Organistablaðið - 02.12.1978, Page 62

Kirkjukór Hólancskirkju 25 ára, 1978.
Fréttir úr Húnaþingi.
Kirkjukór Hólaneskirkju 25 ára.
Þann 20 apríl (sumardaginn fyrsta)
1978 minntist Kirkjukór Hólanes-
kirkju 25 ára afmælis síns með af-
mælishófi í Fellsborg á Skagaströnd,
að viðstöddum kórfélögum, styrktar-
félögum og gestum. Veislustjóri var
núverandi formaður kórsins Sævar
Bjarnason.
Undir borðum voru fluttar ræður
og voru ræðumenn þeir. sr. Pétur Þ.
Ingjaldsson prófastur og Björgvin
Jónsson, er flutti kveðjuræðu, en
hann og kona hans frú Þorgerður
Guðmundsdóttir eru að flytja til Ak-
ureyrar, en þau voru félagar í Kirkju-
kór Hólaneskirkju.
Kirkjukór Hólaneskirkju var stofn-
aður 20. apríl 1953 af Kjartani Jóhann-
essyni söngkennara frá Stóra-Núpi í
Árnessýslu, en hann var fenginn til
þess að þjálfa kórinn. Fyrsta stjórn
kórsins var þannig skipuð: Sigríður
Helgadóttir formaður, Ingibjörg Sæ-
mundsdóttir varaform., Jón Kristins-
son ritari og Guðmundur Kr. Guðna-
son gjaldkeri. Organleikari og söng-
stjóri var Páll Jónsson skólastjóri, en
hann lét af störfum árið 1965. Á þessu
25 ára tímabili hefur kórinn sungið
við guðsþjónustur og aðrar kirkjuleg-
ar athafnir, og hefur auk þess sungið
við fermingar í nágrannakirkjunum
á Höskuldsstöðum og Hofi, tekið þátt
í kirkjukóramóti á Blönduósi 1963 og
Þjóðhátíðarkór 1 Kirkjuhvammi 1974.
í afmælishófinu söng kórinn nokk-
ur lög undir stjórn Kristjáns A. Hjart-
arssonar organleikara og söngstjóra.
Þá söng karlakvartett við undirleik
Steinunnar Berndsen sem er efnileg-
ur og upprennandi píanóleikari. —
Kvartettinn skipa þessir menn, Sig-
urður Bjarnason, Sævar Bjarnason,
Sigmar Jóhannesson og Einar S.
Helgason. Þá heiðraði kórinn eftir-
62 ORGANISTABLAÐIÐ