Organistablaðið - 01.09.1972, Síða 7
Til þessara kirkjusöngshátíða hefur verið venja að hjóða einum
fulltrúa frá ihverju liinna 'Norðurlandanna. Formanni Kirkjukóra-
sambands Islands, Jóni ísleifssyni, var boðið að vera fulltrúi íslands
á þessari kirkjutónilistar'hátíð. Þar sem hann sá sér ekki fært að
'taka iþessu iboði, óskaði liann eftir því að undirrituð yrði fulltrúi
kirkjukórasambandsins í hans stað. Ákveðið var að sækja mótið í
Kristianstad, iþar sem það hafði minnstan ferðakostnað í för með sér.
Fulitrúi Dana var dómorganistinn Ricfhard Sennels og Finna próf.
Helge Nyman. Norðmenn sendu ekki fulitrúa til Kristianstad lieldur
til Visby. Þátttakendur í Kristianstad voru 1.105 fullorðnir og 220
börn og unglingar.
Föstudaginn 16. júní kl. 19.00 var mótið sett í Heliga Trefaldig-
hetekyrkan (en þar fóru allir tónleikar hátíðarinnar fram). Bisk-
upinn i Lundi, Olle Nivenius, hélt setningarræðu mótsins. Þar voru
einnig flutt ibæði gömul og nýskrifuð verk, m. a. eftir Hovland.
Um kvöldið kl. 22.30 voru haldnir fyrstu tónleikar mótsins. Á
efnisskránni voru eingöngu nýsamin verk, sum mjög athyglisverð,
m. a. eftir T. Nilsson, M. Karkoff og S. Salonen.
17. júni, aðaldagur mótsins rann upp bjartur og fagur, fáni Is-
ilands, ásamt fánum Svíþjóðar, Danmerkur og Finnlands, hlöktu
við hún á höfuðtorgi borgarinnar.
Kl. 12.00 voru útiihljómleikar fyrir utan Tónlistarhöllina. Þar
var flutt hæði kirkjuleg og veraldleg tónlist.
Að hljómleikunum loknum var hinum norrænu fulltrúum ásamt
þeim biskupum sem mótið sóttu, auk nokkurra annarra gesta, boðið
til hátíðlegrar veizlu. Meðal iþeirra, sem boðnir voru, var hinn gagn-
merki guðfræðingur og tónlistarmaður, Gústaf Aulén, en hann er
nú á 94. aldursári. Gestirnir sýndu mikinn áhuga á því að fræðast
ura Island og þá sérstaklega það, sem varðar kirkjutónlist og trúar-
líf Islendinga. í þessum fagnaði veittist mér tækifæri í ávarpi að
B’kýra frá starfsemi Kirkjukórasamlbands Islands og flytja kveðjur
þess til hinna sænsku gestgjafa.
Að þessari veizlu lokinni, var haldið til kirkjunnar, en þar voru
tónleikar kl. 15.00. Að þessu sinni var eingöngu flutt rómantisk
tónlist, m. a. verk eftir Brahms og Verdi, auk messu í c-moll eftir
Rruckner fyrir 8 radda hlandaðan kór, ásamt 15 blásurum, sem
rnikla hrifningu vakti.
Næstu tónleikar voru haldnir tæpum þremur timum seinna kl. 19.00
ORGANISTABLAÐIÐ 7