Norðurland - 08.04.1983, Blaðsíða 1
8. árgangur Föstudagur 8. apríl 1983 4. tölublaö
Gefiö út af stjórn kjördæmaráðs Alþýðubandalagsins í Norð-
urlandskjördæmi eystra.
Ritnefnd:
Helgi Guömundsson (áb), Erlingur Sigurðarson, Þröstur Ás-
mundsson, Steinar Þorsteinsson, Steingrimur J. Sigfússon.
Aðsetur: Eiðsvallagata 18, Akureyri, sími 21875
Pósthólf 492, 602 Akureyri.
Prentsmiðja Björns Jónssonar.
Nokkur orð um réttlæti
og ranglæti.
Helgi Guðmundsson
svarar Stefáni Val-
geirssyni, bls. 2.
Aðalheiður
Steingrímsdóttir
skrifar:
Verkalýðsbarátta -
kvennabarátta
Samstarfsgrund-
völlur Alþýðu-
bandalagsins
- opna.
V________
Er Nato einkamál
karla'?
Klói skrifar pistil
- baksíða.
Orkuverð til ísal og heimilanna:
Munurinn er átjánfaldur
Verkfræðingafélag íslands hélt nýlega fund um stóriðjumál í
Sjallanum A Akureyri. Framsögumenn á fundinum voru þeir Ragnar
Halldórsson forstjóri Isal, Knútur Otterstedt rafveitustjóri og Bjarni
Guðleifsson tilraunastjóri á Möðruvöllum. Fundurinn var vel sótturen
fundarboðendur voru afar uppteknir af þeim alvarlega vanda að bein
útsending frá Vembley leikvanginum í London var að bresta á. Varð að
skera niður umræður og hespa fundarslitin af svo að fundarmönnum
gæfist kostur á að sjá Liverpool og Manchester United leiða saman
hesta sína.
Orkuverðið til ísal ætti að
vera a.m.k. þrisvar sinnum
hærra.
Ragnar Halldórsson „upplýsti“
fundarmenn um orkuverð sem
ýmis álver yrðu að greiða. Taldi
hann að álverið í Straumsvík
greiddi snökktum hærra verð en
önnur „útflutningsálver“. Birti
hann töflur um orkuverðið og
samkvæmt þeim var orkuverðið
til ísals 6,5 mills (eitt mill er
1/1000 úr dollar) meðan aðrir
slyppu við að greiða að meðaltali
nokkuð innan við 6 mills.
Forstjórinn kvaðst ekki geta
skýrt þann mun sem væri á
upplýsingum Iðnaðarráðuneyt-
isins og hans í þessu efni. Þó
gæti skýringin í einhverjum
tilvikum verið sú að Iðnaðar-
ráðuneytið teldi með skatt-
greiðslur á raforku sem hann
hefði ekki með í sínum tölum.
„Upplýsingar" forstjórans
voru merkilegar fyrir það sem
ekki var sagt. Er það til dæmis
hugsanlegt að forstjóri ísals viti
svo lítið um áliðnaðinn í heimin-
um að hann geti ekki skýrt
muninn á eigin tölum og
iðnaðarráðuneytisins á raforku-
verði í áliðnaði, úr því hann ekki
treystir sér til að véfengja tölur
ráðuneytisins?
Um svipað leyti og fundurinn
var haldinn kom út skýrsla sem
iðnaðarráðuneytið hefur látið
vinna um hagkvæmni áliðju á
Islandi sem unnin er af norska
álfyrirtækinu Árdal Sunndal
verk. ASV telur áliðjuna
hagkvæma þó að fyrirtækið
greiddi nærri þrefalt hærra verð
en Isal eða 17,5 mills. fyrir
rafmagnið. Auk þess liggja nú
fyrir upplýsingar um að fjöl-
mörg álver, einkanlega í Evrópu
greiða yfir 20 mills fyrir orkuna,
en þeim upplýsingum sleppti
Ragnar Halldórsson í sinni tölu.
Það er því alveg ljóst að Isal
getur greitt a.m.k. þrisvar
sinnum meira fyrir orkuna en
nú er.
Súrálsverðið til ísal er
miklu hærra en hægt er að fá
á heimsmarkaði.
I skýrslu ASV koma fram
merkar upplýsingar um súráls-
verð. Þar sem í ljós kemur að
súrálsverðið (súrál er megin
hráefnið sem þarf til álfram-
leiðslu) sem Isal greiðir er miklu
hærra en almennt gerist á heims-
markaði. Ragnar Halldórsson
lét hafa það eftir sér í blöðunum
nýverið að álverið í Straumsvík
byggi við langtímasamninga um
Framhald á bls. 2.
Húsavíkurhöfn.
Hjörleifur Guttormsson iðnaðarráðherra hefur beitt sér fyrir margvíslegum athugunum á nýjum iðnaðarkost-
um. Meðal þeirra er trjákvoðuverksmiðja, sem rætt hefur verið um að rísi á Húsavík.
Undirbúningur ákvarðana um nýja framleiðslu hefur verið afar vandaður af hálfu iðnaðarráðuneytisins, einatt til
lítillar gleði fyrir leslata stjórnarandstæðinga.
Alþýðubandalag gegn íhaldi
Nú fyrir skemmstu dundu látlaust á þjóðinni gegnum
útvarp, auglýsingar um kappræðufund milli þeirra stór-
spekinganna Jóns Baldvins Hannibalssonar og Alberts
Guðmundssonar. Það vafðist nú reyndar fyrir mörgum
um hvað hægri krati eins og Jón Baldvin ætlaði að
kappræða við Albert enda varð niðurstaða fundarins sú
helst að sögn að þeir kumpánar mærðu mjög Viðreisn-
arstjórnina sálugu og óskuðu sér einskis frekar en
annarrar slíkrar.
Alkunna er að Vilmundur Gylfason æðstiprestur í
Bandalagi jafnaðarmanns telur gömlu viðreisn í hópi
bestu ríkisstjórna og væri honum því væntanlega Ijúft að
fijóta með gömlum félögum sínum inn á fjólubláar
draumalendur nýs viðreisnartímabils.
Þessir kærleikar allir með Natókrötum og íhaldi ættu
út af fyrir sig að vera landsmönnum, og þó einkum og
sér í lagi íbúum dreifbýlisins, nokkurt íhugunarefni og er
þó ekki allt talið enn. Ónefndur er til sögunnar Fram-
sóknarflokkurinn og gjaforðavonir hans um þessar
mundir.
Þeir sem nokkuð þekkja til málflutnings Framsóknar-
flokksins gegn um tíðina vita að forráðamenn þess
flokks hafa ætíð reynt að hagræða seglum efftir því
hvernig pólitiskir vindar blása þessa eða hina stundina.
Fyrir kosningar hefur Framsókn ýmist sýnt á sér hægri
eða vinstri vangann í samræmi við það sem vænlegt
þykir til árangurs hverju sinni. Nú er ástandið hjá flókkn-
um þannig, því miður, að íhaldsöflin hafa undirtökin.
Talað er um miðflokk, já, já, nei, nei, gríman í herstöðva-
málinu hefur verið tekin niður og eftir stendur ótýndur
hermangsflokkur. Tómas nokkur Árnason lét orð að því
falla á Alþingi fyrir skemmstu að Framsóknarflokkur-
inn hefði fullan hug á því að Alþýðubandalagið yrði ekki
aðili að næstu ríkisstjórn.
Gæfuleysisspor Framsóknarflokksins í álmálinu und-
ir forustu formanna sinna eru þó tvímælalaust alvarleg-
ustu bónorðin til íhaldsins til þessa. Þá er nú gleymt og
Ritstjórnargrein
r !air\ I
islensha leiö 1
W
Steingrímur
Jóhann
Sigfússon
skrifar
grafið slagorðið góða „allt er betra en íhaldið" sem
framsóknarmenn héldu mjög á lofti fyrir kosningar 1979
og ber allt að sama brunni. Já því miður er aivarleg
hægri slagsíða á framsókn nú um stundir og það er
bleikfarðaður hægri vanginn sem flokkurinn snýr nú að
kjósendum. Það verður því ekki sagt að byrlega blási
fyrir myndun vinstri stjórnar. En sem betur fer eiga
kjósendur þó einn ótviræðan valkost. Sterk útkoma
Alþýðubandalagsins er krafa um vinstri stjórn, krafa um
atvinnuuppbyggingu og sókn i félagsmálum og svar
þeirra sem vilja hafnaniðurskurðarogsamdráttarstefnu
íhaldsaflanna.
Kvennaframboð hefur ekki svo vitað sé lýst yfir neinu
um það með hverjum það vill starfa ef til kemur. Afstaða
eða öllu heldur afstöðuleysi í ýmsum mikilvægum mála-
flokkum gerir kvennaframboð heldur ekki að sérlega
trúverðugu afli til að veðja á gegn ásókn afturhaldsins.
Alþýðubandalagið hefur lagt fram samstarfsgrund-
völl sinn undir kjörorðinu „EINING UM ÍSLENSKA
LEIГ. Þar er íslensk atvinnustefna efst á blaði og
grundvallarforsendur í efnahagsstefnu flokksins eru -
full atvinna - verndun kaupmáttar og jafnari lífskjör. Al-
þýðubandalagið boðar íslenska sókn gegn því kreppu-
ástandi sem að okkur sækir og hafnar erlendri þóknun
og aðsendum íhaldskenningum. Alþýðubandalagið
tekur heils hugar undir kröfuna um kjarnorkuvopna-
laust svæði, lýsir yfir samstöðu með friðarhreyfingum
og er andvígt hersetu hér á landi og hernaðarbandalög-
um.
Kjósendur eru hvattir til að kynna sér samstarfsgrund-
völlinn. Á þeim grundvelli vill Alþýðubandalagið starfa
með þeim sem vilja berjast gegn atvinnuleysi, sem vilja
treysta lífskjörin og tryggja sjálfstæði þjóðarinnar.
Alþýðubandalagið er ótvírætt forustuafl á vinstri
væng stjórnmálanna og því einu ertreystandi til að leiða
fram til sigurs stefnu félagshyggju og mannúðar.
St. J. S.