Organistablaðið - 01.12.1973, Blaðsíða 7

Reykjavík, 8. október 1973.
Til sóknarnefndar Neskirkju.
ASalfundur í Félagi ísl. organleikara, haldinn í Langholtskirkju
miðvikudaginn 19. september 1973 samþykkir að fordæma harðlega
framkoma sóknarnefndar við uppsögn organista kirkjunnar, Jóns
ísleifssonar.
Það mun næsta fátítt að staða sé auglýst laus til umsóknar áður
en viðkomandi aðili hefur meðtekið formlegt boð um að lians sé
ekki lengur þörf. Ef ekki er um því stærri afbrot í starfi að ræða,
hlýtur s'lík framkoma að vera í hæsta máta vítaverð.
Það er furðulegt að slíkt skuli gerast gagnvart starfsmanni, sem
hefur starfað áratugum saman af samviekusemi við kirkju sína.
f. h. sjórnar F. í. 0.
Jón Stefánsson, ritari.
Þetta var samþykkt með atkvæðum allra fundarmanna.
Reykjavík, 28. septembcr 1973
Til sóknarnefndar Nessafnaðar
Reykjavík
Við undirrituð, kórfélagar í Kirkjukór Neskirkju, lýsum andúð
okkar á þeirri aðferð, sem sóknarnefnd Nessóknar beitti, er hún
sagði Jóni ísleifssyni, organista upp störfum við kirkjuna, þ. e. að
auglýsa stöðuna lausa til umsóknar, án þess að fullvissa sig um það
áður, að honum hafi verið kunnugt uppsagnarbréfið.
Slíkt hefði ekki verið nema sanngjarnt og sjálfsögð kurteisi við
mann, sem starfað hefur af trúmennsku og frábærri skyldurækni sem
organisti í söfnuðinum frá stofnun hans, nánar tiltekið í 33 ár.
Það er réttur hvers atvinnurekanda að geta sagt upp starfsmönnum,
en kirkjunnar menn ættu að sýna nærgætni og kristilegt hugarfar,
þegar um samskipti samstarfsmanna er að ræða.
Við viljum taka J)að fram, að öll samskipti okkar við Jón hafa
verið með ágætum, og við erum honum þakklát fyrir dugnað hans,
ósérlilífni og ágætt samstarf. Að okkar dómi, hefur hann vissulega
fórnað miklu meiri tíma í starfið, lieldur en skyldan hauð.
Undir Jjetta skrifuðu 17 kórfélagar, J). e. a. s. allir nema ein
manneskja.
ORGANISTABLAÐIÐ 7