Organistablaðið - 02.12.1978, Side 38

Kór Landakirkju.
hina kórana. Var það bæði forvitnilegt og skemmtilegt að hlusta
á aðra flytja verk, sem við vorum búin að hamra á undanfarna
mánuði Svo kom að okkar þætti og vöktu þjóðbúningarnir
feikilega athygli, þegar gengið var upp á sviðið. Talsvert af fvr-
irfólki kom í salinn rétt áður en við byrjuðum. Þar á meðal lord-
ar með breiðar gullkeðjur. Allur tókst söngurinn áfallalaust og
hlaut hópurinn gott klapp.
Seinna um daginn voru siðan tilkynnt úrslit í keppninni og
kom þá í ljós, að við höfðum hafnað í 15. sæti af 20 og voru
menn almennt ánægðir með það. 1 fyrsta sæti varð ungverskur
kór enda áberandi bestur. Mjög var misjafnt að sjá viðbrögð
fólks þegar úrslit voru birt, Þarna voru kórar sem taka þátt í
þessari keppni á hverju ári og í þeim tilgangi einum að sigra.
Áttu þar margir erfitt að sætta sig við að fá ekki verðlaun og
mátti þar sjá vonbrigði og reiði speglast i andlitunum.
Þau Þórhildur Óskarsdóttir og Reynir Guðsteinsson tóku þátt
í keppni einsöngvara daginn áður og stóðu sig mjög vel. Varð
Reynir i 4. sæti í sínum flokki, en Þórhildur i 6—7 sæti í sópr-
anhópnum. Var þeirra keppni þó mun erfiðari, þar sem þau
urðu að hlaupa úr lestinni og beint upp á svið og fengu engan
tima til undirbúnings.
Að kvöldi keppnisdagsins söng kórinn á sameiginlegum kon-
sert þrjú íslensk þjóðlög við mjög góðar undirtektir.
38 ORGANISTABLAÐIÐ