Organistablaðið - 02.12.1978, Qupperneq 41

ISRAEL — iTALÍA
FERÐ KIRKJUKÓRS AKRANESS
Jól í Landinu helga.
1 huga kristins manns er það aðeins eitt Gyðingaland, sem
í dag nefnist Israel.
Flestir íslendingar hafa einhvern tíma ævinnar látið sig
dreyma um þetta land og hversu gaman væri að koma þangað,
þó ekki væri nema einu sinni á ævinni. Fram eftir öldum voru
þeir sárafáir, sem gátu látið þann draum rætast, landið langt
undan, dýr og erfið ferðalög. En nú er öldin önnur en þegar
Rjörn Jórsalafari gerði sína frægu reisu. Nú er ílestum liindr-
unum úr vegi rutt, svo er rétt snertispölur að bregða sér þangað.
Þetta sólbrennda land i suðri er ekki lengur fjarlægur draum-
ur heldur veruleiki. Og nú eru þeir orðnir margir Jórsalafar-
arnir frá Islandi. Meðal þeirra erum við, sem lentum á Ren-
Guríon flugvellinum snemma morguns 22. des. 1977 í miklu
þrumuveðri og einu þvi mesta skýfalli, sem ég man eftir, það
var rétt eins og allar flóðgáttir himinsins opnuðust. Hér var
kominn kirkjukór Akraness með söngstjóra sinn Hauk Guð-
laugsson, söngmálastjóra i fararbroddi. Ennfremur nokkrir til
uppfyllingar, þar á meðal læknir, sem sá um likamlega vellíðan
hópsins og þrír geistlegir, sem eflaust áttu að gæta andlegrar
velferðar ferðalanganna og tókst vonum betur, enda hermenn
á hverju strái.
Sérstök tilfinning er að vera i Landinu helga um jólin. Þá
verða allir staðirnir, sem við sáum á glansmyndum í skini jóla-
ljósanna heima á gamla Fróni að veruleika. Betlehem, fæðingar-
kirkjan, hellirinn, þar sem fjárhirðarnir dvöldust þessa örlaga-
þrungnu nótt, þarna á völlunum hljómaði í fyrsta sinni fagn-
aðarboðskapurinn mikli: „Verið óhræddir, því sjá ég boða yð-
ur mikinn fögnuð, sem veitast mun öllum lýðnum, því að yður
er í dag frelsari fæddur, sem er Kristur Drottinn í borg Davíðs.“
Hirðarnir fóru til borgar Davíðs, Betlehem, fundu allt eins og
engillinn hafði sagt þeim.
ORGANISTABLAÐIÐ 41