Norðurland - 11.06.1986, Side 4
NORÐURLAND
Gefiö út á vegum Alþýðubandalagsins I
Norðurlandskjördæmi eystra.
Kemur út I 8.000 eintökum.
Ritstjóri: Guðlaugur Arason (ábm.).
Aðsetur: Eiðsvallagata 18, Akureyri.
Pósthólf 492 - 602 Akureyri.
Sími: (96) 218 75
PRENTSMIÐJA BJÖRNS JÓNSSONAR
Fram til
nýrrar sóknar
Úrslit sveitarstjórnarkosninganna á dögunum eru skýr.
Kjósendur hafa gert sér grein fyrir að landsmál og sveitar-
stjórnarmál verða ekki aðskilin. Því er eðlilegt að þeir
flokkar gjaldi afhroð, sem í ríkisstjórn hafa skert hag
sveitarfélaga og almennings meira en dæmi eru áður til.
Þar breytir engu þótt á stöku stað séu ákverðnar stað-
bundnar aðstæður eða óánægja með einstaka fram-
bjóðendur. Heildar niðurstaðan er skýr: Framsókn
stórtapaði og íhaldið einnig ef undan er skilinn sigur
þess i Reykjavík, sem fyrst og fremst má rekja til hóflítillar
persónudýrkunnar, auk þess sem hann staðfestir það
djúp sem ríkisstjórnin er stöðugt að dýpka milli höfuð-
borgarsvæðisins og landsbyggðarinnar.
En sigur félagshyggjuflokkanna - vonandi má hafa
það orð um Alþýðuflokkinn þótt ýmislegt sé óljóst þar á
bæ - byggist auðvitað á fleira en andstöðu við ríkis-
stjórnina. Alþýðubandalagið hefur sýnt og sannað að
málstaður samhjálpar, félagshyggju og jafnaðar á
góðan hljómgrunn, og þegar að kreppir leitast fólk við
að standa saman. Það er uppreisn gegn þeirri sérdrægni
sem íhaldsöflin boða. Þau hefja makaðslögmálin upp til
skýjanna og kalla rangnefninu frjálshyggju.
Alþýðubandalagið lagði hvarvetna mikla áherslu á
atvinnumál og félagsmál. Flokkurinn er eina brjóstvörn
alþýðu manna til að reyna að halda í þá anga velferðar-
ríkis á íslandi sem við höfum fengið að kynnast, og nú er
harðast sótt að. Flokkurinn lagði einnig áherslu á skóla-
mál, menningarmál og umhverfismál, og markar í
þessum efnum sérstöðu sína sem kjósendur hafa
kunnað að meta.
Úr 4 í 7!
í Norðurlandskjördæmi eystra eru úrslitin um margt
athyglisverð. Þar bætti Alþýðubandalagið við sig einum
bæjarstjórnarmanni í þremur kaupstöðum, og í þeim
hinum sömu tapaði framsókn mönnum. Á Akureyri,
Dalvík og Húsavík hefur Alþýðubandalagið nú 7 bæjar-
stjórnarmenn í stað 4 áður og er mannfleiri en framsókn
sem nú á aðeins 6 menn en hafði 10 áður. Ágæt útkoma á
Raufarhöfn bætist við þetta, en sigur íhaldsins í Ólafs-
firði skyggir því miður á.
Það er því Ijóst að kjósendur hafa fengið Alþýðu-
bandalaginu umboð sitt í hendur til að tala máli félags-
hyggju, samhjálpar og jafnaðar í sérhverju sveitarfélagi.
Jafnframt hefur verið með hinum góða sigri Alþýðu-
bandalagsins tekið ærlega undir kröfu um beina
þátttöku sveitarfélaga í atvinnulifinu og mótmæli við
óbyggðastefnu ríkisstjórnarflokkanna.
Alþingiskosningar verða innan árs. Þá verður kosið
um störf afturhaldsstjórnar Steingríms Hermanssonar.
Vinstri menn hafa sýnt í sveitarstjórnarkosningunum að
þeir hafa gefið Framsóknarflokkinn upp á bátinn. Þaðer
rökrétt, enda er sá flokkur hlaupatík hjá íhaldsöflunum
en ekki andstæðingur þeirra. Alþýðubandalagið hefur
nú eftirminnilega orðið forystuflokkur vinstri manna í
Norðurlandskjördæmi eystra, og áratugagömlum yfir-
ráðum framsóknar hefur verið hnekkt.
Hinn góði sigur í sveitarstjórnarkosningunum gefur
Alþýðubandalaginu byr í seglin til nýrrar sóknar í næstu
kosningum. Flokkurinn á góða möguleika á kjöri tveggja
manna í kjördæminu. Sá möguleiki verður að veruleika
ef allir félagshyggjumenn þekkja sinn vitjunartíma í
næstu Alþingiskosningum.
Fram til sóknar!
- Erl -
I kosningunum 31. maí töpuðu fr<
- Akureyri -
Alþýðubandalagið í sókn
Urslit kosninganna á Akur-
eyri komu nokkuð á óvart.
Er þá einkum átt við hina miklu
fylgisaukningu Aiþýðuflokksins.
Alþýðubandalagið bætti einnig
við sig fylgi á Akureyri, hlaut
1406 atkvæði eða 19,8% og jók
fylgið um 6,7%. Tveir sitja nú í
bæjarstjórn, þau Sigríður
Stefánsdóttir og Heimir
Ineimarsson.
við Heimi.
Alþýðuílokkur hlaut 1544
atkvæði eða 21,7% ogjók fylgið
um 11,9%. Þrír sitja í bæjar-
stjórn.
Framsóknarflokkur fékk 1522
atkvæði eða 21,4% og missti
3,7%. Tveir menn sitja í bæjar-
stjórn en voru áður þrír.
Sjálfstæðisflokkurinn fékk
2504 atkvæði eða 35,2% ogjókst
fylgið um 0,6%. Fjórir komust í
bæjarstjórn.
Flokkur mannsins hlaut 129
atkvæði eða 1,8% og engan
mann.
Sigríður Stefánsdóttir sagðist
vera ánægð með úrslit kosning-
anna fyrir hönd Alþýðubanda-
lagsins. Flokkurinn væri nú
með svipað hlutfall og þegar
hann hefði haft mest fylgi hér á
Akureyri árið 1966. Þá hafði
hann fengið 20,3% atkvæða.
- Þegar við lögðum upp í
þessa kosningabaráttu stefnd-
um við að tveimur mönnum í
bæjarstjórn og okkur tókst það
. . . vorum reyndar nær þeim
þriðja. En að baki þessu liggur
mikil vinna og áhugi hjá fjölda
fólks. Það var unnið ákaflega
vel fyrir þessar kosningar og ég
vil þakka sigurinn öllu því fólki
sem þar lagði hönd á plóginn.
Ég tel að sú staða sem Alþýðu-
bandalagið hefur nú á Akureyri
sé traust. Þetta er fast fylgi. En
auðvitað höfum við alla tíð haft
of lítið afl í bæjarstjórninni á
Akureyri og þar af leiðandi hafa
skoðanir okkar oftar en ekki
orðið í minnihluta.
Hvað varðar nýja meirihlut-
ann hér, er lítið hægt að segja.
Við erum ekki farin að sjá
neinar starfsaðferðir, við vitum
t.d. ekki hvort þessi meirihluti
muni taka sama tillit til minni-
hlutans eins og verið hefur.
Þetta á allt eftir að koma í ljós.
En þó svo við verðum í
minnihluta næsta kjörtímabil er
engin ástæða til að láta deigann
síga. Við munum starfa af krafti
að okkar hugðarefnum og reyna
að koma fram skoðunum okkar
eftir bestu getu. Og þá er ekki
síður þörf á að hinn almenni
stuðningsmaður styðji við bakið
á bæjarfulltrúum sínum.
í sama streng tók Heimir
Ingimarsson, sem nú tekur í
fyrsta sinn sæti í bæjarstjórn
Akureyrar. Hann sagðist vera
ánægður og þakklátur fólki
fyrir góðan stuðning og mikla
vinnu sem innt hefði verið af
hendi fyrir kosningarnar.
- En varðandi það sem er að
gerast hjá okkur núna, þá er ég
ekkert yfir mig hrifinn, bætti
Heimir við. Viðreisn hefur
aldrei verið mitt uppáhald og
samstarf krata og íhalds leggst
illa í mig.
Aðspurður sagðist Heimir
heldur hafa viljað starfa í meiri-
hluta en minnihluta. En það
yrði ekki á allt kosið.
Það sem vekur etv. mesta
athygli hér á Akureyri er afhroð
Framsóknarflokksins. Nú eru
þrír flokkar svo til jafn stórir, í
stað þess að Framsóknarflokkur
hefur alltaf þótt eiga dágott vígi
hér í höfuðstað Norðurlands og
með málgagnið í brjóstvasanum.
En svo bregðast krosstré.
Þegar þetta er skrifað hefur
Alþýðuflokkur og Sjálfstæðis-
flokkur myndað meinhluta í
bæjarstjórn Akureyrar. Það tók
flokkana aðeins nokkra klukku-
tíma að koma sér saman um
málefnasamning. Engar aðrar
viðræður fóru fram milli flokk-
anna. Nýr bæjarsjtóri hefur
verið ráðinn í stað Helga Bergs
sem tekur við starfi fram-
kvæmdastjóra Kaffibrennslu
Akureyrar. Sá heitir Sigfús
Jónsson og hefur starfað sem
sveitarstjóri á Skagaströnd frá
árinu 1983.
GA.
Þaö vantaöi bara svona i priðja manninn, gæti Sigga verið að segja
- Húsavík
G-listinn heldur sínu
þrátt fyrir nýtt framboð
Valgerður Gunnarsdóttir.
að sannaðist í kosningunum
á Húsavík að hvert atkvæði
er dýrmætt. Þar skildu aðeins
tvö atkvæði á milli þriðja manns
G-lista og þriðja manns B-lista.
Úrslitin urðu sem hér segir:
Alþýðubandalag og óháðir hlutu
378 atkvæði eða 26,1% og
tapaði 0,5% frá síðustu kosn-
ingum. Þrír sitja þá í bæjar-
stjórn, Kristján Ásgeirsson,
Valgerður Gunnarsdóttir og
Örn Jóhannsson.
Alþýðuflokkurinn fékk 272
atkvæði eða 18,8% og bætti við
sig 0,2%. Tveir menn komust í
bæjarstjórn.
Framsóknarflokkur fékk 376
atkvæði eða 25,9% og tapaði
7,6%. Tveir komust í bæjarstjórn
en voru áður þrír.
Sjálfstæðisflokkur hlaut 238
atkvæði eða 16,4% atkvæða og
missti 4,9%. Einn sjálfstæðis-
maður situr nú í bæjarstjórn
Húsavíkur.
Víkverjar hlutu 186 atkvæði
eða 12,8% og einn mann.
Víkverjar buðu ekki fram við
síðustu kosningar.
Á síðasta kjörtímabili voru
Framsóknarflokkur og Sjálf-
stæðisflokkur í meirihluta á
Húsavík. Hvað verður næstu
fjögur árin er ekki gott að vita
því flokkarnir hafa ekki komið
sér saman um nýjan meirihluta.
Örn Jóhannsson.
Einhverjar viðræður hafa átt sér
stað.
Valgerður Gunnarsdóttir tekur
nú í fyrsta sinn sæti í bæjar-
stjórn Húsavíkur. Hún var
spurð að því hvernig tilfinning
það væri að vera nú komin í
ábyrgðastöðu hjá, bænum. Hún
sagði það bara góða tilfinningu.
4 -NORÐURLAND