkum tegundum, eins
og t.d. þessa sleðahunda sem þó drógu ekki hefð-
bundna sleða heldur gljáandi rennireið.
Morgunblaðið/Árni Sæberg
SLEÐAHUNDAR FYRIR BÍL
Samkeppniseftirlitið mun fylgjast
náið með hugsanlegum kaupum
Kaupfélags Skagfirðinga á hlut í
Mjólku. Í ljósi þess að Kaupfélag
Skagfirðinga á í nánu samstarfi við
Mjólkursamsöluna hafa ýmsir bent
á að salan gæti stangast á við sam-
keppnislög.
Páll Gunnar Pálsson, forstjóri
Samkeppniseftirlitsins, segir eft-
irlitið hafa fengið tilkynningu um
samruna Kaupfélags Skagfirðina
og Vogabæjar sem er í eigu sömu
aðila og Mjólku. Þar kemur fram að
þeir telji ekki þörf á að tilkynna
samruna Mjólku og Kaupfélags
Skagfirðinga þar sem afurðastöðv-
ar mjólkurafurða séu í skilningi bú-
vörulaga undanþegnar sam-
keppnislögum. „Við erum núna að
skoða hvort þessi túlkun búvöru-
laganna geti staðist. Við munum
fylgjast grannt með þróun málsins
enda er um mikilvægan neyt-
endamarkað að ræða.“
Sala Mjólku til
skoðunar hjá
Samkeppniseftirliti
Mjólk Undanþegin samkeppnislögum?