Organistablaðið - 01.06.1970, Blaðsíða 1

ORGANISTABLAÐIÐ
1. TBL.
JÚNÍ 1970
3. ARG.
LISTAHATIÐ
Listahátíðir, einkum tónlistarhátíðir, eru mjög algengir viðburðir á
síðari árum, og hefur þessi nýbreytni jafnvel borizt hingað norður
á hjara veraldar, og sannleikurinn er sá, að þær hafa orðið mikil
lyftistöng andlegu lífi í þeim löndum þar sem þær hafa farið fram.
'Ekki aðeins þyrpast lislamenn að hvaðanæva úr veröldinni, lieldur
hafa hátíðirnar átt mikinn þátt í að skapa fjölbreylni daglegs Hfs
og endurnýjun í list og atvinnuviðhorfum. Gjaldeyristekjur af ferða-
mönnum hafa endurlífgað efnahagslífið, því lífsþyrst ferðafólk sækist
eftir að gerast þátttakendur í listalífi. Þannig 'hafa hinar svonefndu
Edinborgarhálíðir lyft þessari hlédrægu þjóð á nýtt s'.ig andlegra
samskipta við umheiminn. Ilið sama má raunar segja um hátíðirnar
í Bergen.
Hér á landi hefur einnig verið stofnað til nokkurra tónlistarhátiða,
má þar nefna norræna organistahátíð 1952, sem mjög var rómuð
um öll Norðurlönd, Beethoven-Busch hátíð Tónlistarfélagsins og
norræna tónlistarhátíð á vegum Tónskáldafélagsins.
Norræna kirkjutónlistarhátíð var fyrir löngu ákveðið að lialda hér
í sumar og verður hún einn liður hinnar miklu Listahátíðar, nokkurs
konar inngangur að há'íðahöldunum. Listahátíðin i sumar mun án
efa verða mikil andleg lyftislöng listarinnar í landinu og marka þar
tímamót.
Fyrir okkur er mjög mikilvægt að hlutur kirkjutónlistarinnar komi
skýrt fram, svo mjög sem þekking okkar er byggð upp á þeirri menn-
ingu sem kirkjan hefur stofnað til í árliundruð.
Félag íslenzkra organista vill láta i ljós gleði sína og þökk til þeirra
sem þátt hafa átt í að koma þessum liátíðahöldum á fót og gera
draum margra um íslenzka menningu á heimsmælikvarða að veruleika.
Hátíð er til heilla bezl.