Organistablaðið - 02.12.1978, Blaðsíða 11

maður þeirrar starfsemi, sem nefnd var Musica Sacra, en það
voru kirkjuhljómleikar, sem haldnir voru á vegum F.l.O. um
árabil. Auk þess var Sigurður aðstoðarmaður Páls bróður síns,
þegar á þurfti að halda og því var við komið. Sigurður lék
einnig við þær guðsþjónustur sem frjálslyndi söfnuðurinn hélt
á meðan hann var til húsa í Fríkirkjunni.
Sigurður hefur unnið mikið og heillaríkt starf fyrir söfnuð
sinn. Hann hefur af trúmennsku og alúð sinnt starfi öll þessi
ár og e'nnþá situr hann við Sauer orgelið sitt í Frikirkjunni og
laðar fram fallega tóna og stýrir söng Guði til dýrðar.
Við sem stöndum að þessu blaði hyllum þennan starfsbróður
okkar og félaga á þessum tímamótum og flytjum honum og hans
ágætu konu Rósamundu Ingimarsdóttur hugheilar óskir um
bjarta framtíð. Gústaf Jóhannesson.
FRÁ STJÓRN F.l.O.
Eins og getið er um annars staðar í blaðinu, var samþykkt all-
mikil hækkun áskriftargjalds Organistablaðsins á síðasta aðal-
fundi F.l.O. Gjaldið verður nú 2500 kr. fyrir árganginn.
Á undanförnum árum hefur gjaldið verið afar lágt og dugði
nú ekki lengur fyrir burðargjöldum, umslögum og gíróseðli
fyrir sjálfu sér. Af þessum sökum aðallega, hefur ekkert blað
komið út í ár, fyrr en nú, að gefið er út 1. til 3. tölublað í einu
lagi, enda þrefalt stærra en venjulegt blað.
Þeim sem að útgáfu Organistablaðsins standa þykir það nokk-
uð ljóst, að sá hópur fólks, sem kaupir það, sé meira en viljugur
til að styrkja útgáfuna með þessum hætti
ORGANISTABLAÐIÐ 11