Organistablaðið - 01.12.1979, Page 3

Organistablaðið - 01.12.1979, Page 3
Dr. Hallgrímur Helgason: Kóralbók eða prentvillu-paradís Við lestur Organistablaðsins má þar finna margtgott innlegg, ekki sízt efni um íslenska brautryðjendur tónmennta, sem vert er að minnst sé. Hinsvegarskortir mjög á efnislega greinargerðfyrir útgáfum. Fyrir þá lesendur, sem efla vilja eigin dómgreind með því að meðtaka rökstuðning um gildi útgáfu, hversvegna sumt sé gott og annað miður gott, þá verður útkoma snauð. Allar útgáfur flokkast til bókmennta, en þær eru hinsvegar hluti menningar. En menning þrífst því aðeins, að gagnrýni dafni. Menningarleg ábyrgðartilfinning hlýtur því að ala með sér þörf á gagnrýni. Tónmenntaútgáfa er hjá okkur næsta fáskrúðug, enda er forsaga þeirra og þroskabraut æði stutt. Engu að síður eða máske einmitt þessvegna má þeim, sem láta þessa grein sig nokkru skipta, aldrei daprastsýn. Margir kveinka sér við eðlilegri, réttmætri gagnrýni. Þeir óttast, að hana megi útleggja sem óvild í garð einstakra manna. Slíkt verður enn tilfinnanlegra í návígi fámennis innan íslenzks samfélags. En sanngjarn og sannmenntaður maður lætur ekki slík vandkvæði aftra sér. Efnislegur málstaður situr með honum i fyrirrúmi og hann temur sér því hlutlægni(oó/e/rí/V/'feí). Persónulegt mat á mönnum víkur fyrir efnismati. Ein þeirra bóka, sem kirkjumúsikstjórnendur hafa til notkunar er Viðbætir Sáimasöngsbókar (1976). Ætla mætti, að ítarleg frásögn um þetta rit hefði birzt í tímaritinu. En svo er ekki, að undanskildum nokkrum lakónískum athugasemdum P.K.P. 1. tbl. 1977 ("markmiðsleysi, hæpið lagaval, lélegar raddsetningar"). Ekki eru þær rökstuddar frekar, né heldur bent á dæmi, staðhæfingum til stuðnings. Því síður hefir útgáfunefnd borið af sér slyðruorð "til skammar fyrir organistastéttina". Skal því vikið nokkru nánar að þessari kóralbók. Sjálfsagt hefði verið að raða lögum eftir tilgangi, t.d. safnaðarsöngur, kórsöngur, einsöngur, ordinarium -\\b\r,proprium-\\t>\r, responsorium-1iðir. Slíkt skipulag léttir fyrir um val og notkun. Reglu umstafrófsröðverðurekkikenntum það fyrirkomulag, sem hér ríkir af hófi handa, því að hún er sniðgengin. Lagaval Um lagaval er það fyrst að segja, að sneitt er hjá mörgum þeim úrvalslögum, sem voru kjarni siðbótar. Þessir söngvar hljóta jafnan að mynda uppistöðu í öllum evangelískum kirkjusöng. Er þar hægurinn hjá að grípa til útgáfubóka Guðbrands biskups Þorlákssonar. Margar lagperlur er þar að finna, sem (slendingar því miður hafa lagt fyrir róða. I kirkjutóntegundarlegum búningi höfða þau enn í dag til trúar og tilbeiðslu, ekki síður en þau gerðu fyrir hartnær 400 árum. Á þeim stofni hlýtur að byggjast endurvakning almenns safnaðarsöngs, sem kirkjan verður að örva af fremsta megni. Sönglegt ORGANISTABLAÐIÐ 3

x

Organistablaðið

Direct Links

If you want to link to this newspaper/magazine, please use these links:

Link to this newspaper/magazine: Organistablaðið
https://timarit.is/publication/787

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.