Norðurland - 29.04.1983, Blaðsíða 2

PHJSIAN
ÞÚ SAFNAR OG BANKINN BÆTIR VIÐ
Þú getur haft þrefalt til fjórfalt fé
í höndum eftir umsaminn sparnad.
Öllum er frjálst að opna
Plúslánsreikning,
hvort sem þeir hafa skipt viö
Útvegsbankann hingaö til eða ekki.
Er ekki Útvegsbankinn
einmitt bankinn fyrirþig.
ÚTVEGSBANKINN
HAFNARSTRÆT1107
600 AKUREYRI
MIÐIER
MÖGULEIKI
Fjöldi stórvinninga á nýju happdrættisári
Mánaðarlega verður dregið um íbúðarvinning; 8-10
bílavinninga; 25 ferðavinninga og hundruð húsbúnaðar-
vinninga.
Aðalvinningurinn sem jafnframt er stærsti vinningur á einn
miða hérlendis er húseign að eigin vali fyrir 1.5 millj. króna
(dregið út í apríl '84).
11 (búðavinningar 100 bílavinningar 300 ferðavinningar
á 400 þús. kr. hver. á 75 þús. kr. hver. á 25 þús. kr. hver.
600 húsbúnaðarvinningar
á 7.500 kr. hver
og 6188 húsbúnaðarvinningar
á 1.500 kr. hver.
HAPPDRÆTTI '83-84
Að loknum kosningum
Undanfarna daga hafa menn verið að spá í kosninga-
úrslitin eins og vonlegt er. Nýju framboðin unnu
talsverðan sigur eins og við var búist þótt ekki væri hann
jafn mikill og aðstandendur þeirra gerðu sér vonir um.
Sjálfstæðisflokkurinn vann á hinn bóginn ekki þann
afgerandi kosningasigur sem forystumenn hans trúðu
staðfastlega á og vinstri menn vöruðu við. Það er
greinilegt að skoðanakannanir sem gefa til kynna mikla
hægri sveiflu eru íhaldinu ekki til framdráttar. Þegar á
reynir hrýs mönnum við ofurveldi Sjálfstæðisflokksins
og skoðanakannanir þjappa vinstri mönnum saman og
auðvelda þeim baráttuna. Þetta m.a. kom Alþýðubanda-
laginu til góðs. Frammi fyrir hugsanlegum stórsigri
leiftursóknarinnar tvíefldust menn í baráttunni og
ákváðu að leggja sig alla fram. Þetta var mórallinn á
síðustu dögunum fyrir kosningar og starf Alþýðubanda-
lagsmanna bar líka ávöxt. Nýjir og hressir frambjóðend-
ur léðu líka baráttunni ákveðinn ferskleika sem
ævinlega er til bóta. Allt þetta mættu vinir okkar í
Framsókn taka til athugunar.
Ingvar Gíslason skrifaði fyrir skömmu grein í Dag þar
sem hann íhugar orsakir fylgistaps Framsóknar. Hann
bendir á að þetta einskorðist ekki við Norðurland eystra
heldur sé hér nú að koma i Ijós tilhneiging sem gæti um
land allt. Án þess að Ingvar fjalli um það sérstaklega má
ætla að hann eigi hér við að þjóðfélagslegur bakhjarl
Framsóknarflokksins sé ekki eins stór og fyrirferðar-
mikill og áður. Bændur og búalið og fyrirtæki þeirra í
bæjunum hafa verið þessi bakhjarl Framsóknar. Hann
nægir einfaldlega ekki lengur til að tryggja Framsókn þá
yfirburðastöðu sem hún víða hafði. Og fleira bendir til
þess að Framsóknarflokkurinn muni tapa fylgi og
áhrifum í framtíðinni af því að sú þróun heldur áfram
sem hér var drepið á. Og varla er við því að búast að
Framsóknarflokkurinn gerist róttækur verkalýðsflokkur?
Sama gildir í rauninni um Alþýðuflokkinn. Honum
mun ekki takast að rífa sig upp úr niðurlægingunni.
Ástæðan er sú, að kratar geta með engu móti greint sig
nógu skýrt frá íhaldinu. Það er meginástæðan fyrir
hnignun Alþýðuflokksins og fylgistapi hans í kosning-
unum, en í þeim „botnuðu þeir bara ekki neitt“, eins og
einn þeirra sagði í útvarpinu. Alþýðuflokkurinn á
vafalaust eftir að heyja sitt dauðastríð lengi enn. Sem
áhrifamikið þjóðfélagsafI virðist hann búinn að vera, þar
sem hann hefur engan traustan stéttarlegan grunn
lengur.
Þrátt fyrir nýju framboðin og harðan áróðurandstæð-
inganna tókst Alþýðubandalaginu að halda nokkurn
veginn í horfinu. Það má með réttu kallast varnarsigur. -
Andstæðingar okkar voru bæði undrandi og sárir yfir
traustri stöðu Alþýðubandalagsins. Þaðerofvaxið þeirra
skilningi hvernig það gat gerst að flokkurinn skyldi ekki
verða fyrir neinu umtalsverðu áfalli. og höfðu þeir þó
hvorki sparað fé né fyrirhöfn í ófrægingarherferð sinni
gegn Alþýðubandalaginu.
Alþýðubandalagið missti einn þingmann í Reykjavík,
Ólaf Ragnar Grímsson. Auðvitað er alltaf vont að missa
mann af þingi. En um Ólaf má segja að enginn veit hvað
átt hefur fyrr en misst hefur. Ólafur Ragnar Grímsson
hefur verið skeleggasti og duglegasti þingmaður
Alþýðubandalagsins og vinsældir hans meðal andstæð-
inganna í samræmi við það. Það er því verðugt markmið
fyrir félaga okkar í Reykjavík að tryggja Ólafi þingsæti í
næstu kosningum.
Þegar þetta er skrifað er ríkisstjórn Gunnars
Thoroddsen að segja af sér. Ómögulegt er að spá um
niðurstöður stjórnarmyndunarviðræðna. Forystumenn
Alþýðubandalagsins verða að gæta þess, að stjórnar-
þátttaka flokksins er óhugsandi nema með víðtæku
samkomulagi innan fiokksins um þau mál. Til þess að
það geti orðið verða menn að sjá ótvíræðan ávinning og
skýr markmið. Umfram allt skulum við gæta þess að
gera Alþýðubandalagið ekki að „kosningaflokki". Við
verðum að efla flokksstarfið út um allt land og endur-
skoða ýmislegt í stefnu og starfsháttum flokksins.
Þannig verðum við hæfari til að ganga í slaginn næst,
hvenær sem það verður. Hvernig væri að nýta starfsorku
Ólafs Ragnars - nú þegar stund gefst milli stríða - til að
einbeita sér að flokksstarfinu og tengslum við félagana
út um iandið?
Þröstur Ásmundsson
Féll Hann líka?
í flokkakynningunni í sjónvarpinu ræddu ýmsirframsóknar-
menn töluvert um guð almáttugan, svo að einhverjum var
ekki grunlaust um að hann kynni að finnast á framboðslista
þeirra. Þetta varð tilefni þessarar vísu:
Enginn má fúlsa við framsóknargraut,
því fátt er um girnilegt æti.
Nú er að duga eða drepast í þraut
með Drottin í baráttusæti.
Skyldi hann hafa fallið líka?
2 - NORÐURLAND
Z •• ClVIAJflUðflÓl