Norðurland - 29.04.1983, Blaðsíða 3
Avarp 1. maí-nefndar verkalýðsfélag-
anna á Akureyri 1983
1. maí er alþjóðlegur baráttudagur vinnandi
manna, á þeim degi sem og öðrum dögum
verður verkalýðshreyfíngin að sýna samtaka-
mátt sinn, sýna að hreyfíngin er þess megnug að
gera þennan dag eftirminnanlegan með því að
taka þátt í hátíðarhöldum dagsins. Mesta
auðlegð hverrar þjóðar er starfsgeta þegnanna.
Starfíð er því undirstaða velmegunar. Sér-
hver þjóð sem vanrækir og lítilsmetur dagleg
störf byggir ekki nógu vel upp menningu sína.
Þjóð sem ekki getur lagt til hverri vinnufúsri
hönd, störf við hennar hæfí er ekki líkleg til að
viðhalda eða auka velferð þegna sinna. Þennan
sannleika má lesa úr sögu reynslunnar. íslensk
verkalýðshreyfíng stendur nú enn einu sinni
frammi fyrir þeim óheillavænlegu staðreyndum
að hér getur orðið stórfellt atvinnuleysi, verði
• ekki tekið á efnahagsmálunum með þeim hætti
að til farsældar leiði fyrir alla þegna þessa
lands. Kaupmáttur launa ’rýrnar nú hratt og
stefnir til meiri samdráttar en þjóðartekjur
segja til um, slíka óheillaþróun verður að
stöðva.
Hvað vísitöluna varðar gerir verkalýðshreyf-
ingin þær kröfur að hún sé höfð með í ráðum
þegar breyta þarf sjálfum grunninum sem hún
er byggð á, og með hvaða hætti hún mælir verð-
bætur, allt annað er óhugsandi og óverjandi.
Verkalýðshreyfíngin hlýtur nú sem endranær
að Ieggja ríka áherslu á manngildið sjálft og að
afrakstur hverrar vinnandi handar sé metinn að
verðleikum, hver maður hafí áhrif á umhverfí
sitt og samfélagið í heild. Um víða veröld berast
þjóðir og þjóðfíokkar á banaspjót og stórveld-
in leggja ofurkapp á að framieiða gereyðingar-
vopn og kosta til óheyranlegu fjármagni, fjár-
magni sem gæti bjargað milljónum fólks frá
hungurdauða. Alltof víða eru mannslífín
einskis metin. Kúgun og arðrán þykja sjálf-
sögð og fólk er látið deyja hungurdauða
þúsundum saman á ári hverju.
Sóun náttúruauðlinda er gegndarlaus en
engin þjóð getur haldið velli nema að búa í sátt
við náttúru lands og sjávar. Við hljótum að
spyrja okkur oft hverskonar heimur er þetta
sem við þó höfum að hluta til tekið þátt í að
móta, heimur tækni og framfara en sem er þó
aðeins ætlaður minni hluta mannskynsins,
heimur stundargróða og gerviþarfa, heimur af-
þreyingarefna ríka heimsins, er þetta sá heimur
og umhverfí sem íslensk verkalýðshreyfíng
hefur kosið sér? Er ekki breytinga þörf í þessum
efnum?
Sem betur fer hefur víða um heim vaknað
þróttmikil friðarhreyfíng sem lætur hvorki
landamæri eða pólitískar skoðanir hafa áhrif á
hugsjónir sínar, ef til vill verður það slík hreyf-
ing sem getur bjargað heiminum frá glötun
kjarnorkustyrjaldar. Hinn almenni þegn hverr-
ar þjóðar skilur hversu mikilvægt er að koma
verði í veg fyrir notkun kjarnorkuvopna og
nauðsyn þess að efla friðarvilja og sátt þjóða í
milli. Stórveldin verða að semja um afnám og
eyðingu þeirra vopna sem uppi eru tilbúin til
notkunar á helming mannkyns og þá jafnframt
til gereyðingar heimsbyggðarinnar. Slíkt verð-
ur með öllum ráðum að hindra. Með þá von í
brjósti að slíkt megi verða endum við 1. maí
ávarp þessu sinni með þeirri ósk að íslcnsk
verkalýðshreyfíng beri gæfu til að gæta
hagsmuna lands og þjóðar.
Gleðilega hátíð.
1. MAI 1983
HÁTÍÐAHÖLD VERKALYÐS-
FÉLAGANMA Á AKUREYRI
Kl. 11.00 Messað í Akureyrarkirkju. Séra Þórhallur Höskuldsson predikar.
Kl. 13.30 KRÖFUGANGA Safnast verður saman við Strandgötu 7 og gengið suður Skipa- götu og komið í Hafnarstræti við Dynheima. gengið norður
Hafnarstræti inn á Ráðhústorg.
Kl. 14.00 ÚTIFUNDUR Á RÁÐHÚSTORGI 1. MAl ávarp verkalýðsfélaganna flytur Jökull Guðmundsson málmiðnaðarmaður, formaður 1. maf nefndar.
Ræður flytja: Jón Helgason formaður Einingar.
Ásta Sigurðardóttir sjúkraliði B.S.R.B. Guðmundur Ómar Guðmundsson formaður Trésmiðafélags Akureyrar
Lúðrasveit Akureyrar leikur fyrir kröfugöngunni og á útifund- inum undir stjóm Atia Guðlaugssonar.
Ef veður leyfir mun Harmoniku-unnendur einnig leika á fundinum.
Barnaskemmtun: verður í Félagsborg (Gefjunarsal) kl. 15.30. Þar verður fjöl- breytt dagskrá. Meðal annars koma Harmoniku-unnendur í heimsókn, og Sigvaldi Þorgilsson mun leiða þarýmsa dans-leiki og aðrar uppákomur.
Merki dagsins gilda sem aðgöngumiðar að bamaskemmtun- inni. .
Kaffisala: Einingarkvenna verður í Alþýðuhúsinu og hefst að loknum
útifundi.
Fjölmennið til hátíðahaldanna
Berið merki dagsins
1. maí-nefnd verkalýðsfélaganna á Akureyri
F.M.A. - F.V.S.A. - F.I.N.A. - Eining - Iðja - T.F.A. - S.T.A.K. - B.S R.B.
KRÖFUR
DAGSINS
Bætt vísitölukerfi.
Enga heilsuspillandi vinnustaði.
Verkafólk „eflum félagsstarfið“.
Réttláta skiptingu þjóðartekna.
Iðnnemar eru líka menn.
Móti dýrtíð og kaupráni.
Bættan aðbúnað á vinnustað.
Þrifið vinnustaðina.
100% álag á alla yfirvinnu.
Aukna félagslega þjónustu.
Samstaða færir sigur.
Fulla verðtryggingu launa.
Lífvænleg dagvinnulaun.
Styttra samningaþóf.
Raunhæf lán fyrir ungt fólk til
húsnæðiskaupa.
Fleiri íbúðir á félagslegum grunni.
Þreföldum orkuverð til Alusviss.
Kjarnorkulaus Norðurlönd.
Vopnlausa veröld.
Gegn vígbúnaði stórvelda.
Landið er ekki einnota.
Raunhæfa stefnu í atvinnumálum.
Atvinnu handa öllum.
Aldrei atvinnuleysi.
Eflum íslenskan iðnað.
Veljum íslenskar vörur.
1. maí 1983
MERKJASALA
Þau börn sem vilja selja merki dagsins 1. maí n.k. eru
beðin að hringja ísíma 22890 milli kl. 5 og 7föstudag-
inn 29. apríl eða laugardaginn 30. apríl frá kl. 2-5 og
gefa upp nafn sitt og heimilisfang. Merkin verða send
til þeirra á laugardagskvöld.
1. maí-nefndin.
NORÐURLAND - 3