Morgunblaðið - 08.10.2009, Blaðsíða 36

Skítamórall 2009 Arngrímur Fannar Haraldsson, Jóhann Bachmann, Gunn-
ar Ólason, Karl Þ. Þorvaldsson, Herbert Viðarsson og Gunnar Þór Jónsson.
Eftir Arnar Eggert Thoroddsen
arnart@mbl.is
ÞÓTT stofnmeðlimir selfyssku
poppsveitarinnar Skítamórals séu
rétt skriðnir yfir þrítugt hefur sveit-
in fylgt þeim í tvo áratugi. Rétt fyrir
aldamót var sveitin vinsælasta dæg-
urlagahljómsveit landsins; hafði tek-
ið við kyndlinum af poppkóngunum í
Sálinni hans Jóns míns en átti svo
ein og sjálf eftir að kynda undir
miklu poppfári sem brast á upp úr
árinu 2000 – sama ári og sveitin
hætti, þá á toppnum.
Sum lögin þoldu
ekki breytingar
Skítamóralsmenn söfnuðu þó
vopnum á nýjan leik og hefur sveitin
verið starfrækt með hléum síðan. Í
ár á sveitin tvítugsafmæli og verður
því fagnað í Rúbín í Öskjuhlíðinni í
kvöld með glæstum hætti. Tónleik-
arnir verða þá hljóðritaðir og gefnir
út í næsta mánuði – á geisla- og
mynddiski. Tónleikarnir verða með
órafmagnaðir en margir góðir gestir
munu leggja hljómsveitinni lið. Með-
al annarra mun Sammi Jagúar stýra
blásaratríói, Roland Hartwell stýrir
strengjasveit og Helgi Björnsson
mætir og tekur eitt lag með bandinu.
„Tildrög tónleikana voru þau að
við eigum slatta af lögum sem okkur
fannst aldrei njóta sín almennilega,“
segir Arngrímur Fannar, Addi
Fannar, gítarleikari sveitarinnar.
„Þetta eru lög sem lúra á plötum
en fóru aldrei í spilun. Okkur langaði
til að krukka aðeins í þau en svo fór
þetta að hlaða utan á sig smátt og
smátt eins og gengur.“
Addi segir að þeim félögum hafi
ekki hugnast að halda tónleika í Ís-
lensku óperunni eða á áþekkum stað
til að fagna tímamótunum, heldur
hafi þeir viljað hafa þetta innilegra.
Þeim varð því hugsað til þeirra tíma
þegar Skítamórall, eða Skímó eins
og aðdáendur kalla sveitina, héldu
órafmögnuð kvöld á Astró, þeim
fornfræga stað. Þau kvöld hafi orðið
nokkuð vinsæl og góð stemning hafi
jafnan myndast.
„Þetta átti upphaflega að vera
mjög lágstemmt en svo hlóð þetta
utan á sig og allir þessir aukagestir
bættust við. Þannig að það verður
mikil hersing á sviðinu.“
– En hvernig gekk að máta lögin
við annars konar útsetningar?
„Upp og ofan. Sum lögin hrein-
lega þoldu ekkert jask þegar það var
búið að strípa þau niður. Önnur hafa
svo öðlast nýtt líf, eru orðin fáguð og
flott. Einhverjir eiga kannski eftir
að verða hvumpnir þegar þeir heyra
uppáhaldslagið sitt gjörbreytt. En
það verður að hafa það.“
Kenny Rogers og Skímó!?
– Og hvaða meðferð fær slagarinn
eini og sanni, „Farin“?
„Við pældum mikið í því get ég
sagt þér. Var eitthvað hægt að
grufla í því? Við enduðum á því að
setja það í nokkurs konar kántrí-/
blágrasútgáfu en fyrirmyndin er
„The Gambler“ með Kenny Rogers.
Við vorum að reyna að ná þeim fíl-
íng. Roland Hartwell sjálfur ætlar
meira að segja að taka fiðlusóló.“
Addi horfir að lokum kímileitur
yfir farinn veg. Og dæsir.
„Við byrjuðum eins og allar
hljómsveitir, guttar í bílskúr að spila
þungarokk. Við tókum meira að
segja þátt í Músíktilraunum. Um tíu
árum síðar vorum við orðnir vinsæl-
asta hljómsveit landsins. Við lifðum
poppstjörnulífinu til fulls og höndl-
uðum þessa svokölluðu frægð sem
svo marga dreymir um. Guð má svo
vita hvað gerist næst. Það er að
minnsta kosti allt mögulegt. Við er-
um kornungir menn, tuttugu árum
síðar. Rétt skriðnir yfir þrítugt!“
Þegar poppið réð ríkjum …
 Skítamórall fagnar tvítugsafmæli með glæsilegum tónleikum á Rúbín í kvöld
 Meðlimir voru bara þrettán ára þegar sveitin var stofnuð á Selfossi
36 MenningFRÉTTIR
MORGUNBLAÐIÐ FIMMTUDAGUR 8. OKTÓBER 2009
 Einar Bárðarson heldur áfram
að safna í kringum sig stjörnum í
Kanaútvarpið. Eiríkur Jónsson
stjörnublaðamaður og ritstjóri
Séð og Heyrt hefur samið við
Kanann FM919 að sjá um morg-
unþætti Kanans á laugardögum.
Þátturinn mun heita „Heyrt og
Séð með Eiríki Jónssyni“ og ætlar
Eiríkur að segja sögurnar á bak
við forsíðuna og allt hitt í honum.
Fyrsti þátturinn fer í loftið á
laugardaginn.
Eiríkur byrjaði sinn útvarps-
feril árið 1987 á Stjörnunni.
Séð og heyrt með Eiríki
Jónssyni á Kananum
Fólk
Eftir Arnar Eggert Thoroddsen
arnart@mbl.is
ÖFGAROKKSSVEITIN Gordon Riots hafnaði í
þriðja sæti Músíktilrauna árið 2007 og strax um
sumarið kom út stuttskífa, hin stórgóða Witness
the Weak Ones. Í dag kemur hins vegar út fyrsta
breiðskífa sveitarinnar og kallast hún hinu geð-
uga nafni Dirt’n’Worms.
Hefur mikið vatn runnið til sjávar síðan, á
þessum tveimur árum, að sögn Vésteins Kára
Árnasonar bassaleikara. „Mannabreytingar,
stefnubreytingar og bara allsherjar yfirhaln-
ing,“ segir Kári. „Við erum komnir í allt aðrar
pælingar, meira fullorðins myndi ég segja.
Hljómsveitin er orðin þroskuð, við erum búnir að
henda út þessu „metal-core“ rugli og erum orðn-
ir útpældari og vandaðri.“
En það er ekki svo að tónlistin sé orðin að-
gengilegri? „Nei, hún er þyngri ef eitthvað er,“
segir Kári. „Það er meiri pungur í gangi og það
er búið að „droppa í b“ (og vísar þar í hljóminn).“
Fyrri platan var gerð í bullandi góðæri en þessi í
tíð þar sem allt er að fara fjandans til.
Er platan pólitísk?
„Nei, blessunarlega er hún laus við allt slíkt.
Auk þess greini ég sjaldnast orð af því sem
söngvarinn er að segja!“ Platan var tekin upp í
Studio 6110 af Einari Lúðvíkssyni en hljóm-
jöfnuð af Birgi Jóni Birgissyni í Sundlauginni.
Gordon Riots fagna útgáfunni í kvöld á Dillon
Rockbar, Laugavegi. Muck og At Dodge City
hita upp og að sjálfsögðu verður platan á sér-
stöku tilboðsverði.
Gordon Riots setja í gír og „droppa í b“
Uppþot Gordon Riots í fluggír á hljómleikum.
 Unnendur bóka Braga Ólafs-
sonar, hins lipra bassaleikara
Purrks Pillnikks og Sykurmola og
núverandi rithöfundar, hafa beðið
nýrrar skáldsögu hans. Bragi
hafði boðað óbeint framhald síð-
ustu skáldsögu, Sendiherrans, bók
sem hann hefur lesið upp úr hér
og þar og heitir afskaplega löngu
nafni: Handritið að kvikmynd Arn-
ar Featherby og Jóns Magn-
ússonar um uppnámið á veitinga-
húsinu. Já, þetta er heiti
bókarinnar, sem reyndar er ennþá
handrit í vinnslu.
Í samtali blaðamanns við kynn-
ingastjóra Forlagsins, Kristrúnu
Heiðu Hauksdóttur, kom í ljós að
útgáfu hinnar nýju sögu Braga
hefur verið frestað.
„Já, bók Braga var frestað,“
sagði hún. „Það var svo gaman að
skrifa að hann gat ekki hætt, sag-
an lengdist bara og lengdist. Bók-
in bíður því vorsins.“
Forvitnir geta þó heyrt Braga
lesa úr handritinu að „Handritið
að …“ í bókasafninu í Stykk-
ishólmi á laugardaginn kemur.
Fullgaman hjá Braga
að sitja við skriftir
 Efnahagshrunið hefur vakið upp
listamanninn í mörgum, sumir
skrifa bækur um það, aðrir búa til
bíómyndir og enn aðrir semja ljóð
og lög um kreppuna. Baggalúts-
menn hafa nú látið hrunið blása sér
í brjóst og sent frá sér lagið „Þetta
er búið“.
„Lagið er í senn léttleikandi og
grípandi – en hvílir um leið á níð-
þungri undiröldu þeirrar skelf-
ingar sem íslenskt sam- og þjóð-
félag er umlukið um þessar
mundir,“ segja Baggalútsmenn
sjálfir og bæta við að um hrunadans
sé að ræða. „Þetta er búið – ger-
samlega búið. – Grátbólgin grenj-
um við – og görgum hás á sjón-
varpið.“ Svo hljómar eitt erindið í
hinu nýja lag og ekki hægt að segja
að það vekji með manni von. Lagið
má nálgast á: baggalutur.is/buid.
Baggalútsmenn semja
sinn hrunadans
SKÍTAMÓRALSMENN
keyrðu um á sérmerktum bíl-
um þegar veldi þeirra reis
hvað hæst og báru þeir núm-
eraplöturnar SKÍMÓ 1,
SKÍMÓ 2 o.s.frv. Í takt við
þetta koma hér fimm kerkn-
islegir Skímómolar úr sögu
sveitarinnar.
SKÍMÓ 1
Nafn sveitarinnar var
kokkað upp af Einari Bárð-
arsyni þegar hann var að
raka sig inni á baði í Fjöl-
brautaskóla Suðurlands
ásamt Sigga Pönk úr For-
garði helvítis.
SKÍMÓ 2
Skítamórall sló í gegn með
laginu „Farin“ árið 1998 en
lagið var fyrsta lagið sem höf-
undurinn, nefndur Einar
Bárðarson, samdi.
SKÍMÓ 3
Fyrsta lagið sem sveitin
hljóðritaði var tökulag,
„Tannpínupúkinn“, lag sem
Glámur og Skrámur gerðu
vinsælt.
SKÍMÓ 4
Árið 1998 var á margan
hátt ár Skítamórals. Platan
Nákvæmlega, þeirra vinsæl-
asta frá upphafi, kom út, en
einnig heimildarmynd og bók
skrifuð af Mikael Torfasyni.
SKÍMÓ 5
Hljómsveitin hætti á há-
tindi ferilsins haustið 2000.
„Við erum enn ungir menn og
ef Mórallinn kemur aftur
saman eftir eitt ár, tvö ár þá
erum við enn í blóma lífsins,“
sagði Gunni Óla, söngvari og
gítarleikari, af þessu tilefni.
Skímó 1, 2, 3 … Orka Þessi
mynd var
tekin er
sveitin sneri
aftur með
hinu Hives-
skotna „Má
ég sjá“ árið
2005.
Kóngar Þessi vel kunna mynd
var tekin er Skítamórall réð
lögum og lofum í popplandi.