Organistablaðið - 01.11.1970, Side 30

Tónleikahald í Reykjavík
MikiS hefur verið um kirkjulegan
tónlistarflutning í höfuðborginni, síð-
an síðast var skrifað um slíka viðhurði
í blaðið. Er })á fyrst að nefna flutn-
ing „Missa Solemnis" 5. marz í Há-
skólabíói Fílharinoníukórinn, sinfoníu-
hljómsveitin og einsöngvararnir Lona
Koppel, Rut L. Magnússon, Sigurður
Björnsson og Kristinn Hallsson fluttu
undir stjórn Roberts A. Ottóssonar.
Tónleikarnir voru svo endurteknir
laugardaginn 7. marz.
Gústaf Jóhannesson og kirkjukór
Laugarnessóknar héldu tvenna tónleika
fyrir og eftir áramótin. Seinni tón-
leikarnir voru um miðjan janúar. Á
efnisskránni voru Motetta eftir H.
Distler, ,,í kirkjugarði" fyrir kór,
tenor og orgel eftir Gunnar R. Sveins-
son, við texta Vilhjálms frá Skáholti.
Einnig söng Karen Langeho aríur
cftir Hándel á tónleikum þessum.
Fyrri tónleikarnir voru 2. nóv. og
voru það Bach-tónleikar. Gústaf lék
„Fantasíu og fúgu í g-moll“ á orgelið.
Kórinn flutti ásamt einsöngvurum og
hljóðfæraleikurum kantötuna „LieJi-
ster Jesu mein verlangen". Einnig lék
Guðný Guðmundsdóttir einleik á fiðlu.
Um miðjan marz fluttu Jón G. Þór-
arinsson, og Bústaðakirkjukórinn „Sjö
orð Krists á krossinum" eftir H.
Schutz, „Missa Brevis“ eftir Mozart
og frumfluttu „Epithapium" eftir Jón
S. Jónsson, sem samið var í minningu
um tengdaföður lians Einar Dyrset.
Tónleikarnir fóru fram í Háteigs-
kirkju og var mjög góð aðsókn að tón-
leikunum.
Hallgrímskirkjukórinn undir stjórn
Páls Halldórssonar flutti tvær jóla-
kantötur, eftir Sören Sörensen og Jane
La Rowe, í Hallgrímskirkju 21 des.
Samsöngur þessi var endurtekinn i
Laugarneskirkju 4. jan.
„F',riður á jörðu", óratórí Björgvins
Guðmundssonar var flutt í Neskirkju
á bænadaginn 3. maí s.l. af kór kirkj-
unnar ásamt safnaðarkórnum og kór
Ytri-Njarðvíkurkirkju og kirkjukór
Hveragerðis og Kotstrandar. Jón Is-
leifsson stjórnaði tveim fyrst töldu
kórunum en Jón II. Jónsson þeiin síð-
ast nefnda. Undirleik á orgel og píanó
önnuðust Páll Halldórsson og Carl
Billich fyrir Neskórinn, C. B. og Jón
Dalhú fyrir Njarðvíkurkórinn og Gróa
Hreinsdóttir fyrir Kotstrandar- og
Hvcragerðiskórinn. Einsöngvarar voru:
Sigurveig Iljaltested, Friðbjörn G.
Jónson, Guðrún Tómasdóttir og Guð-
mundur Jónsson. Samsöngur þessi var
endurtekinn í Selfosskirkju 10. maí.
Dónikórinn stóð fyrir tvennum tón-
leikuin í Dómkirkjunni. Þeir fyrri
voru sunnudaginn milli jóla og nýárs.
Þá flutti kórinn þýzk jólalög í útsetn-
ingu Bachs, en Ahel Rodrigues lék á
orgelið milli laganna og einnig með
i þætti úr „Magnificat" Baclis, sem
kórinn flutti.
Á skirdag frumflutti kórinn „passíu"
eftir Atla Heimi Sveinsson, sem samin
var við passíusálma Hallgríms Péturs-
sonar. í þeim flutningi tóku einnig
þátt 6 leikarar með upplestri sumra
sálmanna. Blásarakvintett lék með í
verkinu, einsöngvarar voru úr kórnum.
Atli lék sjálfur á orgelið. Stjórnandi
tónlistar var Ragnar Björnsson, stjórn-
andi upplesturs var Sveinn Einarsson.
Á skírdag koinu til landsins Einar
sonur Sigfúsar Einarssonar tónskálds
og fyrrum dómorganista, ásamt konu
sinni og tveim sonum. „Sigfússonkvart-
ettinn", en svo nefnir fjölskyldan sig,
30 ORGANISTABLAÐIÐ