Organistablaðið - 02.12.1978, Blaðsíða 70

takteinum á verkefnaskrá sinni —
(stærra repertoar) — en aðrir hljóð-
færaleikarar, en að þeir spili oft verk
„eftir organista fyrir organista“. Hann
segir að tiltölulega fá af þessum tón-
skáldum hafi samið mikið af annarri
tónlist en orgeltónlist. Meðal þeirra
fáu sem það hafi gert telur Edgeloe
Bach, Brahms, Mozart, Franck og
Messiaen.
Gustaf Aulén.
í desembermánuði 1977 lést sænski
biskupinn Gustaf Aulén í hárri elli.
Gustaf Aulén var ekki aðeins merk-
ur guðfræðingur, heldur var hann
mjög vel að sér í tónlist kirkjunnar.
Hann var mikill aðdáandi hins gre-
gorianska messusöngs, og átti stóran
þátt í að móta þá stefnu sem hefur
orðið ofaná í liturgiskri tónlist sænsku
kirkjunnar. — Gustaf Aulén samdi
kirkjulega tónlist og lét kirkjutónlist
mikið til sín taka. Árið 1961 gaf hann
út bók sem ber heitið „Högmássans
förnyelse“ en það er gagnmerk bók
um alla þætti messunnar liturgiska
sem kirkjutónlistarlega, bók sem hef-
ur haft mikil áhrif og er skrifuð af
mikilli þekkingu og áratuga reysnlu.
Gustaf Aulén var jarðssttur 28. des.
með viðhöfn í Dómkirkjunni í Lundi.
G. J.
Johann Nepomuk David.
Austurríska tónskáldið Johann Nepo-
muk David er nýlátinn. Hann var
fæddur 1895. Hann stundaði nám i
Wien. Að námi loknu varð hann org-
anleikari í Austurríki. Síðan var hann
prófessor við konservatóríið i Leipzig,
og forstjóri 1942—1945. Árið 1948 varð
hann prófessor 1 Stuttgart. J. N. D.
samdi mörg tónverk — sinfóníur,
kvartetta, oratoríum. Hann hefur
verið talinn með þeim tónskáldum
sem nú á tímum semja besta polyfon-
tónlist. Hann samdi mörg orgeltónverk
sem þykja mjög athyglisverð.
Fá af orgelverkum hans — en þó
nokkur — hafa verið leikin hér á
landi. P. H.
Axel Andersen
f. 19. mars 1919 — d. 18. nóv. 1977.
Avel var sérstakur persónuleiki,
var lítillátur og hlédrægur þar til
maður kynntist honum meira. Samt
sem áður gat hann látið mikið að sér
kveða bæði sem maður, organisti,
kennari og sem vinur.
Axel var organisti að köllun var
sérlega úrræðagóður þegar vanda bar
að höndum. Hann byggði upp kon-
servatoríið í Esbjerg, var formaður
D.O.K.S. í mörg ár, aðstoðarritstjóri
seríunnar „Musik í Kirken" og
gaf út fyrstu alhliða kennslubók á
Norðurlöndum í inprovísation, verk
þetta er í þrem bindum og mikið
notað við kennslu.
Lengst af starfaði hann úti á Jót-
landi. Frá 1955 var hann prófessor
við Konservatoríið í Kaupmannahöfn
og ráðunautur kirkjumálaráðuneytis-
ins í orgel málum.
Eftir hann liggja nokkur orgel- og
kórverk. Af þessu stutta yfirliti má
sjá að Axcl Andersen var mikilvirk-
ur starfsmaður á vettvangi organista.
G.Þ.G.
70 ORGANISTABLAÐIÐ