Organistablaðið - 02.12.1978, Qupperneq 9

SIGURÐUR G. ÍSÖLFSSON
Sigurður ísólfsson, organisti Fríkirkjunnar í Reykjavik, varð
sjötugur þann 10. júlí siðastliðinn.
Sigurður fæddist á Stokkseyri 10. júli 1908. Foreldrar hans
voru merkishjónin Isólfur Pálsson, organisti og tónskáld, og
kona hans Þuríður Bjarnadóttir. Sigurður var 10. barn þeirra
hjóna, en alls urðu systkinin 12.
Þraungur hagur ásamt timabundnum erfiðleikum ollu þvi að
Sigurður var ekki alinn upp hjá foreldrum sínum, heldur var
hann tekinn í fóstur af ljósmóður sinni Sigriði Magnúsdóttur
og manni hennar Guðna Árnasyni söðlasmið og hjá þeim ólst
hann upp.
Þau hjónin Sigriður og Guðni bjuggu á Stokkseyri til ársins
1915 en fluttu þá til Reykjavíkur og Sigurður með þeim.
Fyrsta heimili þeirra í Reykjavík var í svokölluðu Benedikts-
húsi að Bergstaðastræti 9. I þetta hús kom söngfólk bæjarins og
iðkaði söng, því að í þessu húsi bjó hún Billa þ. e. Benediktína
Benediktsdóttir, sem svo lengi söng með Dómkirkjukórnum og
allt eldra söngfólk bæjarins kannast við. Áreiðanlega hefur þessi
söngur glatt litla drenginn, sem þarna bjó og hafði fcngið tón-
listargáfuna í arf.
Árið 1918 fluttist fjölskyldan að Óðinsgötu 15. Þar i húsinu
bjó Björn Benediktsson netagerðarmaður. Að þessum manni
hændist Sigurður og það var vegna þess að Björn átti hljóðfæri,
sem heillaði hann, hljóðfæri sem var algengt á heimilum fyrr
á árum, en það var harmóníum. Hjá þessum manni hlaut Sig-
urður fyrstu kennsluna í hljóðfæraleik og kennslubókin var
Stapfsskóli, góð kennslubók með fallegri tónlist.
Árið 1922, þá 14 ára gamall hóf Sigurður að nema hjá syst-
ur sinni Margréti og lauk hjá henni þeim skóla sem liann hafði
byrjað hjá Birni. Eftir þetta hneigðist liugur hans að píatióleik
og sótti hann nokkrar kennslustundir í þeirri grein til Páls
bróður síns, sem kominn var frá námi erlendis. Endirinn á jtess-
ari kennslu varð sá að Páll hvatti Sigurð til að nema orgelleik
með það fyrir augum að gerast aðstoðarmaður sinn, en Páll
ORGANISTABLAÐIÐ 9