Organistablaðið - 01.11.1970, Qupperneq 25
Sigurjón var gæddur prýðilegum tónlistarhæfileikum. Hann nam
orgeileik og tónfræði hjá Sigfúsi Einarssyni í Keykjavík, og var
vafalaust einn af hæfustu organistum hinna dreifðu byggða á sinni
tíð. Eljótlega eftir að hann korn til Víkur stofnaði hann blandaðan
kór og má segja, að hann væri starfandi öll ár Sigurjóns iþar eystra
með eðlilegum mannaskiptum, seinni árin sent kirkjukór Víkur-
kirkju. Á tímabilum æfði Sigurjón einnig kvennakór og fámennan
karlakór. Með þessu lagði liann til mikilvægan þátt á samkomum
þorpsbúa og við sérstök tækifæri.
Mörg fyrstu ár Sigurjóns í Vík áttu Víkurbúar kirkjusókn að
Reyniskirkju, en ekki mun hann hafa verið ráðinn organisti þar.
Þó spilaði hann þar oft. En guðsþjónustur hafði faðir minn, sr. Þor-
varður Þorvarðsson, í samkomuhúsinu í Vík, fyrst aðeins urn jól
og nýár, en síðar reglulega þriðja hvern sunnudag þar til Víkur-
kirkja var vígð 1934. Við þessar guðsþjónustur var Sigurjón organ-
isti og æfði sönginn. Síðan var hann organisti Víkurkirkju frá
1934.—1948.
Sigurjón kenndi söng við unglingaskóla í Vík fyrstu árin. Og ef
einhver söng einsöng á samkomum, þá var Sigurjón undirleikari.
Lúðraflokkur var í Vík á bernskuárum mínum þar. Honum stjórnaði
Sigurjón. Mörgum nemendum kenndi hann að Ieika á harmonium
og var vandvirkur kennari.
Allmörg lög samdi Sigurjón, og voru sum sungin eystra. Þyrftu
þau að vera fleirum kunn. En lítt mun Sigurjón hafa gert til þess
að kynna tónverk sín, enda dulur maður og fremur hlédrægur. Sakn-
aði hann þess og, að hafa ekki hlotið meiri menntun í tónlistinni,
«n henni unni hann af alihug alla ævi. Minnisstæð er mér nótnaskrift
hans, handbragðið frábærlega fagurt. En svo var Sigurjón, að ekk-
ert gerði hann nema vel. Var hann í öllu traustur og skyldurækinn,
pruðmenni í framkomu, virðulegur, hógvær sæmdarmaður.
Kvæntur var Sigurjón Höllu Guðjónsdóttur frá Vík. Áttu þau tvö
börn, Guðbjörgu, sem búsett er í Kaupmannahöfn og Kjartan, söngv-
ara, sem lézt við tónlistarnám í London veturinn 1945, frábær maður
að tónlistarhæfileikum og mannkostum.
Sigurjóns Kjartanssonar minnist ég þakklátum liuga fyrir trausta
Vináttu hans og hið ljúfasta samstarf við helga þjónustu í Víkurkirkju.
Jón Þorvarðsson.
ORGANISTABLAÐIÐ 25