Organistablaðið - 01.04.1977, Blaðsíða 3
JAKOB TRYGGVASON
Með þessum línum eru organ-
leikaranum Jakobi Tryggvasyni
sendar bestu aímælisóskir í til-
efni 70 ára afmælisins. Þegar
Jakob var að alast upp, var nám
í hljóðfæraleik enn í frumbernsku
hér heima. Aðeins fáir höfðu lagt
út á þá braut — nokkrir hug-
sjóna- og áhugamenn sem ekki
létu það aftra sér að tónlistarnám
var vægast sagt mjög tvísýn fjár-
festing.
Þegar Jakob lauk námi biðu
hans margháttuð tónlistarstörf.
Hann var organleikari við Akur-
eyrarkirkju og söngstjóri kóra,
skólastjóri tónlistarskóla og kenn-
ari, ennfremur stjórnandi lúðrasveitar. Ég læt þessari upptalningu
lokið, en á henni sést að víða hefur hann þurft að koma við sögu.
Við vitum jafnframt að mörg þessara starfa eru hvert um sig á við
aðalstarf. Samt er Jakob furðu lítið sundurtættur eftir þetta allt, og
er sá sem gott er að leita ráða hjá — gefur sér tíma og íhugar, en
svarar ekki eins og úr steinrunnum farvegi. Varaformaður félags okk-
ar hefur hann verið frá 1952. í sambandi við það bregður fyrir ýms-
um svipmyndum: Ræðumaður við setningu norræns kirkjutónlistar-
móts í Osló 1965, veislustjóri í samsæti er Organistafélagið hélt
Páli Isólfssyni er hann varð sjötugur. Við slík tækifæri kemur kímni-
gáfa hans skemmtilega fram.
Ég ætla að leyfa mér í þessum fáu línum að þakka Jakobi fyrir
fyrsta orgeltímann minn, en það var í Siglufjarðarkirkju að loknu
kóramóti 1952 — veislan beið, en Jakobi lá ekkert á. Hann leysti
úr öllum mínum spurningum af stakri þolinmæði. Þá kvnntist ég og
einnig síðar natni hans og alúð við trausta og góða orgelkennslu sem
hvílir á alhliða tónlistarmenntun hans. Störf hans á því sviði eiga
eftir að bera ríkulegan ávöxt, enn meir en þegar orðið er. Á þessum
ORGANISTABLAÐIB 3