Organistablaðið - 01.07.1977, Blaðsíða 9
ORGANISTANÁMSKEIÐ
i Svíþjóð, Danmörku og Englandi.
Svíþjóð.
í einum allra vinsælasta músikskóla í Svíþjóð, Geijerskólanum í
Ransater, sem liggur um 50 km fyrir norðan Karlstad, eru haldin
viku-, hálfsmánaðar- og einsmánaðar námskeið á hvetju sumri. —
Á mánaðarnámskeiðinu eru þessi fög tekin fyrir: Píanó, orgel,
tónheyrn, greining tónverka, söngur, kórstjórn og kórþjálfun. Hálfs-
mánaðarnámskeið eru haldin á svipaðan hátt og vikunámskeið eru
haldin fyrir stjórnendur barnakóra. Vikunámskeið fyrir unglinga-
kóra eru haldin að loknu kórstjórnarnámskeiðinu. Þess skal getið
að í Geijerskólanum er hægt að innritast til eins árs í þeim fögum
sem nemandi kýs sér sjálfur.
Danmörk.
I Danmörku er námskeið haldið í Askov Elöjskole á hverju
sumri. Það er mikið lagt upp úr söngnum (einkatímar og kórtím-
ar), liturgíu og kórstjórn. Námskeiðin við Askov eru frábrugðin
mörgum öðrum námskeiðum að því leyti að orgelkennslan fer fram
(t. d. í sumar) með fernu móti:
1. Sálmaspil: Farið er yfir ákveðna sálma sem þátttakendum eru
tilkynntir í tæka tíð. Lögð er áhersla á rétta pedalsetningu.
2. Farið er yfir sex erfiðari sálmalög ásamt litlu prelúdíunum og
fúgunum eftir Bach í orgelskóla Finns Viderö. Einnig er farið yfir
orgelkórala eftir Mogens Wöldike, sem tilheyra ákveðnum sunnu-
dögum í kirkjuárinu.
3. Farið er yfir forspil, millispil og eftirspil, s. s. kórala úr orgel-
buchlein (Pet. V.) og nýrri orgelkórala, t. d. eftir Lewkovitch.
4. Improvisation: Axel Andersen fer yfir og útskýrir skóla sinn í
leik af fingrum fram. (Þessi skóli er í þrem bindum og hefur fengið
mjög góða dóma). — Þeir sem taka þátt í atriðum úr 2. og 3. þurfa
að láta vita fvrirfram hvað þeir vilji helst spila. Ætlast er til að
hver þátttakandi hafi æft áður minnst 3 verk.
England.
The Royal School of Church Music í London starfar í námskeiðum
allt árið. Lengstu námskeiðin standa í þrjá mánuði. Mikið er lagt upp
úr messusöng, tónheyrn, hljómfræði og orgelspili. Þriggja mánaða
ORGANISTABLAÐIÐ 9