Organistablaðið - 01.10.1973, Blaðsíða 12

Árið 1955 og aftur 1962 dvaldi hún um iþriggja mánaða skeið við
nám í söngskóla þjóðkirkjunnar, kom að því loknu aftur heim í
hérað og tók við starfi sínu á ný við kirkjur og kóra með endurnýj-
uðum kröftum. Á árunum 1946—’61 hefur hún haft eftirlit með
kirkjukórum í N.-Þingeyjarprófastsdæmi. Einstökum nemendum hef-
ur hún veitt kennslu í orgelleik og undirstöðu í tónfræði. Auk alls
þessa var hún kvödd til starfs á enn víðari vettvangi. Hún tók að
sér söngkennslu við Reykjaskóla í Hrútafirði 1957—’65 og við
Kvennaskólann á Blönduósi nokkur ár frá j)ví 1961. Hún hefur samið
lag við söng Reykjaskóla, textinn eftir Ingimund Ingimundarson og
við ljóð norðlenskra kvenna, texti eftir Laufeyju Sigurðardóttur.
Hún hlaut verðlaun í sönglagakeppni Ríkisútvarpsins árið 1946,
reyndist kunna flest lög allra þátttakenda eða alls 1333.
Björg er óvenju heilsteypt að allri gerð, hrein og hein með glöggt
auga fyrir því broslega í tilverunni, þó er það alvara og ábyrgðar-
tilfinning, sem eru sterkustu þættir lífs hennar.
Erik Abrahamsen segir í bók sinni um tónlistina: Lítið lag er
heill heimur út af fyrir sig, segja má, ef til vill, lieill ævintýra-
heimur.
Mörg sálmalög vor búa yfir fegurð, sem engin orð fá lýst. í hvert
sinn, sem Jrau eru flutt, er sem heyra megi ,,óma frá ódáins akri“.
Björg hefur alla tíð haft opin augu fyrir gildi og jrýðingu góðs
'kirkjusöngs.
Æðsta hugsjón hennar og að nokkru ævistarf hefur beinst að
því að efla hann, lyfta honum á æðra stig.
Ég þakka henni ógleymanlegt samstarf og J)átttöku í helgiathöfn-
um á norðurslóðum um tugi ára og bið henni og söfnuðum þar
blessunar Guðs.
Megi merkið standa, hugsjónin lifa, sem leitar þess andlega handan
alls!
Páll Þorleifsson.
12 ORGANISTABLAÐIÐ