Organistablaðið - 01.09.1972, Blaðsíða 3

Organistablaðið - 01.09.1972, Blaðsíða 3
víkur til þess aS hlýða á söngkennslu Brynjólfs Þorlákssonar og Sigfúsar Einarssonar í barnaskóla Keykjavíkur og læra af reynslu íþeirra, en þeir þóttu hinir ágætustu söngkennarar. Enn fremur fór hann nokkrum sinnum utan til frekara náms í tónlist, og árið 1913 stund- aði hann nám viS kennaraháskólann í Kaupmannahöfn. Auk þess kynnti hann sér söngkennslu í Noregi og Svíþjóð. Auk umfangsmikilla kennslustarfa stofnaði Friðrik nokkra kóra og þjálfaði þá. — Fyrst má telja karlakórinn „Þresti", sem hann stofnaði 1912 og stjórnaði í 14 ár. Kvennakór, „Erlur" slofnaði hann 1918. Sá kór starfaði nokkur ár og söng oft opinberlega. Nokkra aðra kóra stofnaði hann í Hafnanfirði, en þeir urðu skamm- lífir. Nokkuð sinnti Friðrik ritstörfum, aðallega um tónlist og ættfræði. Hann stofnaði ásamt Sigfúsi Einarssyni tónlistartímaritið „Heimi" hinn eldri, er hóf göngu sína 1923 og kom út í nokkur ár. Eftir fyrsta árið varð hann að láta af ritstjórn þess sökum annríkis. Hann skrifaði margar ágætar greinar í það blað. Fyrir nokkrum árum birtust nokkrir minningaþættir eftir Friðrik í tímaritinu „Akranes". Seinna voru þeir gefnir út í bókarformi (Akranesútgáfan 1957). Helzta starf Friðri'ks utan söngkennslunnar var kirkjuorganleik- arastarfið. — Við Garðakirkju starfaði hann frá 'því í júlí 1914 og fram á jólaföstu það ár, er Hafnarfjarðarkirkja var vígð og tók hann við organleikarastarfi þar. Árið 1916 gaf kvenfélag kirkjunnar nýtt 7 radda pípuorgel í kirkjuna og var þaS fyrir tilstilli Friðriks. OrgeliS smíSaSi Zachariassen í Árósum og þótti hiS ágætasta hljóS- færi. Það kostaði 3700 krónur. Þetta orgel er nú í Kirkjuvogskirkju í Höfnum. Kirkjusöngur hjá Friðrik 'þótti alltaf mjög vandaður og kórinn var skipaður úrvals söngröddum. — Hátíðavíxlsöngva samdi hann, sern um árabil voru sungnir. Sérstaklega má geta áramótasöngvanna, «em settu sérstakan hátíðablæ á guðslþjónusturnar á gamlárskvöld og nýársdag. Kirkjukórinn söng einnig við ýms tækifæri utan kirkju í tíð Friðriks, m. a. tvívegis i útvarp og þótti takast vel. Hann sagði lausu organleikarastarfinu við Hafnarfjarðarkirkju haustið 1950. Hann hafði þá um hríð þjáðst af taugabólgu i hægri hendi, sem gerði honum ókleift aS rækja þaS starf svo vel, aS hann gæti við unað. ORGANISTABLAÐIÐ 3

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.