Organistablaðið - 01.04.1977, Blaðsíða 5

að voru lítiS sem ekkert sungnir í kirkjum landsins, en undirritaður
telur það hafa verið algjöran óþarfa af sálmabókarnefnd að fella
niður t. d. sálmana „Breiðist Guð, þín blessun yfir“, ,,Blessun yfir
barnahjörð“ og „Sem vorsól ljúf er lýsir grund“, en þessara sálma er
mest saknað. Það skal fúslega játað, að það voru teknir margir nýir
sálmar í Sálmabókina og er það vel, en það mun samt koma fram
síðar, að margir þeirra munu aldrei verða eins vinsælir, eins og þeir
sálmar voru, er fyrr voru nefndir. I Sálmabókinni frá 1945 eru að-
eins 2 sjómannasálmar, og í Sálmabókinni 1972, eru þeir einnig 2,
en þeim hefði mátt fjölga, vegna þess að það er vöntun á sjómanna-
sálmum, og í þessu sambandi er rétt að það komi fram, að óþarft var
að fella niður sálminn „Þótt æði stormar heims um haf“, eins og
gert hefur verið, en ekki meira um Sálmabókina.
Á árinu 1976 var gefinn út nýr Sálmasöngsbókarviðbætir, og vill
undirritaður fara um hann nokkrum orðum. Óhætt mun að segja
það, að margir organistar hafi beðið eftir honum með eftirvæntingu,
en því miður orðið fyrir miklum vonbrigðum með útkomu hans, og
ekki síst vegna þess hve langan tíma það tók að hann sæi dagsins
ljós, ef svo mætti segja. Það er leitt til þess að vita, hve illa hefur
tekist til með prentunina, því að margs konar prentvillur er þar að
finna og þær mjög slæmar margar hverjar. Það hafa t. d. brenglast
nöfn á höfundum sumra laganna þannig, að erlend lög eru talin vera
eftir íslenska höfunda o. s. frv. Það skal tekið fram, að í þessa bók
hafa verið tekin allflest lögin úr Sálmasöngsbókarviðbætinum er þeir
Björgvin Guðmundsson, dr. Páll Isólfsson og Sigurður Birkis gáfu
út fjölritaðan eftir að sálmabókin 1945 var gefin út, en sérstaklega
sakna ég lagsins „Gleð þig særða sál“ eftir Sigvalda Kaldalóns, sem
ekki var tekið í þennan viðbæti, og þannig mætti nefna fleiri lög, en
það verður ekki gert í þessari grein. Söngmálastjóri Þjóðkirkjunnar
Haukur Guðlaugsson hefur nú nýverið sent organistum landsins lista
með leiðréttingum í viðbætinum og á hann þakkir skilið fyrir það,
og vil ég sérstaklega þakka honum fyrir allt það sem hann hefur
sent frá sér á þeim tíma sem liðinn er síðan hann tók við starfi söng-
málastjóra, og sýnir það áhuga í starfi hans. Að lokum vil ég óska
þess, að sem fyrst verði gefin út aukin og endurbætt útgáfa af bæöi
sálmabók og sálmasöngsbók, sem allir geti verið ánægðir með fram
vegis.
Guðmundur Kr. Guðnason.
ORGANISTAKI.AÐIB 5