Organistablaðið - 02.12.1978, Blaðsíða 39

Þessir dagar minntu nokkuð á Þjóðhátíð, eins og við þekkjum
hana hér í Eyjum, en ansi kom það manni spánskt fyrir sjónir
að sjá aldrei einn einasta mann undir áhrifum áfengis, meðau
á mótinu stóð og það í þessu mikla bjórdrykkjulandi.
í Wales söng kórinn svo við messu í enskri hákirkju og var
sú messa allmjög frábrugðin þvi sem við e'igum að venjast hér
heima. Síðan var haldið suður England og slappað af í tvo daga
i Torquay á suðurströndinni, þar sem haldinn var einn „óopin-
ber“ konsert fyrir gesti á hótelinu.
Þá var farið til Kantaraborgar, þar sem okkur veittist sú
ánægja að halda hálftíma tónleika í dómkirkjunni, einhverju
veglegasta guðshúsi í Evrópu. Var það stór stund og óglevman-
leg og margt manna af ýmsum þjóðernum, sem hlýddi á.
Síðasti söngurinn var svo í London, en þar var haldin alís-
lensk messa í danskri kirkju, þar sem séra Kjartan messaði.
Skírt var þennan dag, ekki Islendingur heldur Dani og mun
það trúlega í fyrsta sinn, sem íslenskur skirnarsálmur er sung-
inn við danska skírn.
Þar með var opinberum söng lokið í reisunni og verslun og
afslöppun það sem eftir lifði ferðarinnar. Fararstjórar í þessari
ferð voru þeir Eyjólfur Pálsson og Kjartan örn og var þeirra
þáttur slíkur, að engu var líkara en þeir væru þarna fæddir
og uppaldir, þótt hvorugur þeirra hafi farið þarna um áður.
Eiga þeir miklar þakkir skildar fyrir gott og fornfúst starf.
Þessi ferð kórsins var algerlega kostuð af kórfélögum sjálf-
um, en ráðist var í prentun á fallegri söngskrá, sem um leið
var nokkurs konar landkynning, litprentuð að hluta. Var það
kostnaðarsamt fyrirtæki, en fjölmargir aðilar hér i bæ veittu
okkur þar stuðning og viljum við hér ítreka þakkir okkar til
þeirra. — F. h. Kirkjukórs Vestmannaeyja.
Sigurgeir Jónsson
Kirkjukór Vestmannaeyja fór í söngför til Englands og Wales fyrri part-
inn í júlí sl. — Framanskráð frásögn birtist í bæjarblaðinu i Vestmannaeyj-
um í sumar. —
Söngskrá kórsins var fjölbreytt — íslensk og erlend lög. íslensku lögin voru
eftir Pál ísólfsson, Jón Ásgeirsson, Eluil Thoroddsen, Jón Nordal, Sigv. S.
Kaldalóns, Árna Thorsteinson, Jón Leifs og Bjarna Þorsteinsson.
Söngstjóri kórsins er Guðmundur H. Guðjónsson organisti við Landakirkju.
ORGANISTABLAÐIÐ 39